شاعر آل محمد حاج محمد یادگاری

تمامی اشعار درج شده در این سایت، سروده های شخصی اینجانب بوده و هر گونه کپی برداری با ذکر منبع مجاز و حلال است.

شاعر آل محمد حاج محمد یادگاری

تمامی اشعار درج شده در این سایت، سروده های شخصی اینجانب بوده و هر گونه کپی برداری با ذکر منبع مجاز و حلال است.

شاعر اهل بیت حاج محمد یادگاری
حاج محمد یادگاری
((عشق ولايت))
كافر او كَسدور اوندا عشق ولايت اولماز
گر اولماسا ولايت مقبول عبادت اولماز
پيغمبران امامان محشرده جمع اولالار
تا گلميونجه زهرا هرگز شفاعت اولماز
طبقه بندی موضوعی

۲ مطلب در شهریور ۱۳۹۵ ثبت شده است

قاره علم
===================

اهل دیله قاره علم مایه عزت تانینور
جلوه گر نهضت حقروح حقیقت تانینور
مظهر آزادگی شو کت رحمت تانینور
آلدی حسین بن علی تااله عزت علمین
ماه محر مده قویوب کر ببلایه قد مین
----------
ملک ولایتده بلی پرچم عزا پر چمیدی
مظهر عشق شهدا آل عبا پر چمیدی
شیعه لرین عزتیدی شور ونوا پر چمیدی
 عترت و قرآنین اولار یاری بلی قاره علم
زینب اونا والی اولوب قلبیده مین درد و الم
-----------
فخر وقاریله اوپر   شیعه عزا پر چمینی
 شو قیله گوز یاشی توکر گورسه در عشق دلینی  
دردینی مو لایه دئیر بیر کسه آچماز الینی
ذکر حسینیله دی صاحب پر ارزش اولار
حشریده اوز ذکر لری موجب هر بخشش اولار
-----------
سنده گلنده بویئره دیلده حسینون غمی گل
سعی ایله اولده ولی اوپ اوقرا پر چمی گل
گوردون هایاندا قورولوب بزم عزامامی گل
صدقیله دردین د ئگیلن بند دل حیدره سن
مشگو لوی آچماسا گر لعنتی ایله منه سن
------------
بوس الیللر حاجیلار کعبه حجر اسودینی
سنده اوتانما اگیل اوپ بوردا حسین پر چمینی
کاش اولا بیر خبره دئیه بو عملین علتینی
علتینی بولسن اگر واجب ائدرسن اوزوه
حتی تو زوندان آپاروب ائوده چکر سن گو زووه
-----------
اهل و عیالین دو لانار باشینه قاره علین
وقی او قاره علمین درک ائله دین  سن کرمین
یاده سالارسان آقا وون کر ببلاده حر مین
اوندا سنین زائر آدین حضرت عباس یازار
قلبیوون او احساسینی اول شرف الناس یازار
------------
گوردو ن هایاندا وور ولوب پر چی سیندیر اوزووی
قدیوی ار  پر چمه سوت هم یوزوی هم گوزووی
فاطمه نین دوی  قاپوسون اوغلونا سویله سوزوی
امر ایلییه آدین حسین دفتره منظور الییه
حشریده عاشقلریله تاسنی مشهور الییه
------------
عاشق اوکسدور که اونی معشوقی عاشق تانییا
دردینی مولایه دئیه  گتمویه آیری قاپو یا
 باش اگه مولایه فقط اولمویا نوکر هامویا
گل بیزی  نامید ایلمه سویلویه سن جان بتول
نو کریوه نوکر آقا بیزلری سن ایله قبول  
--------------
بیر آدوون  عاشقییوخ ای گل گلزار وفا  
در گهیوو ن سائیلیوخ ای شر ف آل عبا
گتمروخ آیری قاپویا  لطف ایله ای کان عطا
نوکر شا یستع اولوب مکتبیوه خدمت ائداخ
نهضتیو ه آگه اولوب سن بویوران یولدا گئداخ
------------
نهضتیله شیه لره شور نوا وئردین حسین
قانویله ماریده دینه بقا وئر دین حسین
سن علی اکبر تک اوغول دینه فدا وئردین حسین
شبه نبی پیکرینی  اهل جفا دوغرادیلار
سینه لیلا آنا سین حشره کیمی داغلادیلار
---------
آند اولا ناحق تو کولن خون علی اصغرینه
نعشی عبایه ییغیلان  شبه نبی  علی اکبرینه
قو یماروق بیگانه لری کج باخا پر چملرینه
نوکرینی لطفیله او عالمه سلطان الییوب
قارداشی عباسی حسین دینینه قربان الییوب
---------------
کعبه دن افضلدی حسین صحن رواق و حر مین
عالمی ارشاد الییوب جود سخا و کرمین
مهدی گلونجه اسه جاخ کرببلاده  علمون
گلشن زهرا گلی دور آل عبانین گوزلی
چشم جهان گور مو یا جاخ بیرده حسین ابن علی
------------
نوکر اولان در گهینه ثروت دنیانی نئدر
گورسه رواق و حر مون جنت العلانی نئدر
کیم دوتا دامانین اونون عالم امکانی نئدر
بذل کرم صاحبی دور یوسف زهرادور حسین
معدن ایثار وفا  درده مداوادور حسین
-------------
کرببلانی الییوب قانیله گلزار حسین
مدفن اولوب اوردا بلی یتمیش ایکی یار حسین
خالق العلا اوزی دور شاهد ایثار حسین
حشره کیمی حور ملک جن وبشر آغلییاجاخ
نصر من الله علمین او شهدا سا خلییا جاخ
---------
نهضت جاوید  حسین دینه شرف نهضتی دور
هر یئره باخسان گورورسن  کرببلا صحبی دور
هر مرضه بلی دوا کر ببلا تربتی دور
مو کب شاه شهدا جاه سلیمانه دئیر
صحن ورواق حرمی روضه رضوانه دئیر
---------
خضریله الیاس اولوب آب بقا مشترسی
دور جهانی دولانار سیر صفا مشترسی
شیعه لری اما اولوب کر ببلا مشترسی
مشگلی آچماق بلی وار چون کر مونده آقامون
هر شب جمعه دولانار دل کر مونده آقامون
----------
بو قاپودا ن حاجت آلار هر کیمین اولسا ادبی
تقواسی اولسون گله نین اولماسون اصل و نصبی
فرق ایلمز  شاه و گدا  قاره دی یا آغدی لبی
شاهد مطلب اوزی دور  شعریمه شاه شهدا
اوپدی غلامین  یوزونی ابری تک میر هدا
-------------
 

