اربعین = عشقیده ناقص اولان کسلره عاشق دئمرم
اربعین
----------
عشقیده ناقص اولان کسلره عاشق دئمرم
امتحان وئرمییه نین آدینا لایق دئمرم
تابع نفس اولانا بنده خالق دئمرم
هریریندن دورانا عاشق صادق دئمرم
یاگرک عاشقم عالمده خطاب ایلمییه
یاگرک معشوقی هر نه دئسه لا سویلمییه
عاشقم چوخلاری سو یلوبدی گلوب مدرک الا
امتحاندان ولی رد اولدی اولار قالدی دالا
خطر احساس ایلین وقته دوشو ب حالدان حالا
عاشق اول کسدی حسین تک آدی دیللرده فالا
معشوقون خاطرینه هر نه وارین فدیه وئره
هریئره باخسا فقط معشوقونی اوردا گوره
عاشق اول کسدی که دنیانی بوتون گوزدن آتا
عاشق اول کسدی که خون دلینی اشگه قاتا
عاشق اول کسدی کسیک باشی کولون اوسته یاتا
نیزه نین اوسته باشی داشلانا القانه باتا
جان عالم اولا قربان آقامون ایثارینا
اربعینلرده اوتوزمیلیون اونون زوارینا
عد ه ای واردی که عشق آدینا دیوانی یازار
ایلر عاشقلره توهین اولار هذیانی یازار
عشقی تحقیر ایلییر عاشقه بهتانی یازار
لیلینی مجنونی – حتی که ذلیخانی یازار
تعریف ایلر کرمی - اصلینی منصور لری
بولمورم اوللارین آیا نه دی منظورلری
من ذلیخا کیمی انسانلارا عاشق دئمرم
کلمه عاشق آدیله اونی من سسله مرم
بیر نفریازسادا شعرینده قبول ایله مرم
عشقه خاطر یانارام کول اولارام گوینه مرم
ظلمدور جر گه عشاقه ذلیخانی یازاخ
عشقین استادی قالاطفل دبستانی یازاخ
عشقین استادیدی زینب اوزی منبای کرم
منه بوشعریده زینب اوزی لطف ایلدی دم
اونا عاشق یاراشار تنها مدافعان حرم
منه هرکیمسه دئسه شعرده غلو ایله مو شم
تانیاخ هر کس اولا زینبه اهریمندی
نه خانم زینبه حتی منه ده دشمندی
نفسِ شومیدی ذلیخانی ائدیب بیگانه
وئردی معشقونی گوردک نئچه ایل زندانه
گل قضاوت ایله سن بول شرفین فرزانه
اعتقادین بوسوزه اولماسا باخ قرآنه-
یوسفه سویلدی بهتان نجه طغیان ایلدی
اون بش ایل یوسفی محکوم به زندان ایلدی
چوخ تلاشلارایلدی یوسفین ایمانین آلا
گر قبول ایلمه سه مکرینی زندانه سالا
آبروسین آپارا مصریده بدنام او لا
یوسفی عشق خدا قو یمادی مشگلده قالا
عشقه باخ قصری آتوب قبول ائدیب زندانی
اللاها قائل الان نفسین اولار قربانی ؟
عده ای تحقیر ائدیرعشق آدین اشعاریندا
سکه عشقی اوجوز خشلوری بازاریندا
تفریط افراط الییر شعریده گفتاریندا
بو للارین عشقی گرک دوریازاایثاریندا
حججی لر آدی اشعاره گرکدور یازیلا
بعضی آدلار دا گرک شعریدن از دم پوزولا
عاشق صادق اودور معشوقا دیلدن اینانا
معشو قون خاطرینه چوللری ویلان دولانا
خاطر معشوقی هر ظلمه گر کدور دایانا
محمله کوفه ده باشین وورا قانه بویانا
کربلانی شهدا قانیدی گلزارایلدی
زینبین خطبه لری دنیانی بیدارایلدی
زینب عاشقدی نه بیرعده یازارهذیانی
تاجهان وار اولاجاخ ایثارینین اعلانی
ایکی اوغلون ایلدی قارداشینین قربانی
عدنیده شاد ایلدی اوز آناسی زهرانی
هرایکیسین ایلدی قارداشا بیرگونده فدا
شهدادن دئدی قو یمام بو للاراولسونلا جدا
شامیده کوفه ده حقا خانم ایثار ایلدی
مجلس شا میده سجادی نه گفتار ایلدی
آل سفیانی او مجلسده دوروب خوار ایلدی
دئیه بوللم که یزیدین گونوزون تارایلدی
هامویاروشن اولوب اوردایزیدین مکری
ایله بول فاطمه رسوا ایلدی بوبکری
اولدی شرمنده دئدی گوگلوزی قالساز آلارام
سیز اوچون شامیده بیر عالی عمارت سالارام
وطنه گتماقوز اولسا گنه قانع اولارام
احترامیله سیزی حتی یولا من سالارام
کعبه عشقی طواف ایتماقا پوزقون حاجیلار
قارداشین قبرینی گور ماقا گلوللرباجیلار
پرچمی الده خانم اولدی کفیل اسرا
قیخ گون اتمامه چاتوب قسمت اولوب کرببلا
او فراتین سویونا با خدی دئدی ایله حیا
گو زونون یاشی آخوب عرض ایلدی میرهدا
اهل عیالین دور حسین مجلس تر حیمه گلوب
گوزلری یاشلیلارین قبریوه تعظیمه گلوب
دئدی گوردوم باشیوی یاره لنوب کوفه ده من
منده اوز با شیمی یاردیم اودور ای شاه زمن
عشق زینب سنه که - ثابتیدی اوّلدن
آیریلا معجریمی قویمادوم اما سردن
بو مصیبتلریله حفظ حجاب ایله موشم
هاردا دا فرصت اولوب حقی خطاب ایله موشم
کوفه که شهر علی رایجدی اززلدن
خارجی کلمه سی سالدی باجون اما دیلدن
باشیمی قاوزادوم اول دمده حسین محملدن
مطلع ایلدیم آغلاشدی هامی نسگلدن
مطلبی بولدی اولار حاضر اولوب انقلابا
لرزه دوشدی اوزمان هیکل ابن زیادا
باجیوی چکدی سنین عشقین حسین گوردون هارا
من هارا کوفه هارا مجلس اول شوم دغا
سویله دیم فاتحم هنداوغلی سنه گتمه خطا
گئیدیریبسن بیزه سن گرچه بوگون رخت عزا
من اسیرم اوبا شا سن اونی الان ووروسان
خیزران الده عناداوسته ولیکن دوروسان
یابن مرجانه دئدیم رحم ایله بو گوز یاشیما
باجیسی فدیه اولاکاش حسین قارداشینا
خیرزران ورما اونا وور گیلازینب باشینا
زهرمار قاتما گیلان بو اسرانین آشینا
او باشیله بولوسن عهد و وفا باغلامشام
ذبح ائدن وقته اونی شمر لعین آغلاموشام
سنه توهین الیین وقتیده اول دیوانه
دئدیم عار ایت پسر ناخلف مرجانه
آل اطهاری حساب ایلیوسن بیگانه
بلموسن نیلموسن - عترتیله قرآنه
اودیدی دینمه گیلن صاحب اجلاس منم
سو یلدیم ایله حیا خواهر عباس منم
خام خیال ایلوسن ای شوم بودوران قالاجاخ
قدرت حق سنین قدرتین الدن آلاجاخ
هم امیرین هم اوزون دهریده رسوا اولاجاخ
سیزی تختدن بو رفیم یئره ظالم سالاجاخ
شامی قیزلاری اونا هرنه گتوردییئمدی
دئدی عمه ئولورم بی کسه دردیندئمدی
ولی آنداولسون حسین عزتیوه غیر تیوه
جانیمی وقف ایلدیم من اوگوزل نئیتیوه
قو یمادیم ضربه وورا شوم و دغا نهضتیوه
اربعینده نئچه میلیون گله جاخ خد متیوه
بیر علم قاوزاموشام حشره کیمی یاتمو یا جاخ
تاجهان واردی سنین قانین حسین باتمو یاجاخ
ایتدیلربیزلری وارد اموی درباره
او معاویه بی دین دو زه دن آثاره
وقتی که باخدیم اوبی شرمیده پیس رفتاره
قان جوشوب گتدی منی اوردا حسین گفتاره
تکیه اوز تختینه ایتمیشدی او بی شرم یزید
خیرزران الده اوتورموشدی اوبی شرم یزید
اولین ضربتی که ووردی اوظالم دوداقا
اولمادی حرمتی قائل اوز ائوینده قوناقا
منده یافاطمه سسلوب ائله دوردوم ایاقا
خجلتیندن باشینی سالدی او ظالم اشاقا
سویلدیم ای طلقازاده نین اوغلی گل اوتان
اوحسین ابن علینین باشی دور سن ووروسان
بو لوسن کیمدی حسین ابن علینین آناسی
مجتبی دور بو حسین ابن علینین اخاسی
مرتضی دوربو حسین ابن عینین آتاسی
مصطفی دور بو حسین ابن علینین باباسی
باباسی ختم رسل دین ائوین آبادالییوب
باباوی حتی اونون باباسی آزاد الییوب
دئدیم شرم ایله گیلن انسان اقلا اوتانی
بالانین کیم وورارعالمده یانیندا آتانی
رحم ایله وورماگیلان لبلرینه خیزرانی
عاشق اول کسدی حسین تک آدی دیللرده فالا
بیزی تحقیر ائله ماقیدی سنین شوم هدفین
آند اولا اسلاما قرآنه دینه یو خ شر فین
لطف ائدر هر زادی الله همیشه سئونه
بیرده کی حکم خدادن دوز اطاعت ائدنه
نه دور علت الییوب لطفونی الله سنه
هاردا لطف ایلییرالله دی گوروم ظلم ائدنه
بیر بیله ظلم ایلیوبسن اونی بیزسهل سایاخ
سئوور الله سنی هایدان دئگیلن بیزتانییاخ
دئدیم شکر ایلرم اللاهه سرافرازم من
باش یارا قول یارا بیر افسرجانبازم من
جانینی فدیه ائدن دینینه سربازم من
زینبم کر ببلا شاهینه هم رازم من
مجلسینده سنه بو مطلبیمی قاندیرام
گر آچیخ اولساالیم بوینوی من سیندیرام
قورخ اوگوندن بیزه جبریل امین یاوراولا
قوولامحکمه الله آرادا داوراولا
سنیلن حرمله اولا –منلن ده علی اصغر اولا
بیرده اول محکمه ده شمر جفا پرور اولا
فاطمه مدرک الینه قاباقیندا دایانا
یئرین اوستن گویون آتدان قاچا جاقسان هایانا
چوخ سفیری اوزمان اوردا حسین حاضریدی
حتی چوخلاری باخوردی بوایشه ناظریدی
روم سفیری نه دئدی اوردا دئیم من یئریدی
باشیوه فدیه اولانلاردان او کسده بیریدی
دئدی توپراق دولا ای کاش یزید گوزلریوه
بیزنئجه باور ائداخ بوردا یالان سوز لریوه
یاغی سن سن دئدی اوز مکتبیون رهبرینه
خارجی آد قویوسان بوردا اونون ائلرینه
ووروسان زخم زبان بوردا یانیق دیللرینه
سویلوسن خار حسینون بو قیزل گللرینه
منقلب ایلدی اوردا هامونون احوالینی
وئردی دستور توکون تیز بونون الان قانینی
او شهید اولدی ولی حقین اخا بو للندی
مجلسه ولوله دوشدی هاموسی دیللندی
صوت قرآنویله صحن و سرا گللندی
هامویا روشن اولوب حق حسین سنلندی
هر زادی گوردی وئریبدور او لعین اوردا بادا
هی دئدی لعنت اولا دنیادا ابن زیادا
اومقصردی دئدی حقه قسم بو عمله
ایله سین اوایشی جبران ائدردی عجله
وئردی دستور طلا مجلسینه فوری گله
بو سینان قلبلری سعی ایلدی آلسون اله
گتدی بیر کیسه طلا بیزلراوچون شوم وپلید
خون بهابیزلره ورسین او زنا زاده یزید
سویلدیم ای طلقازاده اوتان ایله حیا
بیزه لازم دگی دنیاده یزید ایند ی طلا
زر و زیورله اگر دولسا یزید عرض سما
اولارعباسین اوزون قولارینا آیا بها؟
ایشی بن بسته یتوب بی حیا فریاد ایلدی
اولدی مجبور اودنی بیزلری آزاد ایلدی
وئرورم شعری رقیه آدیله پایانه
اونون عشقی منی والله ایلیوب دیوانه
ایستورم من بوله لر کیمدی بوبیر دردانه
گرک اعلان اولا بوسوز یاریلا هریانه
سو یلدی تاکه ساغام راه حسینی گئدرم
عمه مون آبرو سین دنیادا من حفظ ائدرم
یادگاری بوسوزی شعریوه یازایله بیان
چوخ تلاش ایلدی شامی آلا مولای جهان
ولی بو سری دئنن سن هامی بولسون بو زمان
قوی گیلان حظ ایلیه شعر لریوی شعراوخویان
شامه ال تاپمادی مولا بونی یازسون قلمین
شامیده نصب ایلدی اما رقیه علمین
============
