رمضاندی شعر استاد کریمیواستقبال از شعر استاد

استقبال از اشعاررمضان استاد کریمی  که در هفته معلم سال 98

به منطقه یکانات  تشریق آورده بودند ودر تالار یکانکهریز

درجمع اهل یکانات ومعلمان منطقه  ومسئولین  عزیز

شعر خواندند وبخصوص شعر رمضان که سال 96 در بیت

امام جمعه تبریز در جمع شعرا خوانده بودند  و مورد تشویق

امام جمعه وحاضر ین  شده بودند و همان شعر را نیز در تالار جمع 

اهل یکانات و مهمانان و معلمان عزیزخواندند این جانب شعر استاد

را تعقیب نموده وبه وضعی گرانی امسال  نوشتم و اشاره کردم

====================

به به گنه آغ گوی قره تسبه لر اوزاندی ماه رمضاندی

آدّیم باشی قرآندی مناجاتدی - اذاندی ماه رمضاندی

 

صفلر گنه با غلاندی عزیز اولدی مساجد اولدی هامی عابد

یوخ بخل حسادت داخی لاپ یاخشی زماندی  ماه رمضاندی

 

ربی لک صمتُ علی رزقک افطرت خلق ایلدی ازبر

مفتاح جنان خلقه گنه مونس جاندی ماه رمضاندی

 

چوخ باخما کاسیب قیماغا بیچاره اومارسان دیندیرمه تومارسان

بال شهدی گورنده گوزوی یو م سوئله قاندی ماه رمضاندی

 

چون ماه مبارکدی گوزون اوت داخی اتدن خیر و برکتدن

دوشدی قاچاغا سوت کره قیر ماخ بها لاندی  ماه رمضاندی

 

قو یماز بیرسی با غمیره زوربیّرده آرزو بیرعده تامارزو

باخ شیشه دالیندان قاباقا گلمه گراندی ماه رمضاندی

 

افطاریدی بعضی لرینین قلبی دو یوندی بیر عده سئوندی

بیر یاندا بهار آی بالا بیر یاندا خزاندی  ماه رمضاندی

 

بیر یاندا پیشر پاخلا پلو دولما بادمجان هم قیرمه فسنجان

کفلت چاغورار  آشپزی قیز گل کوکی یاندی ماه رمضاندی

 

بیر سفرده بیرسنگ ایکی کاسه یاوان آش دورین آلوب اون باش

از بس قاچا قاچ سالدیلا آشلار دا جالاندی ماه رمضاندی

 

بیر یاندا بش آلتی باشا بیر خردا سماور  نه قند ونه شّکر

افطاریدی بیر قاش پنیری یوخدی یاواندی ماه رمضاندی

 

هیچ بیرسوروشان یوخدی آ ی اوغلان بونه آیدی  ایوای بونه آیدی

آیا نه قیامتدی نه شورو  نه فغاندی ماه رمضاندی

 

تک بو آیا مخصو صدی آیا بو عبادت ای پخمه جما عت

مسجد بابا هر آی دا  مسلمانه مکاندی    ماه رمضاندی

 

گلمز له بولار مسجده الّا رمضاندا  بیرده یول آزاندا

بیر آیدا ما شالله کیشی هر مطلبی قاندی  ماه رمضاندی

 

قرآنی دئیوللر کیشی بیر هفته ده چخدی اسکندری یخدی

هی چخدی چووردی دئیه  سن نقل روماندی  ماه رمضاندی

 

گیرم که کریمی اولا سان سعدی  شیراز  شعرین اولا ممتاز

پارتین پلوو ن اولما سا دیلّنمه  اماندی ماه رمضاندی

شعرهای بالا از استاد کریمی میباشد

================

شعر های پایین از یادگار ی میباشد که شعر استاد را  استقبال کرده اند

===========

تعقیب ایلدیم مطلبِ استاد عزیزی چون هفته معلمده گلوب یوخلادی بیزی

معلمدی چکوب زحمتی بیر عدّه قازاندی ماه رمضاندی

 

بو شعر رمضانی گیچن ایل دئدی استاد بیتینده امام جمعه بیوردی ایوین آباد

منده دئیورم بورمضان  الله اماندی  ماه رمضاندی

 

بیرعدّه رمضاندا سئو ر ملتی چاپسون نه ملتی چاپسون دئگیلن ایت کیمی قاپسون

اوللارد ا خدا  وجدان انصاف تاپو لاندی؟ ماه رمضاندی

 

ایلله مدافعان حرم جبهه ده ایثار بیر عده ده بوردا الییر ارزاقی انبار

سویلر بو ایشین باعثی شیطان زماندی ماه رمضاندی

 

چوخ مملکت ارزاقی بو آیدا ائدر ارزان-  غیر از بیزیم ایران

بیرگونده دوگی   شکّریله - قند باهالاندی ماه رمضاندی

 

قو دلار نئیه ایستلله همیشه دومان اولسون قیر سینلا هامی گله لری الامان اولسون

بیرعدّه چاپور ایرانی ازبسکه دوماندی - ماه رمضاندی

 

الله سنه لعنت ایله سین قودصفت انسان گل گلّه دن ال چک داخی چوخ ایلمه طغیان

سیزلرده اوکه یوخدی فقط دین وایماندی- ماه رمضاندی

 

مسئولارین بعضیسی  یاتوب  - بعضی اویاقدی بیر عده سی ده شیطانا بو آیدا قوناقدی

بیرگون چیخاجاخ حیله لری گرچه نهاندی -ماه رمضاندی

 

بیر عدّه یئدیدر ایتینه راستانی هر آن بیرعدّه تویوغون قیچین آلماقا یوخ امکان

کیم اختلاس و احتکار ایلر او سنا ندی - ماه رمضاندی

 

دولتلیلر قویماز ولی هیچ میوه ده نقصان یوخسول توانیندا یوخ آلا حتّی بادمجان

چیر پسئه و آجیل اولارا یونجه ساماندی -ماه رمضاندی

 

ات ماهی تویوخ بیز یئمروخ بو رمضاندا  -الله  نه دئیوب لا دئمروخ بورمضاندا

لعنت اولارا قارنینا ایمانی ساتاندی -ماه رمضاندی

 