۰ نظر موافقین ۰ مخالفین ۰ ۲۱ شهریور ۹۵ ، ۱۲:۲۱
حاج محمد یادگاری

قرا پر چم

===================

یادآور ایام محرم قرا پر چم

 اعلان عزا رونق ماتم قرا پرچم

------------

بو پرچمی معبر لره هر یئرده ووراللار

احرار اونی مسجدلره  سر درده ووراللار

بو پرچمی فکر ایلمه یئرلرده ووراللار

حتّی که ملکلر بونی گو گلرده ووراللار

افلاکه وورار آدم و خاتم قرا پرچم

----------

وور پر چمی اسدو قجه دل دشمنی سیخسین

زهرا خانمون قویما سنیخ قلبی داریخسین

کیم قاره علم وور سا اونی آغ گو نه چیخسین

ای طعنه ووران گیت ائوین عباس اوزی یخسین

نامحر مه هاردان اولی محرم قرا پرچم

--------

بیر عده ای وهّابی نمالر گورو نه للر

دقّت ائله سن حتّی اولار تیز بولو نه للر

شاخسی گئدنه طعنه ووراللار دئیو نه للر

بیرعدده پرچم دالیسیجا سو یو نه للر

بو شیعه نی ایلوبدی مکرم قرا پر چم

------------

بو پر چمی یخماخلوقا چوخلار چالو شوبدور

آخر ییخا بو لموب دوتوب اود تک آ لیشو بدور

هر کیمسه صداقتله  علمدن یاپو شو بدور

هر حاجتی اولسا اونا والله یتیشو بدور

دشمنلرینین قدین ائدر  خم قرا پر چم

------------

یاتماز بو علم تاکه بشر وار یئر ئوزونده

بیگانه لرین یوخدی اثر یاوه سوزونده

هیئات حسینی اولارین اوخدی گو زوند ه

عاشق سن اشیت بوسوزی احسن دی اوزونده

نامرده وورار سیلی محکم قرا پر چم

--------------

گر غاصب تکفیری وهابی داعش

آمر یکا اوزی حتی ائده بو ایشه خواهش

بو پر چمی یخماقا جهان ایلییه سازش

واللاهی گورنمز لَر اولار دنیادا بیر ایش

ایلر اولارین طر حینی برهم قرا پر چم

-----------

تاریخ صراحتله یازوب ایلییوب اعلان

چوخلاری بو پرچمدن آلو ب دردینه درمان

نامید فئیتمز گله هر کیمسه نه هر آن

پر چمدن اوپوب کیم اونا الله ادیب احسان

بلی که قویار یارییه مر هم قرا پرچم

----------

بیر عده گئدیب خارجه ده گزماقا خوشدی

مخلصلره حتی گوروسن مسخره قوشدی

محشر گونی اوللار گو را جاخ اللری بوشدی

هر کسکه سئور ساخسیی سویلرمنه نوشدی

واللاهی وئرر عاشقه خوش دم قراپرچم

------

بیر عده توکو ب گوز یاشی شاخسی ده گئدللر

بیر عده او اعجازی گوروب تکذیب ائد للر

لعنت اولار راه   - خدادن قئییدللر

بولمز لر اولار اوزلریده حتی نئدللر

اوللاریدا بیرگون ائدر آدم قرا پرچم

------

بو پر چمی زینب که عزا خانییه ووردی

پر چم دئمه  خنجر دل بیگا نییه ووردی

سیلی دهن زاده مر جا نییه ووردی

بیر قاره علمده در ویرانییه ووردی

الاندا اسور اورا مسلّم قرا پر چم

-----------

عشق اهلینه چون حبل متین دور بو علملر

انگشتر اسلامه  -نگین دور بو علملر

عزتده بیزه مظهر دین دور بو علملر

درمان الیین درده یقین دور بو علملر

اولموش هامی پر چملره اعلم قرا پر چم

----------

گل بزم حسینه بو قاپی باب کر م دور

روحیه وئرن روحیوه بو قاره علم دور

بو قاره علمدن بری بول اهل ظلم دور

بو قاره علم صاحبی قو للاری قلم دور

عباسی ادیب  رتبه ده اعظم قرا پرچم

----------

اوپر چمه خاطر گیچوب عباس قولوندان

بیرلحظه ولی چیخمادی الله یولوندا ن

عشاقی گئچیدر اوزی عباس  پو لوندان

هم گیچدی سا غیندان همی ده گیچدی  صو لوندان

سو یلردی ا ولا ردین منه همدم قرا پر چم

-----------

چوخ زحمتیوی چکدی عمم جعفر طیار

جان قویدی بابام شیر خدا حیدر کرار

راضی دگلم منده سنی خوار ائده اشرار

حفظونده ایکی قوللاریمی ایلدیم ایثار

گل سنده منه او لگیلا همدم قراپرچم

------------

سن دینیمیزین پرچمی سن یاماقا اسمه

السیزباشیم اوستن ییخیلیب سایه وی کسمه

 من قانه بلشدیم ولی سن باری بلشمه

یول گوزلویور م پرچم اسلام تلسمه

گلسه ائدرم زحمتیمی کم قرا پرچم

------------

ال گتدی بو اللرده کی القانی سیلینجه

من وئر مه دیم الدن سنی اللر  کسیلینجه

ایکاش حسینیم گله شام اهلی گلینجه

ایکاش اجل درک ائده قیزلار ی بولونجه

غصه یله دولوبدور ائله  سینه م قرا پرچم

-----------

شه گلمه سه بیگانه منیم حالیمی بولمز

قانیله د ولان گوزلریمی اوز گه سی سیلمز

دشمنلریمه باشیم عمودآتدا اریلمز

اوخلانماسا گوز تیریله که فاطمه گلمز

کوینده اونو ن مین دفعه ئولم قاپرچم

-----------

سیندیرمامنی قوی دایانوم اوز سوزوم اوسته

دین پرچمیسن دوشمه یئره قال گوزوم اوسته

اخیامه سویونم سویوم اولسا یوزوم اوسته

تحویل  حسینه سنی وئرّم دیزوم اوسته

واللاهی بودوراصل عقیدم قرا پرچم

-------------

قوی سسلیوم الان شه عالم اوزی گلسین

عشقیم  هوسیم روحیم علاقم اوزی گلسین

صبر ایله بیرآز صاحب پر چم اوزی گلسین

جانیم اونا قربان اودی اعلم اوزی گلسین

مدفن اولا جاخدور منه علقم قرا پرچم

------------

من قورتارورام سوزلریمی سن یولی چاشما

شاخسی گئدنه سعی ایله دنیاده دو لاشما

زهرا قاپو سوندان عزیزیم فا صله آشما

عباس علمیندن یاپو ش عشقینله ساواشما

عرض ایله هایاندا اولا گلّم قرا پرچم

-------

من یادگارام او ل قرا پر چمده گوزوم وار

قلبیمده اونا چوخ دئملی سر سوزوم وار

او پر چمه سو تماقا  منیم قاره یوزوم وار

هر کس نه دئسه صبر ائدرم منده دوزوم وار

مدیون اوزومی من سنه بولّم  قرا پر چم

 

=================

۰ نظر موافقین ۰ مخالفین ۰ ۲۱ شهریور ۹۵ ، ۱۲:۱۵
حاج محمد یادگاری