ولادت حضرت معصومه - ای ائدن درده دوا معصومه
ولادت کریمه اهل بیت حضرت معصومه
==========
ای ایدن درده دوا معصومه
سنه عشاق فدا معصومه
شیعه سسلر سیزی هر مشگلده
آدیزی هک ئدیب الله دیلده
افتخار سیز بیزه سیز ایراندا
فخر ائدر اهل و طن هر یاندا
دایاخ اولدور بیزه سیز بحراندا
بو ایکی یئردی بیزه باب شفا
قمدا سن شهر خراساندا رضا
فقرا حجی دور او قبرلریز
آب کوثردی بیزه نهر لریز
لطفوز ایلوبدی بو ایرانی عزیز
یاشهادت گونی یا میلادیز
نئچه میلیون تن اولی زواریز
سنه هم قارداشیوا جان قربان
وطنی ایله میسوز سیز رضوان
بو ولادتده بیزه قیل احسان
سیز سر افرازائلدوز ایرانی
سر فکنده ایلدوز شیطانی
تیکمیشوخ گوز سیزه بیز ایراندا
چاغورار شیعه سیزی هر یاندا
دئیریوخ دردیمزی بحراندا
بو سوزی قارداشیوا سویلویه سن
بیزیده آهو حساب ایلیه سن
سلفی تکفریلن داعشلر
شیعه نی یخماقا اوللار ایشلر
داعشه آل سعو د پول خشلر
داعیشین حامی سیدور آل سعود
من سعودی دئمرم تخم یهود
نه حالا سالدی سعودی یمنی
زینبون زوارین آغلاتدی دنی
شیعه نی ناگران ایتدی علنی
زینبه عد ه ای جان ایتدی فدا
قبر زینبدن اولار ایتدی دفا
چون آتان باب الحوائجدی سنین
حل ائدر مشگو لونی شیعه لرین
دوتموشوخ حضرت کاظم اتگین
لطف ائده ددلره درمان الییه
مشگلاتی بیزه اآسان الییه
یوخدی هجرانه دوزوم چون بیزده
یازاروخ عرضه سیزه تبریزده
بولوروخ واردی کرامت سیزده
سیزده بو جمعی خانم یاد ائدسوز
بو لارین قلبلرین شاد ائدسو ز
چو خلاری شانیوه شعر یازدی خانم
صله الدی اوکه دوز یازدی خانم
هر نه یاز سام سیزه من ازدی خانم
یادگاری قاپوزون نوکریدی
خاک پایوز باشینون افسریدی