ماه رمضان ماه خدا  ماه دعادی هر کیمسه اطاعت ائلمز ضد خدادی

مولود حسن دی آتاسی  قانه باتاندی-  ماه رمضاندی

 

ماه رمضان ماه مناجاتدی نه  بازی  تنها نه فقط واجب اولوب باغلیاخ آغزی

هر مشگو لوموز اولسا اونی الله آچاندی  ماه رمضاندی

 

ای وارلی گل اللاهه گوره یوخسولی یاد ایت- مظلو ملاری شادایت

جنّاتی آلار یوخسولی کیم یاده سالاندی- ماه رمضاندی

 

سی در صد اَنر قیمت ارزاق جهاندا پنجاهیدن چوخ قاوزانار اما بومکاندا

ایراندا نه که سوزلریمز جمله یالا ندی-ماه رمضاندی

 

هر قول وئرللر ولی قیمت گئدر اوسته کیم دور دئیه بوللارا اوزون ایلمه خسته

وور ما دادا شیم بیر بیره اوضانی اماندی- ماه رمضاندی

 

سو - سن گتومور سن گیلیفی باری یاش ایتمه اوز حیله لرین  ملت ایرانه فاش ایتمه

سن قانموسان بو ملت ایران قانا ندی ماه رمضاندی

-

نه صحنیه گل  نه اوزووی یورگیلا قارداش الله -سنین باشیوه گوردن سالابیر داش

بوش وعد لره  کشور ایران- تالاندی ماه رمضاندی

 

آخشام توروغی اون تومن اعلان ایلییورسن صبح اما اونا اون بشی عنوان ایلیورسن

احمقدی سیزین سوزلریزه هر کیم ایناندی- ماه رمضاندی

 

دوتمورسان الیمدن-ایاقیمدان  ولی چکمه قورخ اول شهدادن عزیزیم تخم کین اکمه

بو ملتی اوز حالینه قوی اشگی رواندی  -ماه رمضاندی

 

چوخلاری  وار ایراندا اولار  ات یوزی گورمور دیوانه  دی هر کیم دئسه اوللار اتی سئومور

آلسون نجه یوز مین تومنه بسکه گراندی - ماه رمضاندی

 

بیرعده رمضاندا اولار بیر قوی   تاجر- بیرعدّ ه مهاجر

تاجردی چا پا ن  امّا   مهاجر چاپو لاندی -ماه رمضاندی

 

بعضی لرینین  سفره سی افطارده بوشدی بعضیلرینین  سفرسینه باخ  دی نه خوشدی

بیر عده یئیندی ولی  بیر عده باخاندی-  ماه رمضاندی

 

بیر عده ای رهبر دئینه حتّی که باخماز اللاهین عذابیندن اولار زرّه ده قوخماز

اعوانلاری اوتریشیده آلماندا دو لاندی-   ماه رمضاندی

 

بوردا چاپور اوردا آپاروب ایلوری پامال شیطانه لعینه اوزونی ایلیوب حمال

فکر ایلور ی دنیا اونا هممیشه قالاندی  -ماه رمضاندی

 

نیلر –کاسیب لاردا -بوآی زحمته دوزسون خائنلرین الله اوزی تیز باشینی اوزسو ن

بیر عدّه چکور کیف بیر عدّ ه دیلی قاندی- ماه رمضاندی

 

آمار دوتاسان یدّی قیزا واردی بیر او غلان مدرکلری عالی دی ولی اوزلری ویلان

همراهیله اوز عمر شریفین قوتاراندی   ماه رمضاندی

 

قیز فوق لیسانس اولسادا  حدادی بئینمز وقتی که عناد آتینا میندی داخی انمز

پو لیله بیر عدّه بلی وار مدرک آلاندی ماه رمضاندی

 

قیرخ التیا سنّی یتیشوب یوخدور عیالی- آ سوده خیالی

چو نکه بولوری آرواد آ لا تیز بو شاناندی  ماه رمضاندی

 

ا ئولن سه ده سو یلر اوشاقیم آز اولا خوشدی چون مکتبه یاز دیرسین اوشاقین الی بوشدی

آمادگی یه یازدیرا میلیار د قراندی ماه رمضاندی

 

آمار الان سُنّی گچوب شیعه دن اوسته سن علتینی ایله بیان مرد خجسته

بیکار  و گرانی بیزی والله آزاداندی ماه رمضاندی

 

اوغلان نئیه ائودن چخوب - دور از وطن اولسون قیزدا نئیه ائوده اوتوروب-  پیر زن اولسون

بوللاردان آتالار آنالار چوخ نگراندی ماه رمضاندی

 

من دوخسانِ دوقوز ایلی  بومطلبی یازدیم سن بول شرفین سویلمه من شعریده آزدیم

من کاه کریمی ولی کوه ساوالاندی ماه رمضاندی

 

استادکریمینین الیندن اوپرم من حتی یکاناگئدسه دالینجاگئدرم من

بسکه یکانات ملکی منه یاخشی  مکاندی- ماه رمضاندی

 

استادیکاناته گلوب فوری قیدی گوردی یکانات اهلی اونا بلی مریدی

مشهور  یکاناتدا اگیت بخشعلی خاندی- ماه رمضادی

 

نه بخشعلی و قو چعلی -نوراله اگیدلر بوللاری ولی ایلدی زنده اوشهیدلر

تنها شهدایه اولا قربان بو جاندی  -ماه رمضاندی

 

یتمیش نئچه تن واردی شهیدی یکاناتین اوللار آلوب الللاهیدن الحّق براتین

اوللارا مکان بلی الان عدن وجناندی ماه رمضاندی

 

من یادگارام اما ئلیم  قدریمی بولمز حتّی که گوزومدن آخا قان یاش بیری سیلمز

شاعردئمه سویله منه مظلوم زماندی- ماه رمضاندی

 

هرچند سوزوم چوخدی اورکده ولی قالدی یم عارفدی مطلبی درک ایلیوب آلدی

کفکر ایلییاجاخ عده ای بو شعر یالاندی ماه رمضاندی

 

