یاحضرت معصومه یتیش داده اماندور
-----------
اای تالیِ زهرا که آدون فخر زناندور
غبطه ائلین درگهووه ملک جناندور
ایله نظر ایرانه اؤرکلر دولی قاندور
مدّتدی که بیر عدّه نین احوالی یاماندور
یاحضرت معصومه یتیش داده اماندور
---------------
سن نازلی رقیّه کیمی زهرایه مثل سن
سن جلوۀ نورانیِ خورشیدِ ازلسن
فریادگرِ حیّ عَلی خَیرِالعَمَل سن
شیعه سنه محتاجیدی چوخ غملی زماندور
یاحضرت معصومه یتیش داده اماندور
-----------
ای علمی مُبَرهَن هامی عالملره اعلم
موسی قیزیسان مُلکَ نجابتده کی مریم
لطف ایله ئوزون بو یارالی دللره مرهم
چوخلار بیلوسن که صاباحیندان نگراندور
یاحضرت معصومه یتیش داده اماندور
--------
یوزده هامی زاهددی عمل یوخدی خفاده
بیت المالی بیت الحال ائدوبدور گدازاده
قاضی پول آلیر هدیه آدیندا یته داده
هدیه سایلور رشوه که معناسی عیاندور
یاحضرت معصومه یتیش داده اماندور
--------
بیر عدّه اروپایه گیدیر عیشیده قالسین
بیر عدّه سوور فرش طلا قصرینه سالسین
بیر عدّه ساتیر کلیه سینی تا چؤرک آلسین
آل وئردی بو یا درده سالان آه و فغاندور
یاحضرت معصومه یتیش داده اماندور
از بسکه دغل وار قالوب اعساریده دوزلر
ئوز گوردیگینی باور ائدنمور داخی گوزلر
تشخیصی چتیندور دوز اولا اولمیا سوزلر
خادم دئیولور خائنه که اصلی یالاندور
یاحضرت معصومه یتیش داده اماندور
اعماله ریا قاتدیلا زحمت هدر اولدی
بازاره ربا یایدیلا سوز بی اثر اولدی
یوخسول یورولوبدی گونی گوندن بتر اولدی
کم کم ایتیریب بیلمدی که قبله هایاندور
یاحضرت معصومه یتیش داده اماندور
ویلاسی یوخیدی ولی مولائیدی حیدر
فرق ایلمه دی حیدره ئوزگِیله برادر
دیناره ساتور دینی بیزیم پینه جبین لر
جُمعه نامازیندا چوخی اَوَّلده دوراندور
یاحضرت معصومه یتیش داده اماندور
بوکلمه ایکه عرض ائدورم واردی دلیلی
مولا نئجه سالدی یولا قار د اشی عقیلی
دنیا اودی مولانین اولوب ایندی دخیلی
بوعدل وعدالت دی هایاندا تاپولاندور
یاحضرت معصومه یتیش داده اماندور
بو شمع عدالت اولا هیهات دافراموش
مولا نه دور علت ایلدی اول شمعی خاموش
طلحیله زبیرله نئیه او ایتمدی سازش
لازمدی دگی شرحی بونی هاممی تانییاندور
یاحضرت معصومه یتیش داده اماندور
بیرعده گجه یاتماقینا یئر تا پا بولمور
حتی چورک اولادینا پول یوخ آلا بولمور
بیر عده ای مسئو لاریمز وار نئیه ئولمور
غفلتده یاتور دوبلا هاچان بس اویا ناندور
یاحضرت معصومه یتیش داده اماندور
بیرعده ای ظاهرده بشر با طناایتدی
بیت المالی غارت ایلیوب خارجه گتدی
بو احتکار و اختلاس ایرانی داغتدی
ایرانی اولار دشمن قرآنه ساتاندور
یاحضرت معصومه یتیش داده اماندور
اوللار بهالیق ایجاد ائدندور بووطنده
صد قیله صفا اولماز عزیزیم قان ایچنده
من مرگ دئیوم تکرار ائدیب امّا دی سنده
آینده دن چوخلاری وار الان نگراندور
یاحضرت معصومه یتیش داده اماندور
اوغلان تانورام سنی یتوب قیخ بشه الان
قیزدا تانورام باش آغاروب دل دولی القان
حاجی تانورام عمریه هرایل گئدی مهمان
همسایه سی واراما که محتاج دوناندور
یاحضرت معصومه یتیش داده اماندور
بوبیتی کلامی بیویوبدور-سوزی غم دور
هرکیم بوله همسایه سینین روزه سی کم دور
والله اونون احسانیده اسلامه ستم دور
احسان دئمه بلکه اونا بیرنوع دکاندور
یاحضرت معصومه یتیش داده اماندور
تسبیح ومناجات اولار جاری دیلنده
بیت المالی چاپسون چپاجاخ واردی بلینده
تنگه گلوب رهبرده بو بی دینلر الینده
چاهه دئیر اوز دردینی بو غمده یانا ندور
یاحضرت معصومه یتیش داده اماندور
ظلمونده بوگون عده ای وار ایلوری طغیان
مقصدلری تنهابودور ایران اولا ویران
رسواائده جاخ اوللاری دنیا ده شهیدان
نیران گوره جاخلار اولارا اوردا مکاندور
یاحضرت معصومه یتیش داده اماندور
بو اختلاسین قوخموری اوللار خطریندن
جنت جهیمی اوللار آتوبدور نظریندن
باخماز لار آخاریاش چوخونون دیده لریندن
سویلله بیزی بو ایشه شیطان سالاندور
یاحضرت معصومه یتیش داده اماندور
شیطاندا معطلدی بوافرادین ایشیندن
آمریکا اوزی ماتدی بولارین روشیندن
جانه گلوب ملت بولارین قانلی دیشیندن
قود- دور بوخبیثلر بولارین دیشلری قاندور
یاحضرت معصومه یتیش داده اماندور
وئردی شهدا قان ثمرین اوللار آپاردی
میلیاردیلاری بعضیسی بیرگونده تاپاردی
آج قود کیمی بو ملت مظلومی بوداردی
مظلوملارین آهی اولاری حتمی دوتاندور
یاحضرت معصومه یتیش داده اماندور
گر یازمویام آخرده بونی قلب ورملر
کفران الییر نعمتی ایمانلار ی کملر
سویللر نئدور اوردا مدافعان حرملر
هر کیم دئسه بو کلمه نی واللاهی ناداندور
یاحضرت معصومه یتیش داده اماندور
اولارین اولوب قانلاری آرامیش دولت
اوللارین اولوب ایشلری آسایش ملت
اوللارین اولوب ایثاری افزایش غیرت
داعشلری سوریه دن اوللار چیخاداندور
یاحضرت معصومه یتیش داده اماندور
من یادگارام سویله مویون شعریده آزدوم
بیر عده لرین شعریمله قبرینی قازدوم
بیدق دارین اشعاریدی تعقیبی یازدوم
بو شعرده یالان یوخدی حقیقتلی بیاندور
یاحضرت معصومه یتیش داده اماندور
