فقط حیدر امیر المو منیدی = از استاد ناعمی و یادگار ی

فقط حیدر امیرالمؤمنیندی

-

دلابیر سوزواریم چوخ دلنشیندی-کمال معر فتدی اصل دیندی

ولایت اهلینه عین یقین دی- اگرچه هضمی اغیاره چتین دی

الیمده ثابت ائتمک سو کیمیندی- فقط حیدر امیرالمؤمنیندی

---

امامت معنی ارکان دیندی- علی تنها امیر المو نیندی

بونی انکار ائدنلر اهل کیندی- دیوم منظور قرآندا همیندی

علی بد خواهی کیم اولسا لعیندی - فقط حیدر امیرالمؤمنیندی

 

بولوندی یتمیش اوچ حزبه مسلمان –هاموسی دم وورار از دین و قرآن

مسلمان سو یلمه یاران شیطان  -اولار دور ایتدی زهرانی پریشان

که شرحی معتبر متنی دریندی- فقط حیدر امیر المو منیندی

 

نه لر اولدی اوقدری ظلمه باعث- هامی بو لدی که کیملر اولدی اخبث

بونی  بیز ایتمیاخ اصلار فراموش- یالاندی اول و ثانی و ثالث  

بلی آل علی  حبل المتیندی-فقط حیدر امیرالمؤمنیندی

 

==============

الاای شیعیان شاه مردان اولون آگه که وهابیّ نادان

تلاشین ایلیوب الان دوچندان چیخارداحیدرکرّاری یاددان

ولی بیلمور که شیعه نکته بیندی –فقط حیدر امیر المومنیندی

.

دئنن شیعه شعارشومه اویماز -ولایت رختینی غفلتله سویماز

حریم عشقینه اغیاری قویماز- دویارجاندان علیدن لیک دویماز

اوجاسسله که دنیایه بیلیندی- فقط حیدرامیرالمومنین دی

.

اشیتدیم قول ختم الانبیاده - کلام راستین مصطفاده

دئیوم عشق ایلسون اهل ولاده -یازوب بوجمله نی عرش خداده

بوجمله زینت عرش برین  دی- فقط حیدرامیرالمومنین دی

..

گلوب حقدن بیزه اون ایکّی حجّت-اون ایکّی صاحب شان وشرافت

بویورموش بوسؤزی خلاق خلقت- اولاردان تک علینوندی بونسبت

امارتده علی مسندنشین دی- فقط حیدرامیرالمومنین دی

 

حسن بیرده حسین سجاد و باقر-بلی صادقله موسی دینده ماهر

علی اوغلی جواد ایرانه ناصر –نقی و عسگری مهدیدی آخر

بولار هر تک تکی یاران دیندی –فقط حیدر امیر المومنیندی

 

بلی مهدی بیزه روح رواندی-اونا جانلارفدا صاحب زماندی

اونون عشقی بیزیم رگلرده قاندی –یولوندا منتظر پیرو جواندی

آقادی صاحب ایران زمیندی - فقط حیدر امیر المومنیندی

 

همیشه آللاهون آدی دیلینده – علینین ذولفقار یده بلینده

عدالت پرچمی دائم الینده –علینین فدرتی وار هیکلینده

اوزی بت سیندیران فتح آفریندی - فقط حیدر امیر المومنیندی

 

بو ایران صاحبی مو سی الرضادی-باجیسینا اونا جانلار فدادی

قم و مشهد بیزه باب رجادی –غریبلر ضامنی اول مقتداد ی

بیزه بو باجی قارداش نو ر عیندی - فقط حیدر امیر المومنیندی

 

ائله ای شیعه دائم دلده جاری - بوعنواندی چون ایمانین عیاری

ولایتدی،دیانت اعتباری - علی سیزکفریدی اسلام،آری

یقین ائت معنی قرآن همین دی - فقط حیدرامیرالمومنین دی

.

