شاعر آل محمد حاج محمد یادگاری

تمامی اشعار درج شده در این سایت، سروده های شخصی اینجانب بوده و هر گونه کپی برداری با ذکر منبع مجاز و حلال است.

شاعر آل محمد حاج محمد یادگاری

تمامی اشعار درج شده در این سایت، سروده های شخصی اینجانب بوده و هر گونه کپی برداری با ذکر منبع مجاز و حلال است.

شاعر اهل بیت حاج محمد یادگاری
حاج محمد یادگاری
((عشق ولايت))
كافر او كَسدور اوندا عشق ولايت اولماز
گر اولماسا ولايت مقبول عبادت اولماز
پيغمبران امامان محشرده جمع اولالار
تا گلميونجه زهرا هرگز شفاعت اولماز
طبقه بندی موضوعی

احوالات حضرت ام کلثوم در شب نوزدهم رمضان

چهارشنبه, ۲۴ خرداد ۱۳۹۶، ۰۴:۲۴ ق.ظ

احوالات حضرت ام کلثوم در شب نوزدهم رمضان

 

الهی بو لمورم نه وار آتامدان ال اوزنمورم

اورک دوشوب طلاطمه  فراقینه دوزنمورم
اودور که گوز یاشیم آخار

 دالیجا گوزلریم باخار 

 گئچن گجه نی افطارا آتام منه قوناقیدی   
دئدیم نولیدی کاش آنام گوئرردیم ایندی ساغدی 
الان منه  یقین اولوب اوشب-  شب فراقیدی   
آناسی اولمویان قیزین عجیبه روزگاری وار   

 

او  گجه یاتمادی آتام دوروب عبادت ایلدی   
گهی باخوب گویه  گهی منیله صحبت ایلدی

گئدن زماندا مسجده منه وصییت ایلدی

دئدی بو آیرلیق قیزی سنی همیشه اغلادار 

دئرردی که خبروئریب منه او  ختم الا انبیا

عیان اولار بوکوفه ده  صباح بیر بیوک بلا

بلا منیمکیدور اولار یتیم حسین و مجتبی

رضایم هر قضایه من بلادن ایتمرم فرار

 

الیکه ایستدی گئده قاپی اولوبدی مانعسی   
گلوبدی مر غولار دیله اوجاتدیلار نوا سسی 
دئر دیلر که گتمه ای یتیم و بیو ه لر کسی

سن اولما سان یتیملر ی بو کوفه ده کیم آختارار

نئجه سالوب آتاسینی یولا بیر عارفان بولر
جهاندا اوز مسافرین اوزاق یولاسالان بولر

وداع ادیب بالا لارین ائویندن آریلان بولر

وصال یاری آختاران جهاندا هرزادین آتار 

گلوب یتیشدی مسجده علی ولی کرد گار    
اویاتدی قاتلین دئدی دورای ذلیل روزگار

اوقدر قالموری اولابوعرش و فرش اشگبار   
بالالاریم قالار منیم یولومدا دائم انتظار

وئریب اذانی باشلادی نمازی میر مومنان

رکونی قوتاریب آقا اولوبدی سجدیه روان    
ایکیمجی سجده دن دورا مرادی وئر مدی امان   
ووروبدی زهرلی قلیج علینی ایتدی زخمدار

 

گتوردی شهر ه کوفه نی نوای وا علی سسی

سپردی باشه توپراقی اویئرده غملی شیعه سی 
گلوب ابوالفضل ئولدوره اونا نجیب ناکسی

حسن یوردی صبرایله دایان عزیز با وقار

-

علینی حمل قیلدیلر کلیم ایچینده منزله

یتشماقا اولار ائوه قالوردی آججا فاصله

کلیم ایچینده گوردیلر گلوبدی مرتضی دیله

قویون یئره اوزوم اولوم ائویمه ایمدی رهسپار

 

اماندی قویمویون منی بوحالدا زینبیم گورر

وفالی زینبی یقین بو محنت حتما ئولدورر

منی بوحالدا گورسه گر بالالاریم هراس ائدر

اورک دوام ایله مز اولار گر ایتسه آه و زار

 

آچوبلا رختخوابینی او استراحت ایلسین

گئدیب طبیب گتوردیلر اونا طبابت ایلسین

باخوب یارا سینا دئدی د ئیون وصییت ایلسین

طبیب گر جواب ائده مریضده قالماز اختیار

 

دیله گتوردی بو سوزی او فاطمه یگانه سی

آنام اولیدی ساغ اگر شفا تاپاردی یاره سی

خدایا یوخدی زینبین الینده ایندی چاره سی

آتاسی دا آناسی تک اولور فدای کرد گار

-----

بو یادگاری نوکر گدای آستانه دی

بوشعری هدیه درگه ولایته بهانه دی

بوشعری یازدیران منه او صاحب زمانه دی  

ولایت علی بیزه همیشه حصن دور حصار

----------------

 

 

موافقین ۰ مخالفین ۰ ۹۶/۰۳/۲۴
حاج محمد یادگاری

نظرات  (۰)

هیچ نظری هنوز ثبت نشده است

ارسال نظر

ارسال نظر آزاد است، اما اگر قبلا در بیان ثبت نام کرده اید می توانید ابتدا وارد شوید.
شما میتوانید از این تگهای html استفاده کنید:
<b> یا <strong>، <em> یا <i>، <u>، <strike> یا <s>، <sup>، <sub>، <blockquote>، <code>، <pre>، <hr>، <br>، <p>، <a href="" title="">، <span style="">، <div align="">