شاعر کرک  ملتله اولا دنیاده هم غم شاعر دگی هر کس اولا بو دنیادا بی غم

شاعر او دی کی حقی دئیوب حقی  یازاندی- ماه رمضاندی

===============

ولادت باسعادت امام حسن مجتبی و اسقبال از شعر استاد غفاری اردبیلی

ولادت کریم اهلبیت امام دوم

حسن مجتبی (ع) استقبا از

اشعار استاد غفاری اردبیلی

 

علینون حسن بی نظیر او غلیدور

حسن مرتضانین دلیر اوغلیدور

حسن قلعه محکم دین دور

جگر گوشه نص یاسین دور  

 

ادبلی علینون متین اوغلی دور

علینون حسن اولین اوغلی دور

ایاقدان باشا عشقدور شور دور

دوداقلاری سر چشمه نوردور

 

کر ملی الیندن کرامت یاغور

گوزل صورتیندن کرامت یاغور

دئیون حاتمه باغلا دکانیوی

حسندن گل آل سهم احسانیوی

 

حسن گوهر عشقه صرافدور

 گوزل قلبی آئینه دن پاک دور

قیام ایتمدی وار مهم علتی

بونون صلحی آچدی در نهضتی

 

کیمین دردی واردور گتورسون دیله

باخار مجلسین صاحبی سائله

بوگون عاشقان هامموسی شاد دور

دلیلی بودور جشن میلاد دور

پیامبر علی فاطمه شاد دور

بو میلاده قربان حسن آد دور 

 

بو –لایوا -باخانلارین حاجتلری

هامونون سنه دیلده وار سوزلری

بولار ئولسه ده گتمز آیری ده

دئیه للر فقط سوزلرین سیز لره

 

بولارا آقا محرم راز سن  

بو لارین ایله مشگولون باز سن

ولی شعریمون اولماز اصلا دادی

اگر گلمه سه بوردا عباس آدی

 

یازان یادگاری و غفاری دور

وئرن عیدی عباس علمدار دور

توسل ائدن بلی محبوب اولار

ابو الفضلیدن حتما عیدی آلار

 

بو بزمی که اولدی اونا منتسب

وئرر عیدی حتما او والا نصب

آتا بت شکن دور بالا خط شکن

بونی دیلدن ایستر حسین و حسن

 

ابو الفضلی زهرا اورکدن سئور

لال اولسون او دل که اوگر سو یلویر

اوگر کلمه سین هر کس ایتسه ادا

یقینیم وار عباسه ایلر جفا

 

بودور صاحب مشگ قانلی علم

حسیندن بونی گل آیرما قلم

توسل ابو الفضله ایتساخ اگر

اوزی  مجتبی محفله باش چکر

 

وئر  اهل یکاناتیوه عیدی سن

اوزون ثابت ایله که کیمدور حسن

زمانی که اعجازیوی گوردولر

 بو له للر حسین وحسن بیر دیلر

 

سرافراز ایله  سن یکانات آدین

بولار فدیه ایلر سنه هر زادین

داخی فرق قویمازبیری سیز لره

معما یولی حل اولار بیزلره

 

یارالی گوگولر آقا شاد اولار

آدین هر مجالس گله یاداولار

سید نوح آتار ال گوزل دامنه

دئیر دردین اهل یکانات سنه

 

سید ایلر اعلان بونی لایویدا

دوتار میلادین حتی که  چارلیدا

حسیندن سنین آز دگل قدرتین

دینی ساخلادی صلحیله نهضتین

 

سنین یوخ شجاعتده کسر و کمین

ولی داغدان آرتوختر اولدی غمین

هامونون آقا واردی بیر خواهشی

عنایت ایله گور گیلن بو ایشی

 

اماما بو عرضی قبول ایتگیلن

ابو الفضلیوه حکم سن وئر گیلن

بیورسا ن ابو الفضله حتما دورار

اوداعشلرین نسلین ازدم قیرار

 

او غاصب ائد نمز داها  ادعا

اونون پایتختی گرک قدس اولا

تاپا کاش آرامش اهل جهان

ظهور ایلییه مهدی  صاحب زمان

 

سیلر یادگاریده خجلت ترین

سیزه سو لویر اوندا اوز شعرلرین

سید سویلمز وقت آزدور قوتار

بیر آز تاخیر ایتسن اوزی قطع اولار

 

درشان معلم و اشاره به 78 شهید و 4 نفر ازاده منطقه یکانات

فرهنگ و معرفتدی پیامی معلمین

اولسون گرک مقامی گرامی معلمین

معلم دئمه سویله  اونا کشتیی نجات

هر دیللره صفادی کلامی معلمین

===========

ازل او اولدی  بلی الفبانی اورگه دن

تقسیم و ضرب علاوه و منهانی اورگه دن

علم و هنرده حل معمانی اورگه دن

تنها دئمه  زیر بنادی اوشاقلارا

هرکس اطاعت اوندان ائدیب گورچاتوب هارا

 

 انمعلم دئمه سویله  اونا برتراز ملک

واجبدی حر متی آتالار احترامی تک

سن بول علی گل ایلمه بو مطلبیمده  شک

هرکس اطاعت ایلسه خوشبخت فرد اولار

هر کس عناد  ایلسه  واللاهی طرد اولار

 

تکمیل اولوب معلمیلن علم بنیانی

تعلیم ائدیب ارسطونی سقراطی لقمانی

مشهور ائدن جهاندا اودور ابن سینانی

شاگرددیر حکیم نظامی معلمین

افضلدی عز و شان و مقامی معلمین

 

معلمدی تربت الیین شیخ مفیدلری

معلمدی تربیت الیین رو سفیدلری

معلیمدی تربیت الیین اول شهیدلری

لطف خدادی معلمین عالمده عزتی

هر نوع تربیت  ایله سین واردی قدرتی

 

طبعیم سئور سمت یکاناته بیر گئده

یتمیش  نئچه شهیدینی بوشعرده ذکرائده

مفقوداثر  بش نفری اولدی جبهه ده

بو بش نفردن گلمدی ایرانه بیر اثر

سید لطیف میزعلی و بیرده میر جعفر

 