کیمون اللاهه واردی اعتقادی- مسلماندی اونون دنیاده آدی

گرک دینینده اولسون استنادی - ولایت سیزعبادتلرفنادی

ولایت روح دین راستین دی -  فقط حیدرامیرالمومنین دی

 

.عدالتده علی دنیاده تکدی –شجاعتده علی دنیاده تکدی

قضاوتده علی دنیاده تکدی-سخاوتده علی دنیاده تکدی

رسول اللاهه  مولا جانشیندی - فقط حیدرامیرالمومنین دی

 

علینین  شیعه سی باشلاری قاتماز   -جهانی وئر سه لر مولاسین آتماز

اوجوز آلماز باها بو خلقه ساتماز –علینین دشمنی  آسوده یاتماز

جهنمدور یئری هم آتشیندی - فقط حیدرامیرالمومنین دی

 

اشیتسین راه مولادن چیخانلار –بو مستضعفلری  بیرده ییخانلار

او اختلاس تیرین قلبه شاخانلار –بو قد ظلمی گوروب حیران باخانلار

کیم اولسا بلی شیطان لعیندی - فقط حیدرامیر المو منین دی

 

سؤال ایله جناب مصطفادن- ضمیرپاک آیات هدادن

زبان هل اتی وانّمادن - ائشیت شرح بلیغ قل کفادن

اگرچه بطنی قرآنین درین دی- فقط حیدرامیرالمومنین دی

.

ولااهلی ولی دن دم وراللار - فرازقافیده پرچم وراللار

بساط فتنه نی برهم وراللار -  عدویه ضربت محکم وراللار

کی مشت شیعه مشت آهنین دی- فقط حیدرامیرالمومنین دی

.

دئ وهّابیّته ای سست بنیاد-  بونی درک ائت بوقدری ائتمه بیداد

وئرورتاریخ ایام جهان یاد-  درافتادهرکه باحیدر ور افتاد

یداللهیله در دوشمک چتین دی- فقط حیدرامیرالمومنین دی

 

علی ذکرین اشیت بیزدن اذاندا- طنین اندازاولورهفت آسماندا

آدین نقش ائتمیشوک بیزلوح جاندا - گزورعشقی وجودعاشقاندا

قیزیل قانیله رگلرده عجین دی-  فقط حیدرامیرالمومنین دی

 

بیزیم روحیّه ی حسّاسیمیزوار - جوشاردریاکیمین احساسیمیزوار

دئمه کی خضریلن الیاسیمیز وار - بیزیم صف سیندیران عباسیمیزوار

علی اوغلی یل ام البنین دی - فقط حیدرامیرالمومنین دی

 

ایلدی قوللاری اسلامه یاری – گتویر محشره زهرا اولاری

اوقوللار چوخلارین اوددان قوتاری –یازوبدورناعمیله یادگاری

خیال ایتمه عزیزیم گون بو گوندی - فقط حیدرامیر المو منین دی

 

 

اذن خدائلن حسین بیرده گوز آچ جهانه باباخ

 اذن خدائیلن حسین بیرده گوزآچ جهانه باخ

==============

اذن خدائیلن حسین بیرده گوزآچ جهانه باخ

خامه یازان مصیبته حزنولی داستانه باخ

 

باشیوی کسدی شمر گر  خولی قویوب کل اوستونه

لطف ایله بو زمانه ده طشتیله خیزرانه باخ

 

اوندا یوخیدی اختلاس احتکار ایلین آقا

کشور ایرانی چاپوب  خارجه سن قاچانه باخ

 

بوردا چاپور  ولیک باخ اعوانی هارا خشلیوری

کلیه سینی  جهاز اوچون وارلیلارا ساتانه باخ

 

شمر سنین باشین کسیب هاردا ادیبدور اختلاس

اما بوعصریده اوزون لطف ایله بیر سنانه باخ

 

ارزاقی مردمی ووروب انبار احتکار ائدیر

انبارین اوسته گل آقا بزم عزا قویانه باخ

 

حیف گوزل آدان سنین عده ای وار آچوب دکان

مردمی اغفال ایتما قا- جنسلرین ساتانه باخ

 

آدیوی بلگه ایلییوب هر نه با شارسا ایلسون

حیله و  شر عیله  الان اوزلرینی تاپانه باخ

 

آننی داغلیوب  چاپا مردمی  یاحسین دئیور

زالو کیمی بو مردومون  قانلارینی سو یانه باخ

 

هر نه قدر سویو ر سویور گوزلری دویموری ولی

قارینی دویوندی اما سن گوزلری دویمو یانه باخ

 

امکانی یو خدی گوز دویا قبره قو رولدی سیر اولار

منعم اشاره ایلوب  - مطلبینی قا نا نه باخ

 

دینینی دینار ا ساتان چوخدور الان بو دنیادا

رنگ عوض ایلینلرین  سو یلدیگی چاخانه باخ

 

سن بوایکی اوزلی ملتی گورموسن اول گئچن زمان

ایندی بو  عصریمزده گل سن آقابی ایمانه باخ

 

مهدی ظهوری ایستین کوفه لی چوخدی بوزمان

قلبی یزیدیلن  اولان نامه لری یازانه باخ

 

یازدیلا چوخلی نامه لر اوندا سنه یازان کیمی

اختلاس احتکار ائدیب  عهدینی سیندیرانه باخ 

 

قانیوی توکدی گرعدوایندیده چوخدی قان توکن

پنبه کسن باشین قانین - بی ثمنه ساتانه باخ

 

عده ای واردی آج یاتور  عده ای واردی کیف چکور

نایلونی اشکالی ییغیب عمرینی قور تارانه باخ

 

سن دئدون اولماسا دینوز  قو خمویون مرد اولون ولی

فکری پلید وزور – دینین  غارتینه تالانه باخ

 

خائنه باخ که سویلویور خادیمیزم بو ملته

زینا الینده ملتی رام ائله سین چالانه باخ

 

صلح و صفا تاپولموری حاکم اولوب یزیدیان

بین دُوَل زمانه ده جنگ و جدل سالانه باخ

 

هابیلی قابیل ئو لدویور آدم و حوا آغلایور

هابیلی محکوم ایلیوب  قابیله کف چالانه باخ

 

حاج قاسمین مثالی یوخ ایندی بوعصریده اینان

اون نفریله جسمینی توپراقا سن سالانه باخ

 

موشگیله ترور ائدور اوز آدینی قویور بونا

دقتیله عنایت ایت  ابلیس بی امانه باخ

 

آل سعود الشور شیعه نی ایلسون فنا

شیطانین اللرینده کی نوختویا باخ پالانه باخ

 

امرینی موبه مو ائدیر اجرا سعودینین شاهی

سن آخوروندا نا کسین یو نجویا باخ سامانه باخ

 

یعقوب اوشاق لاری گینه ال آچوری جنایته

چاهه سالولا   یوسفی دلده اولان یالانه  باخ

 

خالقین اولسا لطفی گر چاهیدن آ زاد الییر

برده آدیله مصریده یوسفی سن آلانه باخ

 

مطلبه طول وئر مورم چون بولور هاممی مطلبی

اما اشاره ایلورم  رمز سوز تاپانه باخ

 

قاپلاری باغلادی خبیث یو سفی ایلسون فنا

قدرت الیله  سن ولی قاپلارینی آچانه باخ

 

یوسفی الله ایستسه مصریده سلطان ایلییر

قدرت اوجدن ولی چوخلارینی سالانه باخ

 

چرخ فلک اوتانموری حامی اولوب یزیدلره

مقصدومقصوده چاتان زوری اولان خوخانه باخ

 

کسب ایدوری بیر  عده وار  شرعینی بولموری هله

سن حلالی حرامیله مخلوط ائدیب قا تا نه باخ

 

مردمون ارزاقین وورار انباره آنی پینه لی

اول صفده گل آقا سن نمازین قیلانه باخ

 

بیع وشراده رسم اولوب آندایچیلور ولی یالان

آرشینا باخ ترازیه قیمته باخ قا پا نه باخ

 

یونگول آلورآغیر ساتورشرم خدادن ایله مور

شمشیر الینده  ملت ایرانی سن چاپانه باخ

 

خلق آراسندا یوخ حجاب هرنه سویور ایدور عمل

جنّت و حقّی بوشلایب نار جهیم آلانه باخ

 

سویله سن اوت باشین دئیر بسکه ضعیفدی بینیشون

قرآنی بوشلا گیت دئیر قصه یه باخ رمانه باخ

 

