هانسی گرو هون بیله سالاری وار - شیعه لرین حیدر کراری وار= صادقی -یادگاری
هانسی گروهین بئله سالاری وار= شیعه لرین حیدر کراری وار
========
کیمدی علی عارف ذی جاهیدور خلقتین اسرارینه آگاهیدور
شانی بویوکدور اسد الله یدور ملک ولایتده شهنشاهیدور
نوریدن افلاکیده درباری وار=هانسی گروهین بیله سرداری وار
شیعه لرین حیدر کراری وار
کیم اونی قبول ائده ایمان تاپار –مرده چاغورسا آدینی جان تاپار
اوددا خلیل اولسا گلستان تاپار – خضر گزر چشمه حیوان تاپار
احمدیله عرشیده گفتاری وار - هانسی گروهین بیله سرداری وار
شیعه لرین حیدر کراری وار
عرشه گئدیب چاتدی اوگون مصطفی-اوردا دانشدی اونیله مرتضی
خالق اعلا بیویوب مرحبا –جانلار اولا بیله امامه فدا
هرزه علف بیچماقا تیز داسی وار - هانسی گروهین بیله سرداری وار
شیعه لرین حیدر کراری وار
یوم ولایت دی غدیرین گونی-یوم اطاعتدی غدیرن گونی
حیدره عزتدی غدیرن گونی –دشمنه ذلتدی غدیرین گونی
درک الساخ آیری بیر اسراری وار- هانسی گروهین بیله سرداری وار
شیعه لرین حیدر کراری وار
بوگونه یوخدور هله بیرگون چاتا –حیفدی غفلت ائده انسان یاتا
افراط و تفریط الییه دین ساتا –مردمی محفلده گله آغلاتا
هر کس اولا دینیله پیکاری وار- هانسی گروهین بیله سرداری وار
شیعه لرین حیدر کراری وار
حضرت اوصحراده به امر جلی –جانشیمدوربویوربدور علی
هامی گلوب وئر دیله بیعت الی –یعنی علی دور بو دینین اکملی
فخر ائده امت بیله سالاری وار - هانسی گروهین بیله سرداری وار
شیعه لرین حیدر کراری وار
حججا امر ایلدی ختم رسل- کیم منی مولا بولور ایتسون قبول
نائب حق دور منه بو عشقی فول –سو یلویر هذیان بیر عده فیضول
چون اولارین شرمی نه ده عاری وار-هانسی گروهین بیله سرداری وار
شیعه لرین حیدر کراری وار
عده ای بیعت ایلیو ب داندیلار –اوللارا انسان دئمه ناداندیلار
سیندیریب عهدی ایله تاو لاندیلار – دینلری یو خ فاقد ایماندیلار
اسلام ودینین نئجه کفاری وار - هانسی گروهون بیله سرداری وار
شیعه لرین حیدر کراری وار
سیندی اوبیعت نئچه گوندن صورا-اولمادی افسوس اولاردا وفا
جنتی آتدی چوخی گتدی نارا –قلب رسول اللاها دگدی یارا
گور بو دینین سن نئجه اشراری وار - هانسی گروهین بیله سرداری وار
شیعه لرین حیدر کراری وار
عارف اولانلار سوزومی آنلادی-نقصانی بو دینده دئدی قالمادی
من کیمه مولایم علی مولادی-حیف او گونی کیمسه یادا سالمادی
اوللارا تای ایندیده اغیاری وار - هانسی گروهین بیله سرداری وار
شیعه لرین حیدر کراری وا ر
نیلدی ایرانیده گور اختلاس –چو خلار آتوب حقی اولوب نا سپاس
خارجه بیت المالی ایلوله پاس –اوللارا من سویلرم خناس ناس
شیطانین اوللارکیمی همکاری وار - هانسی گروهین بیله سرداری وار
شیعه لرین حیدر کراری وار
احتکارین ظلمی چخیب داغلارا – ارزاق ملت وورولوب انبارا
لعنت اللهء- گله اوللارا-گو رچاپو ب ایرانی قاچو بلار هارا