ایام جنگی بیر نفری گر سالایادا

حتما بولربو قشر نه جور  چاتدی امدادا

حاضر اولوب دینه گوره هر زادین آتا

چوخ چوخ محصل  اولدی شهید  کیمسه بولمدی

شورالدین و گرزعلینین نعشی گلمدی

 

احمد – مظفر –قربان و  رحمان و حکمعلی

سید آقا - میرولی -غفار ومیزعلی

سیدحسین - میر عزیز-میر نادر حمزه لی

اسفندیار پیری -حسین پیری – آفتاب

میر اژدر و میرهادی ده اولدی کامیاب

 

غفار یلر قارداش حسینیله هم حسن

زالی – کریمله او  رحیم -ایکّی  خط شکن

لازمدی عرض الییم من اوچ عراقی دن

ابراهیم ومحبوب حسین اولارین آدی

میر مرتضی  میر احمد - مقاملاری والادی

 

سید علی اکبر و معصوم ورستمی

سید حسین حسینینون دریا اولار غمی

عبدالله ئیلن- اولدی ابو طالب همدمی

پرویز نعمتیلن -علیزاده  -هاشمی

هدیه گر ک ایلیم من گوزده یاشمی

 

 

 صادق حصاری-حیدری سردار  باوفا

سید رحیم قافله دن اولمادی جدا

کهریز یکان قیرخ ایکی تن ایلیوب  فدا

 وئردی یکان علیادا یرم اوچ نفر شهید

آدلارینی من یازورام شعریده  اشید

-

آلتی نفر نوری-شهیدان با مرام

موسی – عوض- اسمعلی- پرویز  خوش کلام

ای اسمعیل نور ی-  غلام ا لّرضا جان -سلام

دکتر علیزاده  - حسین زاده جانثار

سو یله مظاهری شهیدین مثلی هاردا وار

 

چنگیز برگشادی و جانجانیِ - حسین

آهنگری –حقّی  سنه جان فدا دئسین

جوت عابدینینی یازام گر شعرده ایشین

عیو ض -علی بوللارین اولموش بلی آدی

شیخلو- خضرلو  مکتب عشقیندور استادی

 

احسن محمد-آد –نظری واردی شهرتی

حقّی -   جوادی  جبهه ده گورسدی غیرتی

چوخدور آخوندی  مصطفی زاده  لیاقتی

محمد تقی- نبی لو - او علیاییِ  رشید

فخر ایلییر اعوانی- بو للار اولوب شهید

 

یرم اوچ شهید اولدی یکان علیا فدیه سی  

بو ئولکه نین  اولدی خداونده هدیه سی

اولمازلا بی حیالارین عالمده برده سی

حقّی ده روحی شاد سید لو  شهیدی دور

پاک قانی که آخدی  سید لو امیدی دور

 

بو التی تن شهیدی فدا ایتدی چایکسن

قربان سنه ولّیِ محمد آدی  حسن

فخر ایلروق سنه حسن بگلو خط شکن

شیخبگلوو  قربانعلی محبوب آدلاری

اولسون حسن زاده و میر زالو یاد لاری

 

ایتدون دفاع سن نجفی دین حق دن

درگاهی- برجلو- خدایاری ده سعدی دن

وار ایکی تن شهید او دیار  مغلّو ی دن

یعقوب امامی افسر قرآنیله وطن

اولدون یکانی مطلق شهید بمبلار آتدا سن

 

یتمیش سگیز اولدی یکانات قربانی

دورت تن وار آزاده سی  عرض ایلیوم تانی

پروالدین قاسمی یکان کهریزن جانی

موسایی – همتی یکان علیا نین افرادی

اهل یکان سعدی کریمی اونون آدی

---------------

معلمدن آلدی درس سلیمانی باکری

لشگر لری دنیا نین اولموشدی فاخری

هر ایکی لشگر او لدولا اسلام ناصری

صدام دئدی گئدیردی منیم هاممی غملریم

عاشورا لشگری کیمی اولسیدی لشگریم

 

گرد ریالار مرکب اولا بیشه لر قلم

عاجز قالار شانیوی گر ایلسه رقم

ایتسین سنه عنا یت ئوزی- صاحب کرم

  یوخ احتیاجی تعریفیوی ایلماق منه

دقتله باخ گور نه دئیوب انبیا ء سنه

 

 

معلمدی دهریده بلی  استادلار استادی

هر یئرده افتخاریله دیللرده دیر آدی

پیغمبرین مرامینه نسبتدی بنیادی

گوهر شناس یاخشی بیلر قدر گوهری

خوش رایحه مشخص ائدر مشک و عنبری

 

اوچ کیمسه  نین الیندن اوپه کیم ثوابی وار

اول آتا آنا اولارین عشق نابی وار

بیرده معلم هر زحمات اولسا تابی  وار

بیر شمع دور یانار ولی دنیایه نور وئرر

دنیایه نور وئرر  همی انسانه شور وئرر

 

ای بوللارون مسئو لی گل سویلمه یالان

انصافه گل بیلرینه  قویما  سن پالان

بی خود شعار وئر مه خدادن بیر آزاوتان

یوخ کافی پوللاری بولارین حتّی خشله سین

مجبور دور تعطیل اولان گونلر ایشله سین

 

میدان کارگرده جمعه گورموشم اوزوم

گر سویله سم یالان بوسوزی کور اولا گوزوم

ایش یاخشی دور  ایشلیه انسان یوخ سوزوم

معلم گرک نشانه ائده جانین اوخلارا

 معلم گرک مطالعه ائده نه ایش آختارا

 

واجبدور احترامینی انسان ساخلویا

گور سه  اولوب باز نسشت حتمی یو خلویا

اول حر متیله  دشمن قر آنی او خلویا

ال اوپماقون کراهتی وار بعضی لرده یوخ

سو یلوبدولر بوبارده گر چه حدیث چوخ

 

دریای معرفتدی کلاسیندا صحبتی

هرنه بیورسا  صحبتینین وار دی لذتی

سعدی گلستاند ا یازوب بو عبارتی

لعل قیمتین  - جهانیده   صرافیلر بولر

سمساریلر لعل - گرانماییه گولر

 

بیر شمعدور یانار ولی اطرافه نور وئرر

بی حالارا   همیشه معلمدی شور وئرر

علم معلمدی که موسایه طور وئرر

شاگرده خاطر هر زحماته اولار رضا

بو یادگارینین جانی اولسون اونا فدا

 

 

اسامی شهدای , و آزاده های منطقه یکانات 78نفرشهید =4نفر آزاده

1-گرزعلی محمدزاده 2-شور الدین پیری 3-میرجعفر رضایی

4-میر لطیف غیبی5-میزعلی یادگاری 6-احمد محمدی

7-معصو م جعفری 8-میرقربان بهادری9-حسین عراقی

10-محبوب عراقی 11- ابراهیم عراقی 12-میکائیل آفتاب-

13-مظفر جنگی 14-میر حسین حسینی 15میر ابوطالب جامعی

16-میر علی اکبر رضوی17-میرحیم یکان کهریزی 18-پرویز نعمتی

19- غفار یادگاری 20میر هادی غیبی 21 –میر اژدر غیبی 22

-کریم زالی 23- رحیم زالی 24-سید آقا غنی زاده (میریداله)

25-میرولی غنی زاده26-حسین غفاری 27-حسن غفاری

28-میر عزیز ذاکری29 –میرحسین ذاکری 30-میرعبداله جامعی

31-میر محمد صادق حصاری 32-محمد علی علیزاده 33-رضارستمی

34-میرمصیب هاشمی 35-رحمان خدابخشی36-حکمعلی پیری

37-اسفندیار پیری38-حسین پیری 39 -اژدر حیدری

40-میر نادر حمزه لو 41- میرمرتضی مظلومی42-میر احمد مظلومی

(شهدای یکانکهریز)

==========

43-علی اصغرآهنگری 44-چنگیزبرگشادی 45-حسین جانجانی

46-ابراهیم مظاهری 47-اسرافیل حقی 48-محمد مصطفی زاده

49-محمد خضر لو 50-علی عابدینی 51-عیو ض عابدینی

52-رحیم آخوندی53-عباسعلی شیخلو54-محمد تقی نبی لو

55-موسی نوری 56-اسماعیل نوری 57-اسمعلی نوری

58-عوض نوری 59-پرویزنوری 60غلامر ضا نوری

61  -مر تضی علی جوادی62-محمد نظری 63- دکتر محمد علی علیزاده

64- گل محمد حسین زاده 65- رحیم علیایی  (شهیدان یکانعلیا)                -

66-علی میزالو  67 -  قادر حسن زاده   68 -حسن ولی محمدی

69--محبو ب شیخبگلو  70قر بان علی شیخبگلو

71-حسن حسن بگلو((شهدای چایکسن))

72- ابراهیم  یکانی مطلق (مغللو) 73- سروان  یعقوب  امامی مغلو

74-شهرود برجلو75-  شهید عباس خدایاری 76-شهید طهمورث نجفی

77-شهید حسن درگاهی(( یکان سعدی))78-علی آقاحقی((سیدلو))

و4 نفر آزاده سر فراز منطقه یکانات  1-  یک نفر از یکانکهربز پر والدین قاسم بگلو

2-دونقر از یکان علیا  ابو الفضل همتی و موسائی

3-یک نفر از یکان سعدی  ابو الفضل کریمی

42-نفر شهید یکان کهریز   23- نفر شهدای یکان علیا

6 - نفر شهدای چارکسن  2-نفر شهید از مغلو 1- نفر سیدلو

4 - نفرشهید یکان سعدی = جمع شهدای منطقه یکانات

تاحالا 78 نفر شهید و 4نفر آزاده اسامیشان بدست بنده رسیده است

میزعلی یادگاری و غفاریادگاری و کریم زالی رحیم زالی

 و میر ااژدر غیبی و میر هادی غیبی حسن غفاری و حسین غفاری

 و سیدآقا غنی زاده و میرولی غنی زاه برادر هستند

 

 

 

 

گچوردی کو فه ده بیر کو چه دن وصی رسول - استقبال از اشعار استاد انور اردبیلی

 

گچوردی کوفه ده بیرکوچه دن ولی الله

گوروب بیر عورتی معبرده حیدر کرار

 

دولی سو مشگین آلوب چگنینه گئدیر ائوینه

ائدیب او عورتی دل خسته یو لدا سنگین بار

 

دئیورالهی داخی دیلده طاقتیم یوخدور

بو شهرکو فه دهیو خ من کیمی بلایه دچار

 

علی منی نه یامان گونلره قویوب یارب

اوزون اراده ایله -انتقامه یا قهار

 

اشیدی عورتین سوزلرن وصّی رسول

یاخو نلاشوب اونا الطافون ایلدی اظهار

 

دئدی سو مشگیوی وئرحمل ائدیم بیرآزدینجل

یورولموسان بولورم - ای عفیفه دیندار

 

منی ده دینی برادرحساب ایله اوزووه

باجیا قاردا شی حامی اولا گرک ناچار

 

سو مشگینی گتوروب مقصده یتوردی علی

بیوردی قارداشین عفو ایله ای وفا کردار

 

بو بیر سئوالیمون اما جوانین ایستیورم

علی سنه نه ستم ایلیوبدی قیل اقرار

 

دگولسن اولما ابوطالب اوغلونا خوش بین

نه دور دلیله اونی دیلدن ایلوسن نفرین

 

دئدی اخول عرب ای  عبد حضرت با ری

سو مشگیمی گتوروب ایلدین منه یاری

 

سنون بو خدمتیوه منده بیر عوض یوخدور

جزا گونونده وئرر اجرین حضرت تاری

 

دئدون علی الیو بدور سنه نه ظلم و ستم

اشیت جوابینی ای خسته لر هواداری

 

ازل علی ائدر ایثار نه ظلم بیرنفره

علیدی دنیادا مظلو ملارین طرفداری

 

شهید همسریم من علینی ایستییه نم

علیدی هر عملین حشر اولاندا معیاری

 

بو سوزلریمه گرک اوندان ایستیرم بخشش

اوزوم اوزومه گرکدور وئرم بیر اخطاری

 

شهید ائدیبله منیم دین یو لو ندا همسریمی

قالوبدی  دورت بالام ائوده یو خ پر ستاری

 

بالا لاریمادویو نجا غذا تاپانمورورام

علی دیوله اولار-هر یتیم غمخواری

 

وظیفه دور اونا ایتام شهره باش یتوره

یتیمه بیویه یوز وئر میه گرفتاری

 

رئیس مملکت مسلمین دور اما

یو لو نا منتظزوخ کلمییوب بیزه ساری

 

اوشاقلاریم یوزونی گورسون آرزو ایلر

دئلله کاش گورا خ بیز او مرد دینداری

 

نه دور دلیلی یولون سالموری بیزیم طرفه

هاچان نصیب اولاجاخدور بیزیله دیداری

 

نقد ری زجر چکم زندگیده صبرائدرم

ولی اوشاقلاریم ایستوله اول وفاداری

 

دئیوله آدی اولوبدور اونون ابو ل ایتام

مگر یتیم دگلوخ گلموری بیزه باری

 

یقین بو لموری اوضانی  حیدر کرار

وبیرده کیمسه اونا سویله موب بو اخباری

 

اگر بو وضعیمیزی  بو لسه اوگلر حتما

دئیر هامی اودی درما ندگان دلداری

 

اشیدی شیرخدا عورت اوسوزلرین

گلوبدی رقته گوزیاشینی ائدیب جاری

 

اوقدرآغلادی دیلدن ولی لم یزلی

گتوردی درده غمی اول ضعیفه زاری

 

نظر سالوب اونون احوالینه دئدی عورت

که بلکه ایلیه آرام او مرد دینداری

 

 دئدی سن آغلاما یوخ چاره سنده آی قارداش

گرک علی اشیدیب- آغلییا بو اسراری

 

سنونکه یوخدی الینده بو شهریده امکان

سن ایتموسن عملونله رضا او داداری

 

صداقتین سنین حددن زیاده دور اما

بو کوفه اهلی گونمزله سن گورن کاری

 

یتیمه بیویه سن ناشناسه لطف ائدوسن

بیزه باخاندا گوزون یاشین ایلو سن جاری

 

دلیلینی هله ده درک ائدنمورم بو ایشین

 خدادن ایستوررم ایله سین سنه یاری

 

او گوز یاشین که آخور قلبیمه وورور یاره

منه گه روشن ایله سن بو غملی رفتاری

 

سنین اوگوزیاشین  بو دردیمی ائدور تازه

او گوز یاشین توکوب ایسلاتما غملی رخساری

 

شریک غم بیزه اولدون بو بارده احسن

او غیرتین سنه قربان دور نموداری

 

سئوالیون دئدی الان جوابین آلدون سن

گنه من اولموشام عشق علی خریداری

 

علینی ایستیینم آنداولا علی جانینا

علینی ا یسته موین قبول ایلوری ناری

 

علی کیمی سنیده ایستورم ته دلدن

قسم او عشقه ائدیب غملی دیلده جداری

 

و اللا ارک ایلیوب سو یلورم گلایه اونا

علیدی جبهیه اسلام  و دین سرداری

 

اوزوم بالا لاریم اولسون فدا او مولایه

منه شیرندی عسلدنده حتّی زهرماری

 

بو سوزلری سو ئلدیم قلبیمون غمی بو شالا

بو اسلامی دینی ساخلوب علینون افکاری

 

اشیدی سوزلری گلدی دیله شه مردان

اما م ایسته دی قانع ائده او بیداری

 

بیوردی حق سنیلندی قصور ادیبدور علی

با غیشلا جرمون اونون بولمویوب بو اسراری

 

طعامیزا سو یوزا من اوزوم کفیل اوللام

یتیم اوشاقلاریوی ایلرم نگهداری

 ===========

علی مثالی سیزه گونده ال یتورم من

لباسه حاجتوز اولسا آلوب گتورم من

 

وئریبدی قول حمایت اوبی کسه مولا

اورکده غصه لری جوشه گلدی چون دریا

 

دئرردی اوز اورونه غفلت ایلیو بسن علی

قصور اولوبدی وظیفه نده ایتمیو بسن ادا

 

 آدین خلیفه الینده کلید بیت المال

خبر یو خون نه چکور خانواده شهدا

 

 

شرافتیندن اوزاقدور که بیر نفر قالا آج

گر ک تلاش الییم یو خسول اولمویا اصلا

 

گجه زمانی چکم باش یتیم و بیو ه لره

یتیمیلر آتاسیز لار همیشه شاد او لالا

 

اووقت شاد اولارام من یتیمی شاد گورم

اوو قت غصه لی اوللام یتیم غملی اولا

 

او رهبریکه سئور ملته ائده خدمت

یتیم و بیو ه لرین بیر به بیر ائوین دولانا

 

اوزونی اوخشادایو خسو للارا فقیر لره

نه اینکه قصریده دربارلرده دائم اولا

 

بو تکلیفی او کسی که قبو ل ائدر دیلدن

گر کدی دیلدن اونی موبمو ائده اجرا

 

رئیس مملکت اولماق وظیفه دور سنگین

گر ک تعهد ائدن عهدینه ائده ایفا

 

ئوزعهدینه الییه عمل ایتسون یتیملرده ده سی

خلاصه آیریلوب اوردان امام دوشدی یولا

 

چالیشدی ایتدی تهیه امیر گردون جاه

بیر آججا بو غدا اونی بیر طبخ دولی خما

 

رطب طبخده الی اوسته اون دا چگنینده

او بیوه  نین ائوینه حمل ائدیبدی شیر خدا

 

قاپونی دویدی گئچو بدور اطاقه خجلتیلن

یئره قو وبدور آپاردیقلارین شه والا

 

بیوردی عورته قسمت ائداخ ائوین اشینی

مواظبت ایله سن بو اوشاقلاری ساخلا

 

گتور دوقوم اونی الان اوزوم خمیرالییوم

سیزه چورک پیشیزریم فوری ای حمیده لقا

=============

علی اوبیوه نین القصه گوگلونی آلدی

خمیری ایتدی مهیا تنوره اود سالدی

 

یواش یواش اوجالوبدور شراره سوزان

لب تنوریدن اتدی شراره سی فوران

 

یوزون دوتوب او جالان شعلیه بیوردی علی

جهنمین اوتونا یانماسان- بو آ تشه یان

 

سن استراحت ائدوبسن یتیمیلر قالو ب آج

دوزر نه نوعیله بودرده صاحب وجدان

 

چتین او ائوده گورو نمشدی بیر اوجاخ یانسون

اولاردا ایستی غذا سفرده یئسونله بیرآ ن

 

او توستی قاخدی گویه شکه دوشدی همسایه

دئدی بولاراچاتوب هاردا ن ای خدا امکان

 

بو مطلبه گوره گلدی قاپونی ووردی خانم

آچوب قاپو سونی اول عورت اولدی چوخ نگران

 

 

دئدی که خوش گلوب الان بیزیده یاد ائلدون

تعجب ایلو یورم گون بو گون چیخوب هاردان

 

اولوبدی وارد خانه اودمده همسایه

علینی گوردی کنار تنوریده حیران

 

سئوال ائدیب بوسوزی فوری خانه صاحبدن

قو ناقوی  تانوسان کیمدی ؟آدین ایله بیان

 

دئدی تانو مورام آدینی خبر آلدیم

منه بیورمادی اما او نابلد مهمان

 

فقط دئدی بوسوزی کوفه ده  غریبم من

تنوری داغ ایلیوبدور بیزه پیشیر سین نان

 

جواب وئردی دایان قوی دئیوم آدین کیمدی

علی ولی خدا دور اورا د مردزمان

 

علی آدین اشدیب قاچدی مطبخه او خانم

دئدی اوزوم بالالاریم آقا سنه قربان

============

گناهمی آقاجان عفو ایله بو گوز یاشیما

جسارت ایله موشم ساحتونده کل باشیما

 

جواب وئردی اونا شهریار ملک حجاز

علینی سن تانیدون کشف اولوندی حیف اولا راز

 

وظیفه دور گرک عذر ایستیه علی سندن

قصور مندن اولوب سنده یوخدی عذره نیاز

 

 

 

تفضّل اولسا الا هیدن ایلرم جبران

 باغیشلیون بولورم غفلتیم اولوبدی بیرآز

 

گلو ب بالا لاریوی بیربیر آللام آغوشه

آتا کیمی دوزرم هر نه قدری ایتسه له ناز

 

قلم سوزی گنه ده ایستوری گریزه چکه

سوزون گریزی اگر اولماسا گوزل اولماز

 

گرک اورک اودونی گوز یاشیم ائده خاموش

دویو نجا آغلاماسام قلبیمین اودی سو یوماز

 

دئیم گرک بوسوزی من علی اعلایه

آقا سنی بشریت تانور یتیمه نواز

 

نوه ن رقیه کیمی نازنین بالا یو خیدی

 خرابه یرده آجوندان ائدردی سوز و گداز

==========

ولی نولیدی گلیدون خرابه شامه

رقیم ئولدی دئیوب زینب ایلیردی فغان

 

دئردی او بالام ئولدی گولردی شام اهلی

شمادته اورا گلموشدی حتّی چوخ نسوان

 

بیر عده کفده چالاردی نئجه یازوم بو سوزی

گرک منی اوزی عفو ایلیه امام زمان

 

دئمزدی بیر نفری آغلاما خانم صبرایت

مریض بالاوی خانم  قویما چوخ اولا گریان

 

 

خدا نکرده او ئولسه سنین ائوین ییخیلار

امام دور سیزه هم کل عالمه سلطان

 

صبا گرک یتوره بو پیامی زهرا یه

بالاوا گل کمگ ایله  خانم سنه قربان

 

گر ایسدیسن او ربابین غم دلین آلاسان

آپار گیلان اونابیر گاهواره زهراجان

 

دوشونه سود گلوب یوخ اصغری امیشدیرسین

گجه زمانی ساغار تپراقا ائدر پنهان

 

بو مطلبی یازورام فاطمه گوزوندن ایراق

منی گرکدور اوزی عفو ائده شه مردان

 

بیله بیوردی خانم کو فه نین جما عتینه

اولاندا وارد کوفه اسیر لر او زمان

 

کیمین قو جاقیده وار طفلی فوری گز لدسین

 رباب گورسه اولار قلبی بیر دفعه القان

 

گورنده هر اوشاقی سود امور نوازشیله

دو شور یادینا علی اصغری اولور نالان

 

هامی یاتاندا دویار آغلییار دئیر اصغر

قو جاقه گل بالا اولسون نه نه ن سنه قربان

 

سنین اوقانین اوغول زنده ایتید ی قرآنی

او قانیلن بالا پاینده دور الان قرآن

 

مین اوغلوم اولسا اگر فدیه دینه قرآنه

گنه ده شکر ائدرم قو یمارام سینا پیمان

 

عرو س فاطمه یم من اونون یولون گئدرم

بو عهد و پیمانیما قو یمارام یته نقصان

 

گورنده مردمی من سو یلرم علی لای لای

حسینیمه ولی خلوتده آغلارام هر آن

 

گئدینجه قبر ائوینه آغلارم حسینیمه من

تلاش ایلییرم عشقه یتمیه نقصان

 

خانم بالان جانی سن  ایسته حی اعلادن

بو یادگارینین  طبعی اولا همیشه روان

 

بوشعری شاد اولا روحی اوانورین بیو روب

من آتموشون  اولارین بوردا ایتموشم عنوان

 

اضافه لتموشم من  دوباره آتموش بیت

خدادن ایسترم اولسون او نون یئری رضوان

 

ولی من الهام آلوب شعرین ایتدیم استقبال

اونون اثر لر ی بوشعری شعر ادیبدوراینان

 

 

هفته معلم واشاره به برنامه های یکانات

سالروز شهادت استاد شهید مطهری هفته معلم

و تقدیر تشکر از حجت السلام و والمسلمین

حاج آقا سید نوح یوزباشی که برنامه لایو به نام

یکانات یوردی راه اندازی نموده اند در استان زبانزد

مردم گردیده و این  هفته معلم را به تما م معلمان و

بخصوص معلمان منطقه یکانات هر کجا هستند

تبریک عر ض میکنم –اجرکم عند الله

==========

ای جامعه نین بهترین انسانی معلم

باغ ادبین سو ملی باغبانی معلم

خد متلریوین ارزیشی جنّات برین دور

استاد الیین طفل دبستانی معلم

=============

خدمتلرین ایرانیلارین باشین اوجاتدی

تبلیغین اثر قویدی یاتانلار ی اویاتدی

تانک آتدا گئدیب طفلی که حق جبهه ده یاتدی

ایتمیشدین  حقیقت یولونی سن اونا تعلیم

تانک آتدا یاتوب –ایلمه دی دشمنه تعظیم

 

الهامین امام- درسینی سن -شیرین آناسی

وئر میشدی حلال نان ونمک بسکه آتاسی

حق جبهه ده اسلام دینین اولدی فداسی

رهبر دئدی رهبردی بیزه بو گل پرپر

تانک آتدا یاتوب سویلدی اللاهیدی اکبر

 

ای قطع الیین ریشه الحاد و نفاقی

زحماتیویله روشن اولی  علم چراغی

ارشاد ائدوسن مدرسه ده خردا اوشاقی

واجبدی سنین حر متین هریاندا معلم

ارزنده ترین فرد سن ایراندا معلم

سعی ایله گوزل مکتبی انسان گتی باره

قویما بو تازا گوللری تسلیم اولا خاره

صاق صول چیلار انگ ا اولالا بیرده دوباره

خوف ایله مه روق لطف حق داوریمیز وار

مهدی کیمی عالمده بیزیم یاوریمیز وار

 

واللاهی عبادتدی سنین درس کلاسین

چوخ بنیه لی و –محکم-عدالتلی اساسین

سن اسدیریسن اسلام و قرآن لواسین

کسگیندی سوزون بسکه اوسوزلرده کسر وار

تعلیمیله هم تر بییتینده چوخ اثر وار

 

سن سن یتورن عرصه ده مین بوذر و سلمان

امثالی اولارین اولوری باکری چمران

تحصیل ایلیین بلی اولار حضرت لقمان

نابود الییوب  ذلتی عزت گتورن سن

سن روح خدا –خامنه ای رهبر یتورنسن

 

سن باکری چمران سلیمانی بویوتدون

سن علمیله بدعتلری تفریطلری گوتدون

سن دنیادا اوز مقصدو منظوریوه یتدون

بیر عدده ای بو نعمتی کفران الیللر

حتّی سنه ده عدده ای  بهتان سولویللر

 

ظلمتلری علمیله چراغان الییوبسن

زحماتیویله ایرانی رضوان الییوبسن

بو نهضت اسلامه فدا جان الییو بسن

هر عصریده سن شوریله نهضت یارادانسان

غفلتده یاتا ن کسلری حتّی اویادانسان

 

بو علمی که تابان اولوری ایندی جهاندا

هر درده اولور چاره باخاندا بوزماندا

احسن گئدیب او علملری بلی تاپاندا

پیغمبر اکرم بویوروب قیمتی واردی

گاهواردن اول قبره کیمی فرصتی واردی

 

بو مطلبی بیر کیمسه سئوال ایله سه مندن

بیر فرد برازنده دئنن سن بو وطندن

تعریف ائدرم آند اولا  وجدانیمه سندن

سن عشقیده  استاد سان آگاه معلم

وئرسین سنه توفیقینی الله معلم

 

شغلی که معلم بگنوبسن ته دیلدن

افضلدی اوشغلون سنین هر یاخشی عملدن

سن ایلموسن دوز یولی تعقیب ازلدن

سن انبیانین یو للارین الحق گئدن سن

سن انبیالار تک بشری ارشاد ائدن سن

 

شغلوندی سنین دنیادا تعلیمله ارشاد

سن سن الیین دیللری هر غصه دن آزاد

سن سن ئولی دیللرده حماسه ائدن ایجاد

سن شمع کیمی یانماقا آماده اولوبسان

علت اودی کی دهریده پاینده قالوبسان

 

ای  عشقیله جا نیله ایدن ملته ایثار

غبطه الییر شا نیوه مر دا ن فدا کار

لطف ایلیوب الله سنه چوخ صبریله رفتار

صبریندی سنین در یا او در یاده او زن سن

زحماته تحمل الییوب حتّی دوزن سن

 

اوللارکه ائدر اختلاس و احتکار الان

اوللارین اولار جایگاهی حشریده نیران

دردیله بلان گلسین اولارا گل رضوان

امکانی یوخ بیر معلمی- میلیادر اولسون

معلملره اول عده باخوب دق ائدیب ئولسون

==========

اختلاس ایلیین ایرانیده هر یانیده دی

اوللرین اعوانی اوتریشیده آلمانیده دی

آفتافا اوغرولاری گوشه زندانیده دی

قویگیلان سوز بیله قالسون قانانلار قاندی

معلمین احوالینابلی یانانلار یاندی

==========

جان ایلییرم مکتبی معلملره قربان

خد متلری ایرانیمیزی ایلدی رضوان

ایراندا شهید اولدی بوگون معلم قر آن

ئو لمز ایله انسانلار ائدیب  ملته خدمت

ایلوبدی سعادت یولونا امتّی دعوت

 

سن یادگار اولده گل اور دئینین ادا قیل

او یازدیقیوا ایله عمل  عهده وفا قیل

سن بو یکانات یوردی که وار  بوردا د عا قیل

سید نوحون تقدیر ایله بو شعرده اوزوندن

فرق ایلمز بوردا اگیل اوپ اوردا یوزوندن

 

گلدین او گئچن ایلده کریمیله یکانه

طر حی که اولار توکموشیدی اولدی یگانه

بو ایل کرونا الده ولی  اولدی  بهانه

برنامه ای  که  لایو  آدی  دور اوندان آز اولماز

سویلوبله که قیش چیخماسا هیچ موقع راز اولماز

 

بیرگون بوکورانا دوشه جاخ قو خما ایا قدان

استادکریمی  گله جاخ  بلی اوزاقدان

تالاراولاجاخ مملو اوگون حتی قوناقدان

معلم گونونی اوندا  شکو هیله دوتاللار

غم – غصه نین حتما داشینی اوندا اتاللار

==============