درمود وئروس کرونا
نه سالوبسان گنه بو عالمه طوفان کرونا
چک بو ایشدن الیوی ایلمه طغیان کرونا
چین هارا ایران هارا مهمان ناخوانده گلوب
ایتموسن بوردا هامی دیللری لرزان کرونا
سنی گورجک سر طان ایلدی بیر دفعه قرار
قاچدی ایراندان اولوب وارد افغان کرونا
معده و قلب ریه - باشیله قیچ دیسک کمر
بولمورم هاردا اولوبلاراولار پنهان کرونا
گزلدیب دردین اولار کشور ایراندا الان
گوزلرینده اولارین اولموسا سرحان کرونا
آنفولانزا ایتیروبدور اوزونی هر یاندا
اودا سویلرسنه حتی بلی قربان کرونا
قاوزیوب عده ای الان سنی حددن یوخاری
اولارین قصدی بودور اوینادا فنجان کرونا
آسقییان وقتیده آرواد دئیور ایوای ده ده وای
ائله بول دوتموشام باور ایله الان کرونا
دکترا گئدسه بیری سو یلسه آغیریر قولاغیم
معاینا سیز سویلو یاجاخ دوتموسا هاردان کرونا
مین دفعه آند ایچه سن من کرونا دو تمامیشام
سنی تاری منه وصل ایتمه یالاندان کرونا
اون گون لازمدی قرنطینده حتما قالاسان
تا مشخص اولا سوندان اولا اعلان کرونا
کارگر ساده نئچه گون نئجه ائوده دایانار
کیم وئره جاخ ائوینین خرجینی بوشدان کرونا
بو بلالر نه دور علت تاپور ایرانیمیزی
آزمایشگاه اولوب اوللارا ایران کرونا
آپارور سیل داغیدیر یئل اوچودور زلزله لر
آخر ا لامرگلوب سن وئروسن سان کرونا
دوخسا ن سگیز ایلی- ایرانه وفا ایلمه دی
گتدی چیندن ائده سن بیزلری نالان کرونا؟
سنده قبول ایله یوخ وجدان و دینیله شرف
ترامپ آزاد دولانور دوتموری سلمان کرونا
یمنین باشینه اودیاغدوروری بی وجدان
نئیه بس دوتموری یارب ائله حیوان کرونا
ئولدورور سن او کچل محمودولان میر غفاری
مشه نر ما ندا اولور حالی پریشان کرونا
ایشلیین چوخدی ولی یوخدی بوگون ایشله دنی
اوتوروب ائوده دوتور چوخلار آجیندان کر ونا
بیربیله شاخیله برگ بیر مرضه وئر مزلر
سویله مزلر سالاجاخ ملتی جاندان کرونا
نا امید ایلوری مسئو لارمیز ملتینی
سالوری ملتی امیدو تلاشدان کرونا
ایشییه چیخما دئیور ائوده اوتی بیچاره
بول سنی دوتسا چتیندور وئره امکان کرونا
اختلاس احتکار هرکس ائدوری یوخدور ایشی
یوخسولی تصمیمی وار سالسون ایاقدان کرونا
کرونا یاخشی بلادور ولی بیر عده لره
قان ایچنلردن آلا کاش گوراخ جان کرونا
ولی برعکس اولورانسان اوزوندن چیخوری
قان سویانلارا وئرور فرصت و میدان کر ونا
سیندیراردی فچین الله قالاردین چینده
یاگئدردین سن او اسرائیله اوردان کرنا
قورخوسان یوز سنه وئرمییه اول دولتلر
عاشق ایران اولوبسان دی هاچاندان کرونا
بهالیق ئولدوروب یوخسوللاری یوخدورنیازی
تاپلوب ایرانه گلدین سن هایاندان کرونا
کیم سنی ایرانا کوشوردی اونا لعنت اولا
کاش اولاردی سنه بودنیادا درمان کرونا
قوناقین حرمتی واجبدی گرک حرمت اولا
چونکه دستور وئریب خالق منان کرونا
ایسته مور کشورایران سنین تک قوناقی
اوزیوه وئرمه بو ایرانیده میدان کرونا
یوزوه خوش باخور ایران اودور سیر تیلیسان
گتموسن چون سنه یوز وئر موری آلمان کرونا
نه دی جرمی سوئله ایرانیده بیچاره لرین
بوللارا ایله موسن ایرانی زندان کر ونا
نه جوابین اولا جاق حشریده اللاهه سنین
خبرین یوخدی سنین آیا او قمدان کرونا؟
سالموسان ولوله قمدا سنه یوز مین لعنت
شاکی دور سندن الان شاه خراسان کرونا
نئچه یوز مینلر اولاردی اولارین زواری
عزم ائدری اورا بایرامدا هر استان کرونا
ایلدین اما بوایل قلبیمیزی سن یاره
دیدارا گئتمییاجاخ غملی محبان کرونا
ایله قورخودموسان ایرانیده بیچاره لری
غیر ممکندور گئده اهل بیر استان کرونا
قورخار انسان بلادن نه بو اندازه ولی
تولکو سن ایلموشوخ بیز سنی اصلان کرونا
هر بلا گلسه خدادن اونا بیز شکر ایئدروخ
مثل نیسان یاغا گر باشلارا باران کرونا
حوزه –دانشگهیله حتی نمازِ جمعه لر
اوللاریدا ایلوبسن سن هراسان کرو نا
سن مساجدلری هیئتلری تعطیل ائلدین
بوایشه شادیدی بیر عد ه ای دونان کر وانا
ایسته حقدن سنه بیرزره جه امکان وئره
ظالمین ایلیه سن کاخینی لرزانکرو نا
مظلو مون حامی سی اول ظالمین اما ییخ ائوین
اختلاس گر لرین ایت قلبینی القان کرونا
اختلاس -احتکار بو ملتی ایلوبدی فلج
بولارین یاره سینی دئشمه تازاشدان کرونا
قیش چیخار پیس گونو ن عمری آزاولارعالمده
رو سیا ه لیخ سنه دائم اولی عنوان کرونا
مدرسه تعطیل -اوشاقلاری شمالدا دولانور
ده ده لر ده چکوری کافه ده قلیان کرونا
نه به آن شوری شوری نه به آن بی نمکی ))
رامسر اولموش اوشاقلارا دبستان کرونا
دولت تعطیل ایلدی ائوده اوشاقلار اوتورا
نه گئده اصفحانا مشهده مهمان کرونا
دولت اعلان ایلییور چیخما یون ایودن اشییه
ماشینیله دولودور جاده گیلان کر ونا
صمون و بکمون وعمیون اولارا شاملدی
عده ای شرم ائلمز حتی خدادان کر ونا
هر نه بهداشت بیورسا ائدرم منده عمل
اولموشام علت اودور تابع فرمان کرونا
قیر خ ائلین آروادینی ایله مو سن بیگانه
ال منه وئر مییاجاخ بیرده تازاشدان کرونا
سن گلندن وطنه هئچ الی دئیموب الیمه
ایتموسن آروادیمی سن منه عدوان کرونا
بیرمتردن دانیشور نه اوپوشور نه گوروشور
امر بهداشتا دئیور یتمیه نقصان کرونا
قوخورام سن گئدسن امابو خصلتده قالا
ها نسی دکتر ائده جاخدور بونا درمان کرونا
گونده یوز دفعه یودودور منه بو اللریمی
اللریمون دئریسی گتدی یو ماقدان کرونا
زنجفیلیله ساریمساخ هاراگور اوج ایلیوب
صدریده اگلشوب الان او خبیثان کرونا
ماکسیله - دسکش الان ملته لازمدی تاخا
اودکی سودِ جولار ایلور ی بحران کرونا
او شرفسیزلر آلور اوللاری انباره وورور
سن دی دولت اولاری ایلییه دیوان کرونا
وار گوزون اوسته قا شین کیمسه دئینمز اولارا
داللاریندا اولارین وار قوی بنیان کرونا
هر کسین یانمویاگر قلبی بو مستضعفینه
اونی یارب دوتا یوز دفعه باشیندان کر ونا
احتکار هرکس ائده بیربیله موقعده اگر
بلی واجبدی باشی زبح اولادالدان کرونا
هرکسین هرنه الیندن گلور الان ایلییور
هابیلی ئو لدوروری قابل نادان کرونا
بوعمل شیطانی خوشحال ایلییور عالمده
ایلییور آدمیلن حوانی گریا ن کر ونا
کروناداندابتردور بو یالان شا یعه لر
ایندی ایراندا آچوب عده ای دکان کرونا
گون به گون قاوزانوری قیمت اجناس یوخاری
بو تبرم لری بس ایلوری شیطان کرونا؟
ییخمییاق بیز بو گناهلاری ترا مپین باشینا
سو غانی - قار توپونی ایتموری ارزان کرو نا
شیطانی شاد الییوب شیطانا لعنت دئمیاخ
کیم اوخصلتده اولا لعن اونا هر آن کرونا
نه قدر که گوزووه حیله گر انسان گورونور
بلی بوللاردور اولوب شیطانا یاران کر ونا
سنی بیرعد ه ای بولمم نئیه چوخ چو خ یئکئدیب
مینلر افراط یافریط اولی سارسان کرونا
سندن چوخ چوخ قوی وئروسلاری ایرانلو گوروب
هیچ بیری ایله میوب سن کیمی طغیان کرونا
آخر شعریده مندن بوسوزی قبول ایله
بوایش گور گیله اول شهره ایران کرونا
بیزی بو چرخ ووروبدور ولی سن وور ماگیلان
اختلاس گر لری ایت قانینه غلطان کرونا
اوزی ایراندا چاپور- اعوانی خارجده گزور
بولوسن یوخدور اولاردا دین وایمان کرونا
گئدیری مسجده دائم اوزی قرآن اوخویور
اهل عیالی ائدور آلمانیده جولان کرونا
یوزدفعه گردئییلم ئو لدورسن قورخوم یوخ
سنه باش اگمییاجاخ شاعر دوران کرونا
یادگاری دور آدیم هاممی تانورا ستاندا
یازمارام کلمه ده من حتی یالاندان کرونا
f,بو دعا نی ائدورم حجت قائم گلسون
رهبری حفظ ایله سین خالق سبحان کرونا
