نظر ایلر به وجه الله بسیجی
نظرایلر به وجه الله بسیجی-بوگون دنیاده جندالله بسیجی
او پاک قانیندی ثارالله بسیجی-حقیت یول گئدروالله بسیجی
گورونموبدوراولاگمراه بسیجی –اولوب تائیدروح الله بسیجی
سنی حفظ ایلسین الله بسیجی –بو سوزده ایتمورم اکراه بسیجی
تاپوب قرب خدایه راه بسیجی – جهانی ایلیوب آگاه بسیجی
اولان عاشق حسینه کربلایه-چاتان عشقینده عالی مدعایه
نقد یاره دگه ایتمز گلایه –تو کل ایلییر هرآن خدایه
توسل ایلییرآل عبایه –اطاعت ایلدی روح خدایه
اولوب ملحق شهید نینوایه –دئریلسین دین اوزی دوشسون بلایه
اولوب راضی ته دیلدن بسیجی–صفالی دورآچان گلدن بسیجی
ائدن طاعت امام امتیندن –اولان حامی همیشه دولتیندن
دلیران غبطه ایلر غیرتیندن –بلانی رفع قیلدی ملتیندن
قالوب معطل جهان حرّ یتیندن –قویوب دنیانی حیران عزتیندن
امام تجلیل ایتدی خدمتیندن –ولی قوخاردی دشمن هئیبتیندن
هراس ایتموبدی دشمندن بسیجی –خدا راضی اولا سندن بسیجی
امامین امرینه میدانه گلدون –جهادین لذتین سن یاخشی بولدون
دگنده ترکش خمپاره گولدون –قیزیل گل تک آچوب گلشنده سولدون
دئیوب تکبیر دیلدن خطی آلدون –یزید عصر آدین قانیله سیلدون
ابوالفضلی اولحظه یاده سالدون –سودا میل ایتمه دین لب تشنه قالدون
گئدیب حق جبهه ده یاتدون بسیجی –بهشته جانیوی ساتدون بسیجی
گوروم الله اولا پشت و پناهین –اولوبدور جبهه حق رزمگاهین
همیشه سنگر اولدی جایگاهین –او پاکیزه قانین اولدی گواهین
ابوالفضلین یولی دور شاهراهین –مساجدلر اولوبدور پایگاهین
امام عصردور ارزنده شاهین –بوآذربایجان دور زادگاهین
جهانی قویموسان حیران بسیجی –سنی گورموبدور هئچ دوران بسیجی
توسل ایلدین دیلدن حسینه –سن اولدون حامی اسلامیله دینه
اوخی ووردون منافقلرگوزینه –قولاقدا وئر مه دین اصلا سوزوینه
نگهبان اولدون ایران زمینه –سنی سئو مز جهاندا اهل کینه
شرف دور پاک قانین دینِ مبینه –نماز حمله ده گتدون یئرینه
حسیندن تقلید ایلوبسن بسیجی –اونون تک حقی سویلو بسن بسیجی
همیشه حمله نین اول صفینده –علم حضرت عباس الینده
حسین کربلا آدی دیلینده –سنین نارنجک جنگی بئلینده
شهید اولدون اوجاتدی باش ائلینده –اولوبدور جبهه ده خندان گولونده
مثال مرتضی حیدربسیجی –یخان مرحب آلان خیبر بسیجی
سپاهین ارتشین نور دو عینی –او جالدان پرچم اسلام ودینی
سنه چوخ افتخار ایتدی خمینی –چاغوردن دادیوه سالار حسینی
دیدون سنده قطعتمو یمینی –قاواردون مثل عباس اهل کینی
سرافراز ایلدون ایران زمینی-خجالت ایلدین بعث لعینی
همیشه سیندیران خطی بسیجی –گیچن رودخانه نی شطی بسیجی
هواپیمالره گوگلرده شهپر –بیزیم ناوگانلارا دریاده لنگر
همیشه حامی دین پیامبر –قوای انتظامییه برادر
مرید حضرت عباس و اکبر –بسیجیدور هامی باشلاردا افسر
بونو ن شانونده واردی چوخلی سوزلر –بونی تعریف اِدنمز هئچ سخنور
منافق فرقه سین پیلر بسیجی –فسادی حتّی قطع ایلر بسیجی
امام امّتدن ایلوبلر سئوالی –بیزه رهبردی کیم سن ایله حالی
امام ایستوب اولا راحت خیالی –دئدی آلدی اوکه حقدن مدالی
ایلدی یارینی دیدار یارالی –بیله تعریف ایتدی حضرت عالی
اورکده قویمویوب قالسون ملالی-بوطرزیله ووروب رهبر مثالی