خارجه ده گور نئچه درباری وار- هانسی گروهین بیله سرداری وار
شیعه لرین حیدر کراری وار
عید غدیر عید لرین اعظمی –کیم سئور ی اولسون علی همدمی
شادایله سین قلب رسول اکرمی –اوللارین عشقی منه وئر دی دمی
سن بو طبعین گور نجه رفتاری وار - هانسی گروهین بیله سرداری وار
شیعه لرین حیدر کراری وار
شادلیخ ائداخ بیز نه قرا باغلیاخ –عید غدیرده نه گلوب آغلیاخ
دشمن دینین اورگین داغلیاخ-رهبریله عهد وفا باغلییاخ
اسلامین هر یئرده طر فداری وار - شیعه لرین حیدر کراری وار
شیعه لرین حیدر کراری وار
جانیم علی جانینه قربان اولا – روحیم علی روحینه قربا ن اولا
عشقیم علی عشقینه قربان اولا – شیعه لری راهینه قربان اولا
شیعه لرین گورنئجه غم خواری وار- هانسی گروهین بیله سرداری وار
شیعه لرین حیدر کراری وار
کیمدی علی ؟ تیغ دوسر صاحبی -زبده مبارزدی هنر صاحبی
تک دئمه دعواده ظفر صاحبی -بلکه مولف دی اثر صاحبی
نهج بلاغه کیمی آثاری وار -هانسی گروهین بیله سرداری وار
شیعه لرین حیدر کراری وار
-خلقه وئریب درس شرافت علی- شه لره اورگتدی عدالت علی
-اولمادی پابند ریاست علی- قلبلره ائتدی حکومت علی
گور نه قدر ایندی طرفداری وار-هانسی گروهین بیله سالاری وار
شیعه لرین حیدر کراری وار
ای قلمیم صدقیله عنوانی یاز - مدحت شاهنشه مردانی یاز
خیبری فتح ائتدیقی جریانی یاز -ذکر ائله یا فاطمه ؛دیوانی یاز
چون خانیمین دست مدد کاری وار-هانسی گروهین بیله سرداری وار
شیعه لرین حیدر کراری وار
غزوه خیبرده نبی پیر حق- امر ایلدی یا علی ای میر حق
آل الیوه قهریله شمشیر حق- تا گوره لر عرصه ده ای شیر حق
سن کیمی اسلامین علمداری وار- هانسی گروهین بیله سرداری وار
شیعه لرین حیدر کراری وار
امره اطاعت ایلدی بو تراب -عرصه ده فورا یارادیب انقلاب
پوزدی یهودین سپهین اول جناب-سسلدی دین پایه سی اولماز خراب
راس ده چون احمد مختاری وار- هانسی گروهین بیله سرداری وار
شیعه لرین حیدر کراری وار
مرحب او دم آگه اولوب مطلبه- بیلدی دوشوب لشکری تاب وتبه
قلعه نی ترک ائتدی مینوب مرکبه -عرصه ده باخدی او شه اطیبه
گوردی عجب قامت ستواری وار- هانسی گروهین بیله سرداری وار
شیعه لرین حیدر کراری وار
مرحب ئوزی جنگده مشهوریدی- بیر یل گردنکش و پرزوریدی
قدرت بازو سینه مغروریدی -ظالمدی چشم دلی کوریدی
حقی او گورمیردی نه انواری وار - هانسی گروهین بیله سرداری وار
شیعه لرین حیدر کراری وار
چکدی قلیج یکه سوار عدو -سسلدی غیظیله او بی آبرو
صحنه دعواده منم جنگجو -عرصه نی الان ائدرم زیرو رو
منله کیمین جرات پیکاری وار- هانسی گروهین بیله سرداری وار
شیعه لرین حیدر کراری وار
شیر خدا قویدی قدم عرصیه -دوشدی ایله لرزه او دم عرصیه
صولتیلن ویردی علم عرصیه -باخدی او دریای کرم عرصیه
گوردی کی بیر دشمن غداری وار- هانسی گروهین بیله سرداری وار
شیعه لرین حیدر کراری وار
مرحب ظالم دئدی برتر منم- جنگیده مین فرده برابر منم
نعره چکیب قان توکن اژدر منم -فخر یهودم یل خیبر منم
هانسی دژین من کیمی خونخواری وار- هانسی گروهین بیله سرداری وار
شیعه لرین حیدر کراری وار
سسلدی مولا ده دلاور منم - تیغ دو دم صاحبی صفدر منم
گر تانیمورسان تانی حیدر منم - شیر خدا یار پیمبر منم
فاطمه تک همسر دلداری وار- هانسی گروهین بیله سرداری وار
شیعه لرین حیدر کراری وار
جنگی غرض باشلادی پیل یهود -تیغی گلوب فرق امامه فرود
چاتدی جراهت باشینا سیندی خود- ایلدی بیر حمله شه ملک جود
پنجه ده شمشیر شرر باری وار- هانسی گروهین بیله سرداری وار
شیعه لرین حیدر کراری وار
گویدن انیب ساعقه تک ذولفقار -مرحبی ائتدی درکه رهسپار
روح ال امین نازل اولوب بی قرار -ئوپدی امامین الینی پیک یار
دست حقین گور نئجه زواری وار- هانسی گروهین بیله سرداری وار
شیعه لرین حیدر کراری وار
راوی دیور گوردوم علینی عیان -قوزادی خیبر قاپیسین ناگهان
قلعه نی فتح ایلدی شاه جهان -قهریده چاتماز اونا هئچ قهرمان
چون قولونون قدرت قهاری وار- هانسی گروهین بیله سرداری وار
شیعه لرین حیدر کراری وار
===========
سالدی بوقول یادیمه بیر آیری قول -طبعیمه ای روح قدس یاور اول
نهر فرات اوستونه سال فوری یول- حیدره تای قوه لی قولاری وار
کیم دی بو مولا شرف ناسی دور-هانسی گروهین بیله مولاسی وار
– شیعه لرین حضرت عباسی وار
گنج شرافتده کی الماسیدور -روح صفا صاحب احساسیدور
کان وفا حضرت عباسیدور -ماه کیمی جلوه لی سیماسی وار
هانسی گروهین بیله مولاسی وار – شیعه لرین حضرت عباسی وار
=========
کیمدور ابوالفضل اونی دیللر سئور –آدی گلنده هامی قان قئینییر
مارد ایشیدسه آدینی تتییر-فاطمه فخر ایلییر عباسی وار
هانسی گروهین بیله مولاسی وار – شیعه لرین حضرت عباسی وار
========
ایله توسل گه بونون آدینه –سال ولی زهرا نه نه سین یادینه
آند اولا حقه یتیشر دادینه –دیلده کیمین بی ریا احساسی وار
هانسی گروهین بیله مولاسی وار – شیعه لرین حضرت عباسی وار
============
عشقینه زهرا اوزی احسن دئیوب –کیم بونی سسلوب اوناحاجت وئریب
مثل حسینمدی اونا سویلوب –قاطمه نین بیله دل آراسی وار
هانسی گروهین بیله مولاسی وار – شیعه لرین حضرت عباسی وار
=======
شمرون اماننامه سینه باخمادی –دینی دنیایه گئدیب ساتمادی
غیرته باخ قارداشینی آتمادی –حیفدی کیم سویله سه همتاسی وار
هانسی گروهین بیله مولاسی وار – شیعه لرین حضرت عباسی وار
============
َغبطه شهیدلر ایلییر شانینه-هر نئرینی ایتدی فدا دینینه
جان اولا قربان گوزل آئینینه –شاه شهیدین بیله سقاسی وار
هانسی گروهین بیله مولاسی وار – شیعه لرین حضرت عباسی وار
========
صادقیدن الهام آلوب یادگار –گورد ی بواشعار اولاجاخ ماندگار
ایستدی بونداندا اولا یادگار –حتی کلا میده بو نو عی یازار
هانسی گروهین بیله مولاسی وار – شیعه لرین حضرت عباسی وار
====
