ولادت امام حسن مجتبی
ولادت باسعادت امام حسن مجتبی (ع)
=================
درگه مولایه جبرئیل امین شادان گلور
دردینه درمان آلا ئوز دوندریب لقمان گلور
مریم و سارا و هاجر هم صفورا آسیه
تهنیت زهرایه عرض ایتسون هامی حوران گلور
----------
اولین گل دور آچوب باغ رسول اللهیده
غیرممکن دور بله گل گورسنه بیر باغیده
ایله بیر شور و نشاط ایجاد اولوب آفاقیده
گل گلور بلبل اوخور اعلان ادیر باد صبا
عالمه قویدی قدم کان کرامت مجتبی
------------
بو اومولوددورجهاندا وار بیوک شخصیتی
انبیاءلر صف چکور گور سون او ماه طلعتی
بو اوگلدور حضرت زهرایه واردور نسبتی
هم ئوزی معصوم آتا معصوم آنا معصومی دور
هم شهید راه قرآن زهریله مسمومی دور
---------
بو گلون آچماقی شاد ایلوبدی کون و امکانی
مصطفانی مرتضانی هم بتول عذرانی
صورتیندن گون آلار نورین اولا جان قربانی
هاممیدان آرتوخ بونون وار بنزری پیغمبره
اولین ارشد اوغول دور وردی الله حیدره
---------
بیر بله مولوده اولسون مرحبا صد مرحبا
نیمه ماه صیامدا گلدی بو عالم آرا
جدی پیغمبر آتاسی مرتضی زهرا آنا
قاداشی فرمانده کل قوای کربلا
بوللارین شانینده گلموش حتی یاسین هل اتی
-----------
مجتبی دور نور چشم حضرت خیر النساء
مجتبی دور جانشین مرتضی شاه ولا
مجتبی دور کون و امکانه اولان فرمانروا
مکتبیندن صبر درسین حضرت ایوب آلار
حاتم طائی ده فیض آلماقا درگاهین چالار
----------
دقت ایتسون بوسوزه وعاظ لر گوینده لر
نوحه خوانلار بیرده شاعرلر هامی داننده لر
اولماسونلار حضرته منکر حقیقی بنده لر
یازما سازش کار امامه ن راه انکاری دوتان
کربلاده قاسم و عبداللهیندان گل اوتان
---------
مجتبی قارداشی عباسی اورکدن ایستیر
ظلمیدور عباسی هرکس اولارا یازسا اوگر
فرق قویماز فاطمه عباسی اوغلوم سسلییر
توپراقا دوشمه دئدی زهرا نه نه ن قربان سنه
«گل اوغول گل سینه مه سن قویموسان منت منه»
-----------
دقت ایله بوسوزون سن بول خدا معناسینانه
گلدی عاشورا خانم کرب و بلا صحراسینا نه
گور نئجه ارزش وروبدور اوغلون سقاسینانه
سویلدی اول شاهد الله نور عینیم دور منیم
فرقی یوخدور مجتبائیله حسینیمدور منیم
---------
جان عالملر اولا قربان گسیلمیش قوللارا
مجتبی اصلی مربی اولدی الحق اوللارا
مجتبیانی کم حساب ائتمه حسیندن، ایت حیا
مجتبادور درس ایثار اورگدن قارداشینا
یازمیرام مولوددی من گلدی نه غملر باشینا
----------
حلمیده مثل پیامبر علمیده مثل علی
شیعه نین دوم امامی حیدره اولموش ولی
اسلام و دینه نجات وردی بونون صلحی بلی
دشمن قرآنله گر بو صلحیله رفتار ادیب
قارداشی ایتسون قیام یولارینی هموار ادیب
-----------
حیف اولا اوز یاروا نصاری بونا ایتموب وفا
گوردی که صلح ایتمسه چوخلی خطروار اسلاما
صلحی مجبور اولدی قبول ایلسون اول مقتدا
اتمه سیدی صلحی دشمنله شجاعت دریاسی
ایلینمیزدی قیامی کربلانین مولاسی
----------
چوخ احادیث لر بونون شانیده وار اخباریده
نیلدی جنگ جملده حمله مکاریده
باخ اوخی ایثارینی صفینیده پیکاریده
فرق یوخ اسلامدا رهبر صلح ائده یا که قیام
هر نه امر ایتسه گر ک اجرا اولونسون والسلام
----------
بو روایت نقل اولوب گویا رسول اللهیدن
گوزلریم نوریدی دنیاده حسینیلن حسن
ایلویوب حرمتلرین واجب خدای ذوالمنن
هم شجاعتده – عبادتده- بولار باهمدیلر
اشتباه ایلر دئسه کیم بیر بیریندن کمدیلر
---------
ای امام مجتبی لطف وکرامت سیزده دی
سائلی خوشحال یولا سالماق سیزین شانیزده دی
/هرنه نقصان اولسا مولاجان بولورسن بیزده دی
یادگاری دوز اوتوز ایل دور یازار اشعار سیزه
چون که یوخ پارتی پولی گمنام قالوب تبریزیده