دفن اولونوب حجاب الان بی حجابین زمانی دور

بی حجابا  دوروب ولی دقتیله باخانه باخ

 

حفظ حجابه ایلدون دنیادا  عالی انقلاب

یر یوزونی دوتوب فساد بیزده اولان ایمانه  باخ

 

قارنینا خاطر  عده ای واردی که هر نه ایش گورر

باورین اولماسا آقا شهنازا -آب رسانه باخ

 

وقت اذان ظهر و شام چوخلاری اوز  ایشنده دی

حاضر اولان نماز ایچون مسجده باخ  اذانه باخ

 

عد ه ای معدودی گلور ایندی  نماز قیلماقا

ملتین افکارین بوگون ظلم ایلیوب قاتانه  باخ

 

واردی یازام دیم سوزوی اماکه سانسور ایلدیم

یازما قا قدرت ایستوری  فکرت نا توانه باخ

 

یادگارام او عدلینین شعرینی تعقیب ایلدیم

مشگلات حدیدن چخو ب گردش بو جهانه  باخ

 

کر ببلانی ایستیور بو ایکی نوکرین سنین

سن بول امیر لشگرین بوللارا عاشقانه باخ

 

 

 

 

رین بوللارا عاشقانه باخ

درمورد ایام خانم فاطمه = نبایدعید باشد شادی و دهه فجر باشد جشن بگیریم

 

درمور ایام فاطمیه

===========

طایر طبعیم اوچور بام خانم فاطمه ده

گورنه عزت یارانوب نام خانم فاطمه ده

حتی وافجر اولا میلاداولا یا بایرام اولا

شیعه جشن ایلمز ایام خانم فاطمه ده

 

چونکه ایام خانم شیعییه غم گونلریدی

کیم عزا دوتسا اگر  فاطمییه حیدریدی

قطره ای گوزیاشی جاری ایلسه گر یوزونه

او گوزون یاشینه بولسون که علی مشتریدی

 

خوش اولارین حالینا  فاطمییه ساخلار عزا

آغلییار ایلییر مهدی بالاسین دیلده دعا

لطف ائدرحضرت زهرایه گوره خالق اوزی

 هر چتین حاجتی اولسا الییر حتی ادا

 

عاشق فاطمه سن بو سوزومی آل نظره

فاطمه دینه گوره جانینی سالدی خطره

قاطمه ئولمه دی تنها سن اونا آغلیاسان

فاطمه ایستدی آگاهی وئره شیعه لره

 

فاطمه گوندوز ئولوبدور نئیه دفن اولدی گجه

مرتضی قبره اونی قویدی خدا بولدی نئجه

عارف ایستور بوسوزی تجریه تحلیل ائله سین

لعنت اوللارا که مولائیله دوشدیله لجه

 

خانم ایستوب ائده رسوا قاپو سون یاندیرانی

بیرده رسوا الییه  حق علینی دانانی

ایستدی حضرت مولا قیلا میت نمازین

تانیدا عالمینه کیمدور امام زمانی

 

  معصومون بلی نمازین گرک معصوم قیلا

کیمیدی غیر از علی دهرده معصو م اولا

گجه غسل ایلیون همده گجه نی قبره قویون

راضی اولمام گله بیرعده نمازیمده دورا

 

ترک ائدیب سینه سی یاره اوخانم دنیانی

قاره گی  باشوه وور عرشه اوجات افغانی

اعلان ایت هاممی بوله فاطمه اللرده ئولوب

 گوز یاشین دور خانمون یاره سینین درمانی

 

گبر وترسااوایشی گور مزیدی دنیاده

عده ای  اول ایشی گور ماقا اولوب  آماده

باعث اصلی کیمیدی اونا مینلر لعنت

ضربه دگدی خانما  فضه نی سسلوب داده

 

بیعت آلماقاعلینین قولونی باغلادیلار

قلب پیغمبر اسلامی اولار داغلادیلا

قلم عاجزدی بیانه گتو ره اوضانی

بالالارباخدیلا شیون الییوب آغلادیلار

 

ثانی اوندا بیریدی ایندی ولی مینلری وار

بو لارین نه شرف و غیرت ونه دینلری وار

داعش وغاصب و شیطانیدن بدتر دی بولار

ملتیله بولارین دیلده بیوک کینلری وار

 

 دئمه ختم اولدی قیامی خانمون))

شیعییه واردی پیامی خانیمون ))

 قبری تک فکرایلمه گمنام اولار

حشره جان زنده دی نامی خانمون

 

مشگولون واردی اگر حضرت زهرانی چاغور

دادیوه صدقیله گل دختر طاهانی چاغور

دوگمه بی مایه لئیمان قاپوسون عالمده

همسرشیر خدا یاور مولانی چاغور

 

هانسی محفلده اونون اولسایادی

اویئرین جنت العلادورآدی

هر مریضیکه جواب ایلسه ل ر

گیتی اول محفله دکتراورادی

 

یوخدی بوینوندا گر حق الناس ))

خانمون دوی قاپپسون ایتمه هراس ))

آغلا زهرایه وئرر حاجتوی

مهدی فاطمه دن ایله سپاس

 

عهدیوی گل اونیله محکم ایله

گوز یاشین سینه سینه مرهم ایله

طی ایله دنیادا زهرا یولونی

اوزووی درگهینه محرم ایله

 

آتاسی گل تک اونی ایگلردی

من فداها خانماسویلردی

منزله وارد اولان وقته خانم

ایاقا فوری دوروب نئیلردی

 

نه فقط تنها دوراردی ایاقا

حتی پیشوازه گئدردی قبا قا

هم اوپر دی الینی هم یوزونی

دوداقین حتی دایاردی دوداقا

 

فاطمه کشتی دین لنگریدی

فاطمه آل عبا دلبریدی

مهدی صاحب عصرین آناسی

شیعه نین دیلده آدی ازبریدی

 

حقی دانسان ووروسان زهرانی

ائله بول یاندیریسان قرآنی

مثل داعش ایچیسن شیعه قانین

حتی سب ایلویوسن مولانی

 

مرگ شیطانه دئمه چون نمازین باطل اولار

سندن آمریکا کوسر هم عملین زایل اولار

هرنه لر اولدی اوگون سنده سهیم سن اولارا

بیله فکرایلمه مکر یله عمل کامل اولار

 

تسبیهین ذکرینی واجب بولوسن

خانمو  ن قاتلینه سوز دئموسن

پیرو فاطمه سن  - ظاهرده

قونفوذون اما یولون سن گئدوسن

 

گر تولایه یبرایه بوگون قائل سن

هابیلی بوشلویوب اولما کمک قابیل سن

روز محشرده سنین فاطمه دوتماز الیوی

در حقیقت سن اوزون فاطمییه قاتلسن

 

ایستیرم ایلیم آگاه سیزی بیر ایامدان

شهر یثربده اورک داغی ووران بایرامدان

گلدی یر سائل ابوالفضل ائوینه یازهرا

زینبین فلبینی دردی گتودی آلامدان

 

هامی جمعیدی  اوگون ام البنین باشینا

جان عالم   اولا قربان اولارین گوز یاشینا

یاپوشوب حلقه دردن ایلدی دق الباب

 دئدی وار سر سوزوم گلسون حسین قارداشینا

 

فضه نی یوللادی زینب گتوره تیز خبری

گوره اوسائلین آیا نه دی اصل نظری

 فضه ده درک ایلدی  منظورینی تیزگلدی ائوه

زینبه مطلبه عرض ایلدی بیر مختصری

 

مطلبی فضه گلوب زینبه اعلان ایلدی

خانمون دردینی اومطلبی چندان ایلدی

زر و زیورلرینی محفلین اهلی چیخادوب

یازا بولمم که او ایش اوردا نه طوفان ایلدی

 

فضه گتدی اولاری سائله دسمالداوئریب

دسمالی سائل آچوب باغلادی بونوع دئیوب

قیتریب وئردیدئدی ایسته مورم من  ولاری

آقام هممیشه گلوب بو ردا منی شادالییوب

 

زر وزیوله دئدی قلبیمی رام ایله مرم

دردیمی غیر از آقام بیر کسه من سویله مرم

حتمی بیر علتی واردر آقا گلمر قاپیا

اوپمه سم اللرینی یