اربعین = گزوب فغانیله گلثوم اودشت پر غمده

اربعین

گزوب فغانیله کلثو م اودشت پر غمده

تاپوبدی قبر ابو الفظلی نهرعلقمده

باخوب اوخرداجا قبرینه  احترام ایلدی

دئدی ئولونجه باجون اودلانار بو ماتمده

==============

ازل سلام ایلدی او ل وفالی قارداشینا

آچوبدی زلفینی یو لسون الین آتوب باشینا

وئرب  اجازه نی  کلثو م او دمده گوزیاشینا

دئردی دور باجیوام گلموشم اوزاق یولدان

گیچن حسینه گوره ای ایکی اوزون قولدان

 

اگر چه قیخ گون اولور آیریلوب باجون سندن

بو آیریلوق منی قارداش جانی سالو ب دیلدن

باشیمزا نه گلوب قیخ گونی سوروش مندن

بو اربعینه گلوبدور باجون دل آزرده

بو آیرلیق منی گل تک ائدیبدی پژمرده

 

بو سّریدن منی آگاه ایله سنی زهرا

نئیه کناره دوشوبسن حسیندن آیا

بیله خیال ائدورم سویلدی اونا سقا

یاتار کنار آقادان رسمدور باجی نوکر

منم غلام حسینه - اودور منه  سرور

 

اوزاقدا یاتماقوم اوندان اگر چه نسگلدی

ولی بومطلبیمون درکی گر چه مشگلدی

گلنده قبریمون اوسته آنام باخوب بولدی

خیال ایلمه بوایشده غفلت ایله موشم

ادبی من باجی بوردا رعایت ایله موشم

-------—

اولوبدی مطلبه قانع گنه ائدیبدی خطاب

دئدی رقیه جانی وئرگیلن دوباره   جواب  

نئیه مزارین اولوب خردا قلبیم اولدی کباب

اوقد وقامتی که سنده واردی گویا

بو خردا قبریده سویله نئجه یاتوبدور اخا 

 

بیان ایلدی شک ایلمه حمیده خصال

اگرچه قلبین ائوین بوسوزوم ائدر پامال

بو کلمه نی باجی دقت ایله خیالیوه سال

سنه بیان ایلیوم  مطلبی حمیده سییر

بیچیلسه هرنه باجی سن قبول  ایله کیچیلر

 

او قد و قامتیمی باجی دوغراموشدی عدو

نئجه دئیوم گوزومی حتی اوخلاموشدی عدو

بو جسمیده قالا ساغ یئر ده قویماموشیدی عدو

او دور که قبریم اولوب خردا آیری فکر ایلمه

گئدنده یثربه ام البنینه ذکر ایلمه

 

بورا گلنده آنامیز اولیل عاشورا

حسینیدنده قباق لطف قیلدی گلدی بورا

دئدیم نه نه سنه قربان حسین هارا من هارا

بیوردی  کاش گویردیم بویرده قبریز وار  

سنیله   بیرده حسینون منه نه فرقیز وار

 

بیوردی یوخدور آنان غم یئمه سنین آنا نا م

حسینیدنده قباق من سنی یادا سالانام

بو قانلی عرصه نی  من  بو گجه گرک دولانام

 گورم شهیدلری بیر بیر من ایلیم ایثار

تنور خولیده بیرقانلی باش ائدم دیدار

 

دا یادگاری قوتار مطلبی سنی تاری

اماندی گتمه گیلن شهر کوفییه ساری

دئمه نه جور دولاناردیله کوچه بازاری

بو اربعینیده گل  کوفه دن بیان ایتمه

اما م عصر اورگین  بسدی بوردا قان ایتمه

 

—------------------

شجاعت حضر ت علی اصغر و گفتگو با پدرش

 

شجاعت حضرت علی اصغر

==========

ای طایر طبعیم گوزون اشگیله تر ایله

گیت کرببلا صحنه سینه بیر گذر ایله

دوت دامن اصغردن آل الهامی اوزوندن

عشقی ولی بو شعریده صاحب نظر ایله

 

گل ای قلمیم مطلبی دوز ایله گزارش

سعی ایله بو مطلبده  ایله عشقیله سازش

اوّلده حسین بن علی دن ایله پوزش

یاز گتدی نئجه اصغری میدانه لب عطشان

گوردی سوزی وار قلبده ایستور ائده اعلان

 

رخصت اونا وئردی دئیه دردین شه خوبان

فرصت داخی یوخ من هاموسون سویلورم الان

بی شممه ای وار فکریم ائدم شعریده عنوان

رخصت گرک یازماقا آلام اول اوزوندن

بیر درسیدی  اخذ ایلرم عقبایه سوزوندن

 

چوخ سوزلر اولوب رد وبدل یازماقا گلمز

گر یاز سادا بیر شاعر اونی  کیمسه نه بولمز

تاریخیده اصغر آدی پاینده دی ئولمز

باخ گور نه لر عرض ایتدی اوسرباز وفادار

سویلوب بابا فکر ایلمه بو طفلدی قورخار

 

چون دلسیزیدی رمزیله آندیردی کلامین

عا لملره ابلاغ ایلدی  رمز پیامین

میدانیده احوالینه آغلاتدی امامین

 یعنی بابا دنیا غم و اندوهینه دئیمز

زهرا بالاسی ئولسه ده نمرده باش اگمز

 

پیشواز ائدرم من ئولومی  دینیمه خاطر

هاممی ئوله جاخدور بابا جان اوّل  و آخئر

بو خیر عمله سن بابا جان ایلمه تاخیر

من یئر وئررم اوچ پر اوخا تشنه بو غازدا

شکر ایله اگر قانیمله دولسا آغیزدا

 

اوخ حنجریمی شاد اولارام تیخ کیمی بُولسون

او جوندا منیم قانیمی سپ گویلره بولسون

قوی دشمن قر آ ن خجالت چکوب ئو لسون

گرچه بو شقی لرده بابا رحم تاپولماز

اوخ دگمه سه بو غنچه بابا هیچ وخ آچیلماز

 

یالوارما بابا لشگر خونخوار یزیده

اتمام ایله اوز حجتیوی قوم پلیده

بولسونه آنان بنت محمدی حمیده

سو ایسته منه دشمن بی رحم دنی دن

دشمن منه سو وئر سه ده من ا یچمرم اصلا

 

چکدون باباجان  سن  محکه قوم تباری  

اصرار ائلدین ایتمه دی بیر کیمسنه یاری

قبول بولار ایتدیلر  عقباده کی ناری

عباسین ئولوبدور بابا سر لشگرین اوللام

قویمام یاتا دین پرچمیمن یاورین اوللام

 

دوزدی اوشاقام منده علی غیرتی واردی

منتلی سویی میل ایله مم علتی واردی

لب تشنه شهید اولما قیمون لذتی واردی

بیر سو که عموم ایچمه دی اوندا منه خاطر

انصاف دگل میل ایلیم من دم آخئر

 

عشقین عموم عباس ایلدی  نفسینه غالب

قوللارینی حتی  وئر اولدی بابا طالب

گوردو ن نئجه او ماردی خوار ایلدی جالب

عرش اهلی اونون ایثارین حتی بابا گوردی

اصغر دئدی آخر نفسینده بابا ئولدی

 

عباس عموم تک اولارام دینیمه قربان

قویمام بابا بیر زرّه  یته   عشقیمه نقصان

بو قانیمله زنده اولار دهریده قر آن

ظاهرده بابا دوزدی که بیر طفل ضعیفم

باطنده ولی شمره عمر سعده حریفم

 

من طایر پر بسته گلزار حجازم

بو قانیمی قر آنیمه وئر ماقا مجازم

شکر ایلیرم واردی بابا سندن اجازم

زهرا یولومی گوزلوری جنتده داریخما

سعی ایله گیلن  پایه صبری بابا یخما

 

گاهواردن آلجاخ سسیوی من یئره دوشدوم

پر وازه گلوب مثل کبوتر بابا اوشدوم

آخر آنامی او غلی ئولن نسوانا قوشدوم

قویمادوم  آنام خوار اولا زهرا قبا قیندا

 عمری نقد ر وار یانا جاقدور فرا قیمدا

 

مشهور الیین حرمله ملعونی اوچ اوخدی

سعد اوغلی زیاد اوغلی اوزوندن بابا چیخدی

بو سود امرین هر اوچونی توپراقا یخدی

بیر قالدی یزید شامیده اعلان اولا جاقدی

قو خما اونودا نازلی رقییه ن یخا جاقدی

 

من سندن حمایت ائلدیم جانیله دیلدن

عمه مدن حمایت ائده جاق اوردا رقییه ن

شاماتیده اسلام علمین  نصب ائدر حتما

شامته علی تاپمادی ال حسرتی قالدی

تاریخ یازار شامی رقیه گئدیب آلدی

 

دوزدی آنامی غرق ایلدیم غصه و غمده

گر او خلا سالار راحت اولار حتی نه نه مده

صبحه کیمی بیدار داخی قالماز حرمده

دفن ایت منی قونداقی آپار  خیمه سر ایه

لشگر تاپا جاقدور وورا جاق نوک جدایه

 

عالملره اعلان بابا لازمدی وئریلسین

من قانه باتوم مکتب قر آن دیریلسین

لاز م دگی آدیم شهد ا ایچره دئریلسین

گمنامیده اولسام سنه خاطر منه نوشدی

قوی سو یله میسن حی تعالی الی بوشدی

 

مظلو م آتیا ایلدی بو سوزلری تاثیر

حمد ایتدی خدایه اوجادان سویلدی تکبیر

اقدامین ایله قویماگیلان  تا اولا تاخیر

سعی ایلفه گولون اللرین اوسته اولا خندان

سندن صورا  قالسام منه بو دهر اولی زندان

 

اوز دوتدی اوبی رحملره شاه شهیدان

بو طرزیله ایتدی اولارا حجتین اعلان

من ایسته مورم سو آپارام خیمییه بوردان

سیز مندن آلون بو بالانی سو وئرین ایچسین

سوندان وورون  اوچ شعبه لی اوخ حلقینی بیچسین

 

بوسوز ایله تاثیر ایلدی لشگر شامه

آغلو ب هاموسی لعنت ائدیب  قوم ظلامه

سعد اوغلی گوروب چاتمویاجاخ دیلده کی کامه

خاموش ایله سین آتشی که  اوردا یانوردی

با اینکه حسینی هامودان یاخشی تانوردی

 

سعد اوغلی گوروب لشگرینی آغلوری اوردا

سسلوبدی هانی حرمله بس گزلنوب هاردا

احضار ا یلیو ن تا بونی ساکت ائده بوردا

وورسون او اوخیکه تایین  عباسه ووروبدی

احوالی بونون لشگری از دم چو ووروبدی

 

گلدی  اویزیدین  قسم ایلوبدی سرینه

قوخما دئدی آرزون یتیشرا یندی یئرینه

بیر اوخ ووررام لرزه سالار عرش و برینه

احوالینی بو لشگرین تغییر ائدرم من

حتی بالانی او خلیوب غمگین گئدرم من

 

اوخ آتمادا دنیاده زبس ماهر اولاردی

حتّی اوخیله سوزنی ملعون دا  ووراردی

اوخ اوچ پریدی هر نئیه دگسیدی یاراردی

اوخ گویده او احواله اوزی ناله ائدردی

گر اذن اولیدی اونا یولدان قئییدردی

 

اوخ گلدی ازل عرض ایلدی تشنه بالا یه

سن سن او کسین اوغلی دئین بلی بلایه

مندن ابدا ایلمه  -  بیر زّره گلایه

دستور آلارا م  من ولی بوردا جوازیندان

 مظلوم بالا فرمایش ائدیب اوپ بوغازیمدان

 

حیرا ن قالوب اوخ ایلدی تعظیم قبا قیندا

ایستردی اوپه گل یوزون عطشان دو دا قیندا

وئر موبدور اجازه اونو ن اوپسون ایاقیندا

مجبور قالوب حنجری خنجر کیمی بیچسین

تا شربت شهدی اوبالا عرصه ده ایچسین

 

اصغر گوز آچوب باخدی گلنده اوخا گو لدی

بیکس آتاسی یومدی گوزون مطلبی بولدی

مخیمده رباب درک ایلیوب ئولدی دئریلدی

الله دئدی بو اصغریمی اکبر حساب ایت

بو ظلمه اوزون قادر و قها ر جواب ایت

 

هربیر اوشاقا یاره ای دگسه بلی آغلار

بولسه آناسی سینه سینی اول غمه داغلار

اما آتاسی یاره سینی عرصه ده باغلار

اصغر او خا گولدی دئدی اوز عهدیمه یتدیم

سویلوبدی بابا حافظین الله اولا گتدیم

 

 من در ک ائدورم شعر لریمون ایرادی واردی

بو انجمنین شاعری چوخ استادی واردی

چوخ عیبیمی دوتما زلا چون اصغر آدی واردی

اصغر اوزی لطف ایلدی بو ایثار ی یازدیم

اوچ ساعت و قیخ در قه ده بو اشعاری یازدیم

-----------

این اشعاررا در ستادتبلیغات اسلامی  تبریز در حضور

جمعی از استادان وشعرا در انجمن اسلامی شعرا  خواندم

23 بهمن روز تاسیس کمیته های انقلاب اسلامی ایران

هدایت ایلین دوز راهه اسلامین دنیدی 

وطنده یرم اوچ بهمن  کمیته لر گونیدی

 

بو مجلسی که الان بو مکاندا دایردی

بو بزمه مهدی صاحب زمان نا ظردی

 

اولوب شهیدلره خاطر بو بز م الان برپا 

کمیته نین شهداسی بو بزمیده یاد او لا

 

بویئر که ایلییورک او جمعدن یادی

اولوبدی     بونو آدی

 

بو یاد واره لره کیملری او لار بانی

اولارین اعمالی شاد ایلییر شهیدانی

 

باخاندا حظ ائدورم بو صفالی محفلوزه

بو یادگارینین عرض و سلامی واردی سیزه

 

خدادن ایستیرم من به حق نور جلی

تمام مشگلاتی حل ائده یدالله الی

 

اما م او گونکه قدم قویدی ملک ایرانه

ازل نهاد کمیته یدی گلدی میدانه

 

اولوبدی یئر مکییه بهمن انقلاب پیروز

ادیبدی یرم اوچ بهمنده بو نهاد بروز

 

او گونده  صحنه ده  تنها بو بیر نهادیدی

کمیته انقلابی بو نهادین آدیدی

 

یوخیدی آیری بیر اورگانیدن او گون خبری

اولوب کمیته تمم نهاد لارین پدری

 

سپاه بسیج  جهاد بو نهاده یاوریدی

اما بویوردی کمیته اولارا مادردی

 

او لوبد ی قیرخ ایکی ایل او وقتیدن سپری

او قانلارین هله ده واردی بیزلره  ثمری

 

وئربله چوخلی شهید راه دین قر آنه

او قانلار اولدی بلی پشتوانه ایرانه

 

اولار حسین چاغروب جبهه ده وئریب جانی

حسینی ایسد سه هر کس سئور شهیدانی

 

او کس که نهضته یا که شهیده بدبین دور

حسینچیم دئسه قبول ایتمه بی دین دور

 

او کس که خامنه انی بولمویه بو گون نائب

اونی قبول المز یار حضرت غائب

 

خمینی خامنهای بیردی ایلمه شک و ریب

منیم بو عر ضیمی اشعاریده گل ایلمه عیب

 

خمینی یوخدی وگون سنگرینده خامنه ای وا ر

امام عصریدن الهامینی همیشه آلار

 

بدون حکم هیچ اقدامی  خامنه ای ایله مز

اجازه وئر مه سه او حتی کلمه ای سو لمز

 

امام عصریدی بو للاری ایلین مشهور

همیشه ایله دعا مهدی جان تیز ایله ظهور

 

اولار که رهبره بد بیندی اجتناب ایله

اولاری مملکتین خائنی  حساب ایله

 

نه شغلد ااولالار بول او لارد یوخ وجدان

نه من نه سن اولار طرد ائدر امام زمان

 

امام خامنهی هرنه بیورسا حجت دور

امام نائبی دور واجب ال اطاعت دور

 

اونون سوزون الیین نهی بی شرافت دور

سالان اوشیطانی خوف و هراسه وحدت دو

 

کیم هرج و مرجه چکه بو زماندا ایرانی

ایاقی آتد ا قویور خون اول شهیدانی

 

او قانلارا هاموموز مدیونوخ بو ایراندا

خیانت ایلین حتما یانار او نیراندا

 

او قانلار آخمادی بیر عده اختلاس الیه

اوزونی حی تعا لایه نا سپاس الییه

 

او قانلار اخماد ی بیر عده احتکار ائده لر

او شیطانین یولونی مستقیم دوتوب گئده لر

 

بیر عده فکر الییر دنیادا قالان ئو لمز

خیانت ایلین هر کس اولا یوزی گولمز

 

سلام اولا اوسلیماننین لیاقتینه

ائدله غبطه بونون چو خلاری شها دتینه

 

بو عا لمین بلی بیر دفعه قید ینی آ تدی

خلاصه باکی چمرانه بو گئدیب چاتدی

 

نمازینی اوزی رهبر قیلوبدی تهراندا

نه حاله قالدی آقا چوخدی شاهدایراندا

 

بونون شهادتی قدرت وئربدی ایرانه

بونون شهادتی دور ووردی سیلی شیطانه

 

سلام اولاسیزه ای طایران باغ ارم

سلام اولا سیزه بیزدن مدافعان حرم

 

گر اولماسیدی حماسه ز سیزین حسین جانی

اولاردی تبریز و اورمیه جنگ میدانی

 

اولار نه ایش گورور اصلا بوسوزی سو یله مویاخ

حمایت ایلیاخ کفران  نعمت ایله مو یاخ

 

شهید لرین قانی ساخلوبدی دین و قرآنی

شهید لرین قانی پا ینده ایلو ب ایرانی

 

سوزومی قو ر تارورام با اجازه شهدا

یانان اورکلره تسکین عنایت ایله خدا

 

بو خواهشی الییر یادگاری رهبردن

کمیته لر آدی پاک اولمویا اودفتردن

 

او کس که ایستوری ایتسون وفاسینی اثبات

دئسون محمد و آل محمده صلوات

================

 

هم فاطمه هم ام بنین ائوی آباد = شعر از استاد مصیب و یادگاری

شور حماسی

«هم فاطمه هم امّ بنینین ائوی آباد»

.

گویلرده گزن روحُ الامینین ائوی آباد

یئرلرده تبارِ علوی نین ائوی آباد

بیر شاهین ائوی بیرده وزیرین ائوی آباد

اوّلده حسین سبط نبی نین ائوی آباد

اوندانصورا عباسِ علی نین ائوی آباد

بیرده ایکی شهبانوی دینین ائوی آباد

هم فاطمه هم امّ بنینین ائوی آباد

شوفیله دئنن آل علینین ائوی آباد

 

اولادِ علی نخل تولّایه ثمردی

نُه طاقه حسین گوندی ابوالفضلی قمردی

هانسی سینه دن بو ایکی قارداش صود،امردی

شیرین سینه سیندن صود امن عالمه سردی

دشمنلری اولاد علی نین ؛ سگِ در دی

دنیاده بئله شیر قوی نین ائوی آباد

هم فاطمه هم امّ بنینین ائوی آباد

.شوقیله دئنن ال علینین ائوی آباد

 

شاه اوغلی بیلون؛ سائل و سلطانه باش اگمز

توفنده؛ اگر ئولسه ده طوفانه باش اگمز (1)

عالمده حسین منصب و عنوانه باش اگمز

عبّاسه اگر گلسه امان نامه باش اگمز

ارزنده دیلر؛هئچ بیری ارزانه باش اگمز

سردار و سپهدار زمینین ائوی آباد

هم فاطمه هم امّ بنینین ائوی آباد

شوقیله دئنن ال علینین ائوی آباد

.

نخجیر شهامتده ایکی شیره ماشالله

زهرا بالاسیندا دمِ تکبیره ماشالله

عباسیده دستان علمگیره ماشالله

کُفّاره ووران ضربت شمشیره ماشالله

پستان ولایتده جوشان شیره ماشالله

یثربده ایکی ماه جبینون ائوی آباد

هم فاطمه هم امّ بنینین ائوی آباد

. شوقیله دئنن ال علینین ائوی آباد

 

زهرا بالاسی شاهی دی شه نوکرین آتماز

عبّاس اونا نوکردی کی نوکر شهی ساتماز

چوخ عاشق حسینه گلوب عبّاسینه چاتماز

اولاد علی نین قانی دنیا بویی باتماز

پرچم کی علی اوغلی اوجالدوب گویه، یاتماز

هم نوکر ائوی هم شه دینین ائوی آباد

هم فاطمه هم امّ بنینین ائوی آباد

شوقیله دئنن ال علینین ائوی آباد.

.

واللهی حسین وصفینه عاجزدی قلملر

عبّاسینه خاطر اسوری قاره علملر

بوعشقه بو یولدا وورولور هامّی قدملر

بوعشقه سولار جوشدی خروش ایله دی یم لر

هر چند کسیلدی سو یولی یاندی حرملر

هر ایکّی سلیلِ علوی نین ائوی آباد

هم فاطمه هم امّ بنینین ائوی آباد

شوقیله دئنن ال علینین ائوی آباد.

واضحدی حسین پیکرینون جانیدی عبّاس

واضحدی اونون رگلرینون قانیدی عبّاس

واضحدی حسین عشقینه قربانی دی عبّاس

عشق اوسته قزل قانینه غلطانیدی عبّاس

قرآن دی حسین حارس قرآنیدی عبّاس

شیعه باشینین تاج سری نین ائوی آباد

هم فاطمه هم امّ بنینین ائوی آباد

شوقیله دئنن ال علینین ائوی آباد

.

تا وئردی بشیر امّ بنینه خبر غم

فاش اولدی؛ حسین قانه باتوب ماه محرم

گوز یاشینی سیلاب ائلیوب مامِ مکرّم

دوندی گئده شهره؛ دئدی بیرفرد، همان دم

عباسی ندن سویلمه دون بانوی مُدغم؟

سقای علمدار حسینین ائوی آباد

هم فاطمه هم امّ بنینین ائوی آباد

شوقیله دئنن ال علینین ائوی آباد

 

.

باخ گور بو آنا لحظۀ حسّاسینی نیلور

سسلندی؛ خزان گلسه چمن یاسینی نیلور

بارماق کسیلن ؛ حلقۀ الماسینی نیلور

بو امّ بنین یل یلِ اجلاسینی نیلور

زهرا بالاسی اولماسا عبّاسینی نیلور

قلبی یارالی مام حزینین ائوی آباد

هم فاطمه هم امّ بنینین ائوی آباد

شوقیله دئنن ال علینین ائوی آباد

.

.قاصد دئدی ای مادر دورت شیر دلاور

تنها بیر حسینون آدینی ایتموسن ازبر

دوتمورسان  اولارین سراغین ای  گل  احمر

سویلوبدور حسین جاندی منه من اونا مادر

هر دوردینی وئردیم  او حسین اوغلوما نوکر  

اول دئیرم اوغلوم حسینین ائوی آباد

هم فاطمه هم امّ بنینین ائوی آباد

شوقیله دئنن ال علینین ائوی آباد

 

قویمام یتیشه عشقیمه بیر زرده نقصان

 زهرائیله من باغلاموشام معنادا پیمان

دورد اوغلومی قربان ایلیم اوغلونا قربان

قبول  ایلسه عرضیم  اول سرور نسوان  

دائم دئیرم اوغلوم حسینین ائوی آباد

هم فاطمه هم امّ بنینین ائوی آباد

شوقیله دئنن ال علینین ائوی آباد

 

یثر بده چیخان وقته بولاری یولاسادییم

هرتک تکینین اوپدوم اولارین گوگلونی الدیم

عباسه یتنده قولومی بینونا سالدیم

آخرده حسینین باشینا اوردا دولاندیم

بوللاردی دئدیم یار و معینین ایوی آباد

هم فاطمه هم امّ بنینین ائوی آباد

شوقیله دئنن ال علینین ائوی آباد

 

زینب منه ئولمافلارینی ایلو ب اشاره

ایلوب اومحن  قلبیمی  بیر اوخ کیمی یاره

وقتی که دگوب مشگینه اوخ ایلدی پاره

عرض ایتدی آپارما منی اخیامه دوباره

دنیا دئیاجاخ اهل یقینین ائوی آباد

هم فاطمه هم امّ بنینین ائوی آباد

شوقیله دئنن ال علینین ائوی آباد

 

الان که حسین یوخدی بودنیامنه تاردی

ایکاش ئولردی اولار اما بو  قالاردی

غمناک اولان وقته گلوب گوکلوم الردی

تابوتیمی چگنینده مزاره آپاراردی

مثلی اونون هیهات گورونسین ائوی آباد

هم فاطمه هم امّ بنینین ائوی آباد

شوقیله دئنن ال علینین ائوی آباد

 

مین اوغلوم اولا مثل ابوافضل اونا قربان

مین جعفریم مین عونیمیله فضل اونا قربا

هرنه که  واریم دنیادا  افضل اونا قربان

داریله نه داریم دئدیم ازل اونا قربان

زهرا دئیاجاخ ام بنین ائوی ]باد

هم فاطمه هم امّ بنینین ائوی آباد

شوقیله دئنن ال علینین ائوی آباد

 

حشره کیمی من ایلییرم آهیله افغان

گتدی اوزی قوید ی منی بوهجریده گریان

نازادی دوغا مثلینی  بو مادر  دوران

عشقینده اونون حاضرم حتی که وئرم جان

عباس  غلام من تک آنانین ائوی اباد

شوقیله دئنن ال علینین ائوی آباد

 

من یادگارام بوشعر ی بیرقدر چوخاتدیم

سئودوم شعری علت اودی کی شعری اوزاتدیم

فکر ایله مه سونلر ادبی بوردا من اتدیم

استاد مصیب شعرینه شعریمی قاتدی

تکرار ائدورم من بوعزیزین ائو ی اباد

 هم فاطمه هم امّ بنینین ائوی آباد

شوقیله دئنن ال علینین ائوی آباد

 

 

ای مدّعی گرمیّت بازار بیزیمدی

مشرق گوزلی احمد مختار بیزیمدی

دریای کرم حیدر کرّار بیزیمدی

سقای حرم قولسوز علمداربیزیمدی

لوح اوسته«مُصَیّب»یازان اشعاربیزیمدی

شعر شرفین هر غزلی نین ائوی آباد

هم فاطمه هم امّ بنینین ائوی آباد

ـــــــ

(1) توفنده ( فَ دَ / دِ ) = متلاطم – طوفانخیز – تندباد – غرنده و غوغا کننده

.

فقط حیدر امیر المو منیدی = از استاد ناعمی و یادگار ی

فقط حیدر امیرالمؤمنیندی

-

دلابیر سوزواریم چوخ دلنشیندی-کمال معر فتدی اصل دیندی

ولایت اهلینه عین یقین دی- اگرچه هضمی اغیاره چتین دی

الیمده ثابت ائتمک سو کیمیندی- فقط حیدر امیرالمؤمنیندی

---

امامت معنی ارکان دیندی- علی تنها امیر المو نیندی

بونی انکار ائدنلر اهل کیندی- دیوم منظور قرآندا همیندی

علی بد خواهی کیم اولسا لعیندی - فقط حیدر امیرالمؤمنیندی

 

بولوندی یتمیش اوچ حزبه مسلمان –هاموسی دم وورار از دین و قرآن

مسلمان سو یلمه یاران شیطان  -اولار دور ایتدی زهرانی پریشان

که شرحی معتبر متنی دریندی- فقط حیدر امیر المو منیندی

 

نه لر اولدی اوقدری ظلمه باعث- هامی بو لدی که کیملر اولدی اخبث

بونی  بیز ایتمیاخ اصلار فراموش- یالاندی اول و ثانی و ثالث  

بلی آل علی  حبل المتیندی-فقط حیدر امیرالمؤمنیندی

 

==============

الاای شیعیان شاه مردان اولون آگه که وهابیّ نادان

تلاشین ایلیوب الان دوچندان چیخارداحیدرکرّاری یاددان

ولی بیلمور که شیعه نکته بیندی –فقط حیدر امیر المومنیندی

.

دئنن شیعه شعارشومه اویماز -ولایت رختینی غفلتله سویماز

حریم عشقینه اغیاری قویماز- دویارجاندان علیدن لیک دویماز

اوجاسسله که دنیایه بیلیندی- فقط حیدرامیرالمومنین دی

.

اشیتدیم قول ختم الانبیاده - کلام راستین مصطفاده

دئیوم عشق ایلسون اهل ولاده -یازوب بوجمله نی عرش خداده

بوجمله زینت عرش برین  دی- فقط حیدرامیرالمومنین دی

..

گلوب حقدن بیزه اون ایکّی حجّت-اون ایکّی صاحب شان وشرافت

بویورموش بوسؤزی خلاق خلقت- اولاردان تک علینوندی بونسبت

امارتده علی مسندنشین دی- فقط حیدرامیرالمومنین دی

 

حسن بیرده حسین سجاد و باقر-بلی صادقله موسی دینده ماهر

علی اوغلی جواد ایرانه ناصر –نقی و عسگری مهدیدی آخر

بولار هر تک تکی یاران دیندی –فقط حیدر امیر المومنیندی

 

بلی مهدی بیزه روح رواندی-اونا جانلارفدا صاحب زماندی

اونون عشقی بیزیم رگلرده قاندی –یولوندا منتظر پیرو جواندی

آقادی صاحب ایران زمیندی - فقط حیدر امیر المومنیندی

 

همیشه آللاهون آدی دیلینده – علینین ذولفقار یده بلینده

عدالت پرچمی دائم الینده –علینین فدرتی وار هیکلینده

اوزی بت سیندیران فتح آفریندی - فقط حیدر امیر المومنیندی

 

بو ایران صاحبی مو سی الرضادی-باجیسینا اونا جانلار فدادی

قم و مشهد بیزه باب رجادی –غریبلر ضامنی اول مقتداد ی

بیزه بو باجی قارداش نو ر عیندی - فقط حیدر امیر المومنیندی

 

ائله ای شیعه دائم دلده جاری - بوعنواندی چون ایمانین عیاری

ولایتدی،دیانت اعتباری - علی سیزکفریدی اسلام،آری

یقین ائت معنی قرآن همین دی - فقط حیدرامیرالمومنین دی

.

کیمون اللاهه واردی اعتقادی- مسلماندی اونون دنیاده آدی

گرک دینینده اولسون استنادی - ولایت سیزعبادتلرفنادی

ولایت روح دین راستین دی -  فقط حیدرامیرالمومنین دی

 

.عدالتده علی دنیاده تکدی –شجاعتده علی دنیاده تکدی

قضاوتده علی دنیاده تکدی-سخاوتده علی دنیاده تکدی

رسول اللاهه  مولا جانشیندی - فقط حیدرامیرالمومنین دی

 

علینین  شیعه سی باشلاری قاتماز   -جهانی وئر سه لر مولاسین آتماز

اوجوز آلماز باها بو خلقه ساتماز –علینین دشمنی  آسوده یاتماز

جهنمدور یئری هم آتشیندی - فقط حیدرامیرالمومنین دی

 

اشیتسین راه مولادن چیخانلار –بو مستضعفلری  بیرده ییخانلار

او اختلاس تیرین قلبه شاخانلار –بو قد ظلمی گوروب حیران باخانلار

کیم اولسا بلی شیطان لعیندی - فقط حیدرامیر المو منین دی

 

سؤال ایله جناب مصطفادن- ضمیرپاک آیات هدادن

زبان هل اتی وانّمادن - ائشیت شرح بلیغ قل کفادن

اگرچه بطنی قرآنین درین دی- فقط حیدرامیرالمومنین دی

.

ولااهلی ولی دن دم وراللار - فرازقافیده پرچم وراللار

بساط فتنه نی برهم وراللار -  عدویه ضربت محکم وراللار

کی مشت شیعه مشت آهنین دی- فقط حیدرامیرالمومنین دی

.

دئ وهّابیّته ای سست بنیاد-  بونی درک ائت بوقدری ائتمه بیداد

وئرورتاریخ ایام جهان یاد-  درافتادهرکه باحیدر ور افتاد

یداللهیله در دوشمک چتین دی- فقط حیدرامیرالمومنین دی

 

علی ذکرین اشیت بیزدن اذاندا- طنین اندازاولورهفت آسماندا

آدین نقش ائتمیشوک بیزلوح جاندا - گزورعشقی وجودعاشقاندا

قیزیل قانیله رگلرده عجین دی-  فقط حیدرامیرالمومنین دی

 

بیزیم روحیّه ی حسّاسیمیزوار - جوشاردریاکیمین احساسیمیزوار

دئمه کی خضریلن الیاسیمیز وار - بیزیم صف سیندیران عباسیمیزوار

علی اوغلی یل ام البنین دی - فقط حیدرامیرالمومنین دی

 

ایلدی قوللاری اسلامه یاری – گتویر محشره زهرا اولاری

اوقوللار چوخلارین اوددان قوتاری –یازوبدورناعمیله یادگاری

خیال ایتمه عزیزیم گون بو گوندی - فقط حیدرامیر المو منین دی

 

 

اذن خدائلن حسین بیرده گوز آچ جهانه باباخ

 اذن خدائیلن حسین بیرده گوزآچ جهانه باخ

==============

اذن خدائیلن حسین بیرده گوزآچ جهانه باخ

خامه یازان مصیبته حزنولی داستانه باخ

 

باشیوی کسدی شمر گر  خولی قویوب کل اوستونه

لطف ایله بو زمانه ده طشتیله خیزرانه باخ

 

اوندا یوخیدی اختلاس احتکار ایلین آقا

کشور ایرانی چاپوب  خارجه سن قاچانه باخ

 

بوردا چاپور  ولیک باخ اعوانی هارا خشلیوری

کلیه سینی  جهاز اوچون وارلیلارا ساتانه باخ

 

شمر سنین باشین کسیب هاردا ادیبدور اختلاس

اما بوعصریده اوزون لطف ایله بیر سنانه باخ

 

ارزاقی مردمی ووروب انبار احتکار ائدیر

انبارین اوسته گل آقا بزم عزا قویانه باخ

 

حیف گوزل آدان سنین عده ای وار آچوب دکان

مردمی اغفال ایتما قا- جنسلرین ساتانه باخ

 

آدیوی بلگه ایلییوب هر نه با شارسا ایلسون

حیله و  شر عیله  الان اوزلرینی تاپانه باخ

 

آننی داغلیوب  چاپا مردمی  یاحسین دئیور

زالو کیمی بو مردومون  قانلارینی سو یانه باخ

 

هر نه قدر سویو ر سویور گوزلری دویموری ولی

قارینی دویوندی اما سن گوزلری دویمو یانه باخ

 

امکانی یو خدی گوز دویا قبره قو رولدی سیر اولار

منعم اشاره ایلوب  - مطلبینی قا نا نه باخ

 

دینینی دینار ا ساتان چوخدور الان بو دنیادا

رنگ عوض ایلینلرین  سو یلدیگی چاخانه باخ

 

سن بوایکی اوزلی ملتی گورموسن اول گئچن زمان

ایندی بو  عصریمزده گل سن آقابی ایمانه باخ

 

مهدی ظهوری ایستین کوفه لی چوخدی بوزمان

قلبی یزیدیلن  اولان نامه لری یازانه باخ

 

یازدیلا چوخلی نامه لر اوندا سنه یازان کیمی

اختلاس احتکار ائدیب  عهدینی سیندیرانه باخ 

 

قانیوی توکدی گرعدوایندیده چوخدی قان توکن

پنبه کسن باشین قانین - بی ثمنه ساتانه باخ

 

عده ای واردی آج یاتور  عده ای واردی کیف چکور

نایلونی اشکالی ییغیب عمرینی قور تارانه باخ

 

سن دئدون اولماسا دینوز  قو خمویون مرد اولون ولی

فکری پلید وزور – دینین  غارتینه تالانه باخ

 

خائنه باخ که سویلویور خادیمیزم بو ملته

زینا الینده ملتی رام ائله سین چالانه باخ

 

صلح و صفا تاپولموری حاکم اولوب یزیدیان

بین دُوَل زمانه ده جنگ و جدل سالانه باخ

 

هابیلی قابیل ئو لدویور آدم و حوا آغلایور

هابیلی محکوم ایلیوب  قابیله کف چالانه باخ

 

حاج قاسمین مثالی یوخ ایندی بوعصریده اینان

اون نفریله جسمینی توپراقا سن سالانه باخ

 

موشگیله ترور ائدور اوز آدینی قویور بونا

دقتیله عنایت ایت  ابلیس بی امانه باخ

 

آل سعود الشور شیعه نی ایلسون فنا

شیطانین اللرینده کی نوختویا باخ پالانه باخ

 

امرینی موبه مو ائدیر اجرا سعودینین شاهی

سن آخوروندا نا کسین یو نجویا باخ سامانه باخ

 

یعقوب اوشاق لاری گینه ال آچوری جنایته

چاهه سالولا   یوسفی دلده اولان یالانه  باخ

 

خالقین اولسا لطفی گر چاهیدن آ زاد الییر

برده آدیله مصریده یوسفی سن آلانه باخ

 

مطلبه طول وئر مورم چون بولور هاممی مطلبی

اما اشاره ایلورم  رمز سوز تاپانه باخ

 

قاپلاری باغلادی خبیث یو سفی ایلسون فنا

قدرت الیله  سن ولی قاپلارینی آچانه باخ

 

یوسفی الله ایستسه مصریده سلطان ایلییر

قدرت اوجدن ولی چوخلارینی سالانه باخ

 

چرخ فلک اوتانموری حامی اولوب یزیدلره

مقصدومقصوده چاتان زوری اولان خوخانه باخ

 

کسب ایدوری بیر  عده وار  شرعینی بولموری هله

سن حلالی حرامیله مخلوط ائدیب قا تا نه باخ

 

مردمون ارزاقین وورار انباره آنی پینه لی

اول صفده گل آقا سن نمازین قیلانه باخ

 

بیع وشراده رسم اولوب آندایچیلور ولی یالان

آرشینا باخ ترازیه قیمته باخ قا پا نه باخ

 

یونگول آلورآغیر ساتورشرم خدادن ایله مور

شمشیر الینده  ملت ایرانی سن چاپانه باخ

 

خلق آراسندا یوخ حجاب هرنه سویور ایدور عمل

جنّت و حقّی بوشلایب نار جهیم آلانه باخ

 

سویله سن اوت باشین دئیر بسکه ضعیفدی بینیشون

قرآنی بوشلا گیت دئیر قصه یه باخ رمانه باخ

 

دفن اولونوب حجاب الان بی حجابین زمانی دور

بی حجابا  دوروب ولی دقتیله باخانه باخ

 

حفظ حجابه ایلدون دنیادا  عالی انقلاب

یر یوزونی دوتوب فساد بیزده اولان ایمانه  باخ

 

قارنینا خاطر  عده ای واردی که هر نه ایش گورر

باورین اولماسا آقا شهنازا -آب رسانه باخ

 

وقت اذان ظهر و شام چوخلاری اوز  ایشنده دی

حاضر اولان نماز ایچون مسجده باخ  اذانه باخ

 

عد ه ای معدودی گلور ایندی  نماز قیلماقا

ملتین افکارین بوگون ظلم ایلیوب قاتانه  باخ

 

واردی یازام دیم سوزوی اماکه سانسور ایلدیم

یازما قا قدرت ایستوری  فکرت نا توانه باخ

 

یادگارام او عدلینین شعرینی تعقیب ایلدیم

مشگلات حدیدن چخو ب گردش بو جهانه  باخ

 

کر ببلانی ایستیور بو ایکی نوکرین سنین

سن بول امیر لشگرین بوللارا عاشقانه باخ

 

 

 

 

رین بوللارا عاشقانه باخ

درمورد ایام خانم فاطمه = نبایدعید باشد شادی و دهه فجر باشد جشن بگیریم

 

درمور ایام فاطمیه

===========

طایر طبعیم اوچور بام خانم فاطمه ده

گورنه عزت یارانوب نام خانم فاطمه ده

حتی وافجر اولا میلاداولا یا بایرام اولا

شیعه جشن ایلمز ایام خانم فاطمه ده

 

چونکه ایام خانم شیعییه غم گونلریدی

کیم عزا دوتسا اگر  فاطمییه حیدریدی

قطره ای گوزیاشی جاری ایلسه گر یوزونه

او گوزون یاشینه بولسون که علی مشتریدی

 

خوش اولارین حالینا  فاطمییه ساخلار عزا

آغلییار ایلییر مهدی بالاسین دیلده دعا

لطف ائدرحضرت زهرایه گوره خالق اوزی

 هر چتین حاجتی اولسا الییر حتی ادا

 

عاشق فاطمه سن بو سوزومی آل نظره

فاطمه دینه گوره جانینی سالدی خطره

قاطمه ئولمه دی تنها سن اونا آغلیاسان

فاطمه ایستدی آگاهی وئره شیعه لره

 

فاطمه گوندوز ئولوبدور نئیه دفن اولدی گجه

مرتضی قبره اونی قویدی خدا بولدی نئجه

عارف ایستور بوسوزی تجریه تحلیل ائله سین

لعنت اوللارا که مولائیله دوشدیله لجه

 

خانم ایستوب ائده رسوا قاپو سون یاندیرانی

بیرده رسوا الییه  حق علینی دانانی

ایستدی حضرت مولا قیلا میت نمازین

تانیدا عالمینه کیمدور امام زمانی

 

  معصومون بلی نمازین گرک معصوم قیلا

کیمیدی غیر از علی دهرده معصو م اولا

گجه غسل ایلیون همده گجه نی قبره قویون

راضی اولمام گله بیرعده نمازیمده دورا

 

ترک ائدیب سینه سی یاره اوخانم دنیانی

قاره گی  باشوه وور عرشه اوجات افغانی

اعلان ایت هاممی بوله فاطمه اللرده ئولوب

 گوز یاشین دور خانمون یاره سینین درمانی

 

گبر وترسااوایشی گور مزیدی دنیاده

عده ای  اول ایشی گور ماقا اولوب  آماده

باعث اصلی کیمیدی اونا مینلر لعنت

ضربه دگدی خانما  فضه نی سسلوب داده

 

بیعت آلماقاعلینین قولونی باغلادیلار

قلب پیغمبر اسلامی اولار داغلادیلا

قلم عاجزدی بیانه گتو ره اوضانی

بالالارباخدیلا شیون الییوب آغلادیلار

 

ثانی اوندا بیریدی ایندی ولی مینلری وار

بو لارین نه شرف و غیرت ونه دینلری وار

داعش وغاصب و شیطانیدن بدتر دی بولار

ملتیله بولارین دیلده بیوک کینلری وار

 

 دئمه ختم اولدی قیامی خانمون))

شیعییه واردی پیامی خانیمون ))

 قبری تک فکرایلمه گمنام اولار

حشره جان زنده دی نامی خانمون

 

مشگولون واردی اگر حضرت زهرانی چاغور

دادیوه صدقیله گل دختر طاهانی چاغور

دوگمه بی مایه لئیمان قاپوسون عالمده

همسرشیر خدا یاور مولانی چاغور

 

هانسی محفلده اونون اولسایادی

اویئرین جنت العلادورآدی

هر مریضیکه جواب ایلسه ل ر

گیتی اول محفله دکتراورادی

 

یوخدی بوینوندا گر حق الناس ))

خانمون دوی قاپپسون ایتمه هراس ))

آغلا زهرایه وئرر حاجتوی

مهدی فاطمه دن ایله سپاس

 

عهدیوی گل اونیله محکم ایله

گوز یاشین سینه سینه مرهم ایله

طی ایله دنیادا زهرا یولونی

اوزووی درگهینه محرم ایله

 

آتاسی گل تک اونی ایگلردی

من فداها خانماسویلردی

منزله وارد اولان وقته خانم

ایاقا فوری دوروب نئیلردی

 

نه فقط تنها دوراردی ایاقا

حتی پیشوازه گئدردی قبا قا

هم اوپر دی الینی هم یوزونی

دوداقین حتی دایاردی دوداقا

 

فاطمه کشتی دین لنگریدی

فاطمه آل عبا دلبریدی

مهدی صاحب عصرین آناسی

شیعه نین دیلده آدی ازبریدی

 

حقی دانسان ووروسان زهرانی

ائله بول یاندیریسان قرآنی

مثل داعش ایچیسن شیعه قانین

حتی سب ایلویوسن مولانی

 

مرگ شیطانه دئمه چون نمازین باطل اولار

سندن آمریکا کوسر هم عملین زایل اولار

هرنه لر اولدی اوگون سنده سهیم سن اولارا

بیله فکرایلمه مکر یله عمل کامل اولار

 

تسبیهین ذکرینی واجب بولوسن

خانمو  ن قاتلینه سوز دئموسن

پیرو فاطمه سن  - ظاهرده

قونفوذون اما یولون سن گئدوسن

 

گر تولایه یبرایه بوگون قائل سن

هابیلی بوشلویوب اولما کمک قابیل سن

روز محشرده سنین فاطمه دوتماز الیوی

در حقیقت سن اوزون فاطمییه قاتلسن

 

ایستیرم ایلیم آگاه سیزی بیر ایامدان

شهر یثربده اورک داغی ووران بایرامدان

گلدی یر سائل ابوالفضل ائوینه یازهرا

زینبین فلبینی دردی گتودی آلامدان

 

هامی جمعیدی  اوگون ام البنین باشینا

جان عالم   اولا قربان اولارین گوز یاشینا

یاپوشوب حلقه دردن ایلدی دق الباب

 دئدی وار سر سوزوم گلسون حسین قارداشینا

 

فضه نی یوللادی زینب گتوره تیز خبری

گوره اوسائلین آیا نه دی اصل نظری

 فضه ده درک ایلدی  منظورینی تیزگلدی ائوه

زینبه مطلبه عرض ایلدی بیر مختصری

 

مطلبی فضه گلوب زینبه اعلان ایلدی

خانمون دردینی اومطلبی چندان ایلدی

زر و زیورلرینی محفلین اهلی چیخادوب

یازا بولمم که او ایش اوردا نه طوفان ایلدی

 

فضه گتدی اولاری سائله دسمالداوئریب

دسمالی سائل آچوب باغلادی بونوع دئیوب

قیتریب وئردیدئدی ایسته مورم من  ولاری

آقام هممیشه گلوب بو ردا منی شادالییوب

 

زر وزیوله دئدی قلبیمی رام ایله مرم

دردیمی غیر از آقام بیر کسه من سویله مرم

حتمی بیر علتی واردر آقا گلمر قاپیا

اوپمه سم اللرینی یثر  بی ترک ایله مرم

 

اوگلونجه اوتوروب بو قاپودا آغلییارام

اوزومی مثل دخیل لر قاپویا باغلییارام

گورمه سم من آقامون گر آیا بنظر یوزونی

قالارام بوردا ئولونجه سینه می داغلییارام

 

مطلبی وقتی بولوب حضرت عباس آناسی

گوردی مجلسده دور عباسین اوقانلی لواسی

وئردی عبداللاها گلدی هامی آغلار قاپویا

دئدی عباس اوزی یوخدور بودور الان بالاسی

 

منی عفو الییون عرض ایتدی دوشوب غملی یولا

کربلا زائری اولدوم سیزده قسمت اولا

اوزونی گورمه دیم قبرین گئدیرم بوس الییم

بوسنیخ قلب گئدیر  کامینی علقمدن آلا

 

یادگاری  بولوسن مهدی چوخ ایستر آناسین

محفلین بانی سی دور شخصا اوزی بول بها سین

مطلبه وئرمه ادامه سوزوی اتمامه یتور

تازه لندیرمه سنی فاطمه مهدی یاراسین

 

 

درمورد اختلاس گر ها وامدن شمر بهخوب شاعر جهت شکایت که چر مرا به نامردان شبیه نوشته ای

درمورد اختلاس و احتکار

وآمدن شمر به خواب شاعر  از بابت گلایه چرامرابه

اختلاس گر هه نسبن داده ای من از شما شاکی هستم

============

یابن زهرا گل اوزون دادیمزه بحراندا

چات بو بحرانیده فر یادیمیزه ایراندا

شهداقانلارینی عد ه ای پامال ائدوری

تفرقه ایرانا بو للاردی سالوب هر یاندا

------------

کروانادان بولارین ملته چوخدور خطری

کر ونا رفع اولاجاخ  قالمویاجاخدر ضرری

بو للارین ایرانی ویران ائلسین وار نظری

سن اوزون ایله دعا آمینی زهرا سوئله سین

بو شرفسیز لرین دوتسون  کرونا کاش یخه سین

 

شهدا وئر مه دی قان عدد ه ایده قان سویسون

شهدا وئردیله  قان ملت ایران دورسون

بو خطا کارلرین بوینونی الله بویسون

بولار هر جو ر با شا  ییور ایلییور حیله سینی

عده ای واردی بوایراندا ساتور کلیه سینی

 

رهبرینده ایلیور قلبینی بیر عدد ه یارا

سن اولان یئرده دئسون مشگلونی رهبر هارا

یابن زهرا  سن اوزون دردیمیزه اله چارا

سن اوزون ایله ادب بو للارین اغفالارینی

چووروب ملتین ازدم بولار احوالارینی

 

کرا نا دوزدی بیزیم اقتصادی ایتدی فلج

میلیادر اولدی اولار که یولونی  گتدیله کج

حتی الله دئینه باخمادیلار ایتدیله لج

ارزاق هئچ –حتی بولار ماسکیدا  انبار ایلدی  

گوردی چوخلاری ولی اولارا بیرسوز دئمه دی

 

مظلومون آهی اولاری بلی رسوا ائده جاخ

قبر ه اوللارد ا  بلی بیر  کفنیله گئد ه جاخ

باوریم یوخدی بو عصیانیدن الله گئچه جاخ

قود صفت دور اولار  اما  گو یوراوز ایشلرینی

گله نی تا ائده  نابود ایتیدور دیشلرینی   

 

هرکسین هر نه الیندن گلور  ایرانه ائدور

شیطانا تابع اولوب راه اوشیطانی گئدیر

او للارین ظلمی بوگون گورگیله ایراندا نئدیر

عده ای یئر تاپا بولمور بوگون ایراندا یاتا

عد ه ای آلدییر ی  ات اتینه حتّی آتا

-------------

ناخلفلر چاپوری  ایندی بو  ایرانیمیزی 

اختلاس ایلین اشخاص ایچور قانمیزی

احتکار ایلین اشخاص  آ لور  جانیمزی

اختلاس ایلیینین یو خ شرف و وجدانی

احتکار ایلیین شیطانه ساتوب ایمانی

----------

شهداوئر دی قانین دنیا گلستان اولسون

اختلاسیله بو ایران نئییه ویران اولسوت

بعضی کئفده یا شاسین بعضی ده کر یان اولسون                                                                                                                                                                                                                                                                                          

یوخ عدالتدن اثر مطلبی چو خلار بولوری

ایرانین  حالینا خار جده او لانلار گو لوری

------------

هر کیمین هر نه الیندن گلوری ایلور آقا

باهالیق ملت ایرانی سالو ب آیری حالا  

کیم چاپوب ایرانی وار نیّتی خارجده قالا

نجه تاراج اولور اولسون دیوری  یوخودور ایشیم

کیمه محتاج اولور اولسون دیوری یوخدور ایشیم

-----------

دالاریندا بولارین کیمدی خدایا دایانوب

بو لارین حیله سینه عد ه ای واردور اینانوب

اللریندن ولی بو ملت ایرا ن او سانوب

بولارین قدرتی وار ایرانی ویران ا ئله سین

مصلحت دور بولارا کیمسه ای بیرسوز دئمه سین

----------

اختلاس ایلین آزادیدی هر یانیده دی

حتی اعوانلاری اوتریسیده آلمانیده ی

آفتافا او غرولار ی گوشه زندانید ه دی

قلمین قدرتی یوخ شعره یازا سوزلرینی

بیر نفر پو فلو یه بو لمز اولارین گوزلرینی

------------

اختلاس ایلین افراد بولورسن نئدری

شمر ملعونون اولار راهینی الان گئدیری

ملتین قلبینی بو للاردی الان قان ائدیری

بولار هر جور سئوور ایراندا چاپورآ تلارینی  

یوخدی بیر کیمسه بو لارین دئیه دوز آدلارینی

----------

شمر گلدی یو خوما سویلدی بیر آججا اوتان

منی بو للارا مثال وورماسنی روح آتان

او لماز عالمده بو لارتک وطنی کفر ه ساتان

اختلاس ایلیوب مظلو ملارین حقین یئمه دیم

آنیمی داغلییب بیر کیمسیه بهتان دئمه دیم

----------

ری یه خاطر من حسینین باشینی ذبح ایلدیم

ولی مستضعفینین حقینی اصلا یئمه دیم

ور مادوم ارزاقی انباره یالاندا ن دئمه دیم

من سیزین خادیمیزم آند ایچیرم اوز جانیزا

ایتمرم زره خیانت  سیزه هم  اموالیزا

----------

دانیشوب سوز ولی پس آ لمادیم آخر سوزومی

ایتمدیم من ایکی یوزلی بو جهاندا اوزومی

اما آ غلاتدیم هامی شیعه لرین من گوزونی

گنه با این همه لعنت ائدرم من بو لارا

بولار ایمانلارینی ساتدیلا  اما دولارا

-------------

اختلاس گر لره تای یو خدی بو دنیاده کثیف

اولماروخ ابن زیاد من بولارا حتّی حریف

گور ریائیله نئجه اوزلرین ایلو بله شریف

بولارین باخ ایشینه رحمت اوخی حر ملییه

بو للارین نسلینی الله گوروم قطع الییه

-----------

یادگاری منه یاز  ایتمیشم  آ زاد سنی

بو لارا چکمه مثال  سن شر فین امّا منی

بولارین ظلمودی بو وضعه سالوب جا معه نی

سنی تاری منی بو للاردا ن ایله شعریده دور  

بولارین گوزلرینی ایله سین الله اوزی کور

-----------

 

 

درمورد اختلاس و احتکار در ایران و وضع ملت ایران د این گرانی

 اختلاس – احتکار

 

تمامه وعده لر ایرندا پوچ اولدی شعار اولدی

ووران ارزاقی انباره  بیر عده نابکار اولدی

 

فلج ایلو بدور ایران اهلینی بو اختلاس گر لر

سایا گلمز نقدر ی اختلاس و  احتکار اولدی

 

کیمه انسان دئسون دردین خدا یا ایله سین در مان 
بیزیم مسئو لاریمیزدان بیر عده کفره یار  اولدی  

عو ض اینکه اولار  مشگلری آسان ایتسو نلر

تمام ددلرین در مانلاری آهیله زار اولدی   

مجالسلرده بحث اختلاس احتکار چو خدی   
مسائل شر عیمیز تنها بیرزیم  بحث دولار اولدی

 

حسینه آ غلیانلار ایندی اوز احوالینه  آغلور

دئیور ای کاش گورک بیر گو ن بیزه قسمت بوار اولدی

                    
چو خ انسان وار خجالتدور الان اوز اهل عیالیندن                    

                  بالا بیکارآتا بیکار آنا لار اشگبار اولدی

 

ات آ لسو ن آیدا بیر دفعه ایوینه یو خدور امکانی

ولی بیر عده نین کلب کثیفی گو شت خوار اولدی

 

نئچه برجی اولان وارکشورایرانیده الان

دگل معلوم هاردان  صاحب بیر ایله وار  اولدی

 

اماما قبریدن دور باخ که مظلو ملار ایاقلاندی

بیر عده ایرانی چاپدی فر نگه الفرار اولدی

حرامی زادلر الان گزور خارجده بی غم دور 
ولی بیر عد ه نین ایراندا  قلبی  زخمدار اولدی 

چاپان چاپدی تاپان تاپدی بو بیت المالدان ایراندا

بیر عده خر سواران گلدی آخر میز سوار اولدی 

  
شهید لر وئر دیلر قان عده ای  ایراندا قان سویدی    
او قانی که اولار سویدی اولارا زهر مار اولدی

 

اولاری ایلییر رسوا او قانلار ایکی دنیاده    
اودنیاده گو رللر یئرلری نیراندا نار اولدی

 

جوانلار قالدی بیکار حتی معتاد اولدی چو خلاری

خلاصه  تاپدی هر هاردا اونی چکدی خماراولدی

 

جوان وار اللی سنینده هله ده آلمو یو ب آرواد

اونا تای قیزدا چوخ واردی غم و درده دچار اولدی

=============

حسینی ایستینلر احتکار و  اختلاس ایتمز

 بو ایشی عده ای الان گو رور هیچ نا سپاس ایتمز

بو بیت المالی بیچماقا اوزونی تیز داس ایتمز

اوزی ایراندا اولادین او آ مر یکایه پاس  ایتمز 
اولار که اختلاس ایلر نه وجدان و شر ف واردی 
یقین بول او للارین قلبینده آیری  بیر هدف واردی

 

او لارین بلی منظوری بو دور ایرانیدن قا چسون

گجه گو ندوز  چکر نقشه او قا چما قینا یو ل آچسون
مثال مار و عقرب او للار ایستور ملتی سا شون

عدالت ایستور ی دو تسون اولاری داریدان آشسون                   
نه قدر مال و امواللاری وار دو لت دو توب آلسون                   

     . بو لار دور قویمویوباارآبرو  ایرانیده قالسون            .

 

شهدا وئر مه دی قان عد ه ای ایراندا قان سو یسون

بهالیق ایجاد ایلوب امت مستضعفی یورسون
خدا یا امداد ایله بو للارین کاش گو زلری دو یسون

بو لارین بو ینو نی  مهدی گلو ب شمشیر یله وورسون
گچورم مطلبین اوستن هله ده صبر لازمدی            

     بو لاردان چو خلاری  وار خارجه گیتماقا عازمدی

 

حسینون شیعه سی راه  سبیل اللاهیدن چیخماز

بهالیق ایجاد ایلوب منجنیق تک ملتی  سیخما ز                      
بو فانی دنیادا دینار ه خاطر دین ائو ین یخماز

ابو الفضلی سئو ن شیعه داخی شیطانیدن قو خماز   
وئیر انی اوحامینین شعارین زره با ک ایتمز 
دو شه گر قو للاری تندن یزیدین سمتینه گتمز

 

یزیدین سمتینه گتسو ن بی عده وار یزید اولدی

یزیدی روسفید ایتدی اوزی اوندان  پلید اولدی

هله درک ایلمز هر ایکی دنیا نوامید اولدی

اولار دین ساتدی دیناره شهدا رو سفید اولدی

بونی یاز یادگاری شعریده لعنت اولاریندی

بوگون کیم حقی کتمان ایاسه لعنت بو لاریندی

 

 

 

 

در فضیلت قرآن و اشاره به شهدای کربلا و مدافعان حرم

((قرآن ))

=======================

قرآندی  بودنیاده بیزه راه سعادت

قرآندی ائدن دوز یولا انسانی هدایت

قرآنیله عترتدی پیامبردن امانت

وجدانی اولان ایتمز امانتده خیانت

--------------------

اسلامین اساس نامه سی قرآنید ی قرآن

الهام آلا برنامه سی قرآنیدی قرآن

امراضه شفاخانه سی قرآنیدی قرآن

قرآنیله ایلر بشر هر درده طبابت

--------------------

قرآن اوخویان صادق و عاقل گرک اولسون

قرآن اوخویان دوز ایشه عامل گرک اولسون

قرآن اوخویان قرآ نا قابل گرک اولسون

قرآن دئینه ایلسون عالمده اطاعت

 

قرآن اوخویان ئولسه ده قرآنینی آتماز

قرآن اوخویان کافره ایمانینی ساتماز

قرآن اوخویان مال حرام مالینه قاتماز

قرآن اوخویانلاردا اولار چوخلی کرامت

 

ماهیت قرآنی بیر عدّه هله قانمور

قرآ ن اوخویور حق یولونی لیک تاپانمور

 اغفالیدی غفلتده یاتوردوبلا اویانمور

بوغفلتی با شیندان آتا یو خدی شهامت

 

بعضی سیده مقهومی بو نوعیله قاناللار

هر هاردان اولا بیر تازا قرآن آلاللار

بیر کیمسه ئو لن وقتیده قرآن او خو یاللار

اون ایلده قالا تاخچه ده ایتمزله تلاوت

 

بیر روپوش اعلا دوزه دله او کتابه

عمرینده نئچه دفعه بو قرآن گلی کاره

ایستکلی قیزین هر زمان ایستر وئره یاره

قرآن دوتاللار باشینا تا اولا خوشبخت

 

ساخلاللا بولن بولموین حتّی  بو کتابی

سو یلله  هر ائوده اولا بو وار دی ثوابی

ایتمز له مسلمانلار اقلا  بو حسابی

هئچ انجیل و تورا ته ده  اولموب بو جسارت

 

قر آنی ریاکار اوخویا فایده وئر مز

قرآنی ربا خوار اوخویا فایده وئر مز

قرآنی زنا کار اوخویا فایده وئر مز

قرآن اوزی محشرده ائدر حتّی شکایت

 

قرآن اوخویار اردون  عمان عر بستان

وار چوخ عربی دولت اولوب قاری قرآن

قرآن اوز ی لعنت ایلییر اوللارا هرآن

قرآنیدن آیا نئیه ایتمزلرحمایت

 

الله ائوینی امن ایلیوب شاهه گدایه

بو بارده وار حتّی که قرآنیده آیه

شاهدیله هاممی بوسوزه ایلوم اشاره

کیم الله ایوینده ائلدی قتل و جنایت

 

خادم قویا ن آدین حرم امن خدایه

شیطانین اولوب نوکری با خ اوندا جفایه

ایلوب یمنی لشگری تبدیل عزایه

مسلم قانی تپراقه آخور ایلوری عشرت

 

دوتمورسان الیمدن ایاقیمدان داخی چکمه

امدادایلمورسن ائلمه نقشه ده چکمه

کفاره گئدیب حامی اولوب تخم کین اکمه

او قتل و جنایتده گلوب ایتمه شراکت

 

قدسون گوزی یو للاردا قالوب ایلوری فریاد

ایلور یمنی آل سعود بیر دفعه برباد

قرآن اوخویانلار نئیه بس ایتموری امداد

قرآنی اوخور کا فریله ایلوری بیعت

 

قرآن اوخی قرآن دئینه او لگیلا قانعی

قرآنه خیانت ائدنه اولگیلا مانعی

کیملر اولوری کنگره قرانا بانی

محشرده ائدر قرآن اوزی لطف و عنایت

 

مین جلد یازا تفسیر اگر رشدی نادان

 مینلر فهد امثالی اولا قاری قرآن

واللاهی ثمر وئرمز عمل ایستیر ایمان

قرآن الییر آیه به آیه ئوزی لعنت

 

وحدت ایلسه دنیادا  گر امت اسلام

فیل فوری  چیخار قد سدان اول غاصب دوران

گونده نئچه یوزلر نفر اولماز فانا غلطان

داعش ایلیمز داخی هیچگونه جسارت

 

واردور نه قدرایندی بو اعرابیده قاری

دین قارداشینا ایتموری اوللار نئیه یاری

چوخ یئرده- یمنده اولوری قان یئره جاری

وجدانیله ایتمز نیه بیر عده قضاوت

 

قرآن اوخویانلاردی الان ایلوری طغیان

قرآن اوخویانلاریمنی ایلوری ویران

قرآن اوخویانلاردی اولوب دشمن قرآن

یوخ آل سعودا گوروروک زرده غیرت

 

زهرا قاپوسون یاندیران اشخاص کیمیدی؟

مو لاقولونی باغلیان اشخاص کیمیدی؟

زینب اورگیین داغلیان اشخاص کیمیدی ؟

اغفالید ی  بیرعده نئیه ایلمز  عبرت

 

قرآن اوخوماقون بلی که فایداسی چوخدی

گر اختلاس ایلوب اوخوسان فایداسی یوخدی

کیم احتکار ایتسه  اوخوسا کلمه سی اوخدی

قرآنه اونون تیری لری ایلور اصا بت

 

انصاف ایله ای دینی اولان بی طرف اولما

قرآن دئینه ایله عمل بی هدف اولما

اسلامی آتوب دینی ساتوب ناخلف اولما

مظلومی ازیب ایلمه ظالمدن حمایت

 

میلیاردا یاخون واردی بودنیاده مسلمان

اسرائیل الینده نئیه عاجز دیله الان

آماده باش اعلان الییر عالمه ایران

الله قوشونی ال بیر اولوب باغلیا وحدت

 

حق جبهه ده گورسندیله قرآن اوخویانلار

قرآنه گوره جاری اولوب جبهه ده قانلار

جان وئر دی اون اوچ سنیده چوخ تازه جوانلار

باخ گور نقدر واردی بسیجیده شجاعت

 

تانک آتدا یاتوب تپراقا گل جسمی قاریشدی

تانکیه نئچه سر نشین اود دوتدی الشدی

قرآن یولوندا اوبالا گور نه چالیشدی

قرآن دئینه باخدی اودریای صداقت

 

رهبر دئدی رهبردی ییزه بو گل پر پر

نارنجکی بیلده ائلدی حمله اوسرور

تانک آلتینا گتدی دئدی اللاهیدی اکبر

قرآن اوخویاندا گرک اولسون بو شهامت

 

تاریخه باخوب قاری قرآنلاری آختار

گور کیملر اولوب دنیادا قرآنه  فدا کار

لب تشنه حسین یتمیش ایکی یاریله انصار

دنیایه وئر بدیله اولار درس فصاحت

 

عاشقلره آیاتی شیرینتردی عسلدن

اثبا ت اولار هرایش بلی دنیاده عملدن

ایستردی حسین قرآن و دینی ته دیلدن

قرآنی دئریتدی اوزی گر تاپدی شهادت

 

یارب بحق خون شهیدان فدا کار

حز ب اللاهه وئر قدرت اوزون خالق دادار

امریکانی اسرائیلی ایت درده گر فتار

اسلام قو شونون ایله سن هر یئرده سلامت

 

چوخلاری شهید اولدی مدافعان حرمدن

سردارا آلوب قدرتی  قوللاری قلمدن

سوریه نی آزاد ایلدی  بیر دفعه غمدن

داعشلری اوردان چیخادوب معدن غیرت

 

قطع اولدی الی دوشدی یئره مثل علمدار

بارماقدا اوزوک قانین ایچینده اوزی سردار

اولدی نئچه تن بونلا  شهید ء- ره دادار

الله بوایشین باعثینه سن ایله لعنت

 

کیم ایستوری رونق وئره قرآن مبینه

کیم ایستور خدمت ائده اسلامیله دینه

کیم ایستوری شیعه اولا مولاسی حسینه

لازمدی گرک ایتسو ن اولاردان تبعیت

 

سن یادگار ایله جانیوی   قرآنا قربان

قرآن سیزه گتدی شرف عزت شایان

قرآن دئینه ایتدی عمل ملت ایران

لبیک دئیوب ایتدیله رهبردن اطاعتت