شهادت اما م موسی ابن جعفر= زندانه یاز عریضه باب الحو ئجم من
شهادت اما م موسی کاظم
هر چاره سیز مریضه درمان رایجم من
زندانه یاز عریضه باب الحوائجم من
زندان اولوبدی مسکن من تک غریب امامه
حمد ایلرم خدایه حل حوائجم من
--------------------
بازار معر فتده هر سکّه رایج اولماز
اولسا ریا عملده هر گز نتا یج اولماز
آل عبادن اوزگه باب الحوائج اولماز
وار مطلبون حبیب پر وردگاره یالوار
فرق ایلمز توسل گل شیر خواره یالوار
هر چاره سیز ره سیز ...........
مرآت لم یزلده عکس پیامبرم من
جدیم آقام حسین دور دنیایه سرورم من
هارونه اگمرم باش موسی ابن جعفرم من
نامرد رو زگاره قو ل باغلی بیر اسیرم
رو با هیلر الینده زنجیره با غلی شیرم
هر چاره سیز ره سیز ..........
خورشید لا یزالم مغربده باتمارام من
خالص طلادور ایمان خاشاکه قاتمارام من
زور و زر و مقامه اسلامی ساتمارام من
موسانی تا و لییا نماز عفریته ریاست
بسدور منه شفاعت دیللر ده دور ولایت
هر چاره سیز ره سیز ..........
یار قامتین گورن گوز عالمده باغی نیلور
بو دو غرانان جگر لر بیر آیری داغی نیلور
الله ائوی اولا ن دل- بیرده چراغی نیلور
مشکات نور حق دور - سیمای آل یاسین
شمس قمر همیشه بیزدن آلوب ضیاسین
هر چاره سیز ره سیز ..........
هارو ن قوی او تورسون تخت هزار رنگه
نمرود تک دایانسون اوز خالقیله جنگه
حق او سته دلخوشام من زندان تار و تنگه
گو هر دی اشگ چشمیم هر دامنه تو کو لمز
محکم ستون دینم بو قامتیم بو کو لمز
هر چاره سیز ره سیز ..........
من موسی کلیمون قلبینده کی کلامم
صادق امامین او غلی الله سئو ن امامم
تاج شر فدی باشدا زهرا قو یان عمامم
قرآنه افتخارم اسلامه آبرویم
من حر مت نمازم حیثیت وضویم
هر چاره سیز ره سیز ..........
هارونه بیردئین یوخ آز جام عشقه داش وور
زندانینی دو ینده قو لدان طنابین آش وور
یوخ طاقتی مریضدی وورسان بیرآز یو اش وور
زهرایه نور عین دور هم شیعه نین امامی
دنیاده هر قو جانین وار عز و احترامی
هر چاره سیز ره سیز ..........
سیز باخمویون که ایللر مر طو ب یئرده قالدیم
گون گور مه دیم یورولدوم گل تک سو لوب سارا لدیم
اولدم مریض وناخوش زندانیده قو جالدیم
هر هاردا گر حسینو ن اولسا عزاسی بر پا
گوز یا شلی سینه داغلی من حاضر او للام اوردا
هر چاره سیز ره سیز ..........
بزم عزاده دائم ال سینه ده دولانام
کفش کن عزاده زهرائیله دایانام
من هامو دان چوخ حّتی جدیم حسینه یاننام
هفتم امام شیعه - زهرا بالا سیم من
زندان غریبی موسی- صادا ت آقاسیم من
هر چاره سیز ره سیز ..........
هر قدر غم چوخ اولسا بیز ایتمروخ شکایت
ایتمز ولایت اهلی هر گز قبو ل ذلت
هر کس منه توسل ایتسه تاپار شرافت
مایو س ایتمر م چون گنج کرامتم من
بحر سخاوتم من دریا ی رحمتم من
هر چاره سیز ره سیز ..........
اسلامه رهبر اولماق علم امامت ایستر
الله یو لو ندا ئو لماق عشق ولایت ایستر
شهد شهادت ایچماق والله لیقاقت استر
خو ش حالینه او کسکه جام شهادت ایچدی
خو ش حالینه شهیدلر اوز عهدنه یتیشدی
هر چاره سیز ره سیز ..........
بو رتبه ده شهادت دونانه قسمت اولماز
بی جا شعار وئر ماق ا نسانه عز ت اولماز
تو پراقینی ساتاندا والله غیر ت اولماز
بیر عد ه ای شعاری اما وئرر یالا ندان
سعی ایلییر چیخاتسون انسانلاری یو لو ندان
هر چاره سیز ره سیز ..........
شاعر ده او لسا تقوا شعری قیامت ایلر
زهرا اوزی او شخصه حتما عنایت ایلر
وجدانی اولسا شاعر حقدن حمایت ایلر
افر ط و تفریط ایتسه هر شاعر اوز شعرینده
طبعین آلوب دئیه للر خامو ش اوتی یئرینده
هر چاره سیز ره سیز ..........
نوکر اولان حسینه بیگانیه باش اگمز
عاشق حسین عزاسین جناتیله دگیشمز
رنگ و ریا ق تیشا گوز یاشی درده دئمز
زاهد بهشتی ایلر اللاهیدان تقاضا
شیعه ولی عزانی وئر مز بهشته حتی
هر چاره سیز ره سیز ..........
کر ببلاده وئر د عباس دوز شعار ی
جانیله دیلدن ایتدی مظلو م امامه یاری
خسرو شهی یازو بدور یاز سنده یادگاری
بو شعر لر اونو ن دور وئر دی سنه گلنده
افسوس گور مه دین سن استادیوی ئو لنده
هر چاره سیز ره سیز ..........