بیوردی طفلدور رهبر بسیجی – که اولدی گل کیمی پرپر بسیجی
دئدی رهبراودورخلقی اویاتدی – او شرین جانینی رضوانه ساتدی
بقا قالدی فنانی گوزدن آتدی –شهیدلر قانینه پاک قانی قاتدی
اوقان جوش ایلییر فکر ایتمه باتدی –او ایثاره جهان الااندا ماتدی
نارنجک باغلیوب تنک آتدایاتدی–بسیجی طردائدن دینسیزدی لاطدی
دئیوب تکبیر چکوب بانگی بسیجی –ایلدی منهدم تانکی بسیجی
او ایمانین عملده ثابت ایتدی –بدون واهمه تانک آتدا گتدی
بیزه چوخ افتخارلار اما گتدی –بیرعده اما دوز یولدان قئیدی
بیزه هر نه باشاردی اوللار ایتدی –اولار ظاهرده انسان اما ایتدی
ادیب حمله بو مظلوملاری یئتدی –ولی الحق بسیجی کامه یتدی
یوزون ایتدی جهاندا آغ بسیجی – ولی قویدی اورکده داغ بسیجی
بسیجین مثلی لشگر ایندی یوخدی –بسیجین بینو موزدا حقّی چوخدی
بسیجی دشمنه نه ائیدی قوخدی –بسیجی دشمنین چشمینده اوخدی
بیر عده ارزاقی انباره سوخدی –اولاردور پایه وجدانی یخدی
حرامی بال کیمی میل ایتدی تیخدی –بیر عده آجدی بیر عده تو خدی
سوزی چوخ آچمورام الان بیجی – سنی حفظ ایله سین منان بسیجی
بیرعده اختلاس ایلر وطنده –اگر وار غیرتین لعنت دی سنده
اولاردور مظلومی سالدی کمنده –اولار لال جان وئرلر جان وئرنده
حقیقت یازماسام اشعار دئینده –سهیم اوللام اوجرمه اوندا منده
بونی درک ایلدی الان بولنده –خلل وار اوللارا پیس سود وئرنده
ریا دوزعشقینه قاتماز بسیجی –خموش ائوده گئدیب یاتمازبسیجی
بسیجین خدمتی چوخ بی ریادی –بسیجین سنگری چوخ با صفادی
بسیجین قانی اسلامه دوادی –بسیجین یاوری شیر خدادی
بسیجین عاشقی میر هدادی –بسیجین باخ مقامی گورهایادی
بسیجین راهی راه انبیادی –بسیجین رهبری روح خدادی
آلارالهام امامیندن بسیجی – گیچر دین اوسته جانیندن بسیجی
بسیجه خامنه ای دور رهبرالان –امامین یادگاری دلسوز انسان
بسیجی چوخ سئورحتّی جانیندان –ائدیب الله اونی ایرانه احسان
یولوندا جان فدا ایلر بو ایران –شهید زنده دور عباس دوران
اونا اولسون بسیجین جانی قربان-حسدن آزقالورئولسون اوشیطان
اطاعت ایلییر هرآن بسیجی – فداایلریولوندا جان بسیجی
او داعش که ائدر دنیاده طغیان –سالوبدور چوخ یئره الاندا طوفان
بسیج آدیندان هر آن دور هراسان-بولور وئرمز اونا دعواده امکان
اوداعش بلکه بیر حیواندی ترسان –دوشر بیر حمله والله ایاقدان
بو سایماز کیمدی داعش ابن شیطان –بسیجه یاردور خللاق سبحان
ئوله میدانیدن چیخماز بسیجی- جهان داعش اولا قوخماز بسیجی
سالاردوخ یاده بیزکرببلانی –ائدردوخ دائمابیز بو دعانی
دئردوح کاش قئیدسین اول زمانی –حسینه ایلییاخ قربان جانی
ولی گلدی یتیشدی امتحانی –بیرعده ایلدی ایمانی فانی
گوز ل باخ مجتبانین نوجوانی –اون اوچ سینینده آخدی یئرده قانی
اونون تک چوخ شهید اولدی بسیجی –قیزل گل تک آچوب سولدی بسیجی
سن الله یادگاری شعری قورتار –که اولدی کربلا ایراندا تکرار
اوتور ناحقّی سن گیت حقّی آختار –بسیجه کیم اولا دشمن اولار خوار
بو قانللار اوللاری حتما دوتاللار-گر ایستورسن رضا اولسون اودادار
اولا سان کربلایه بیر ده زوار –اون اوچ سنینده طفله یاز سن اشعار
دئنن شعرینده افکار بسیجی – همیشه یاز سن اشعار بسیجی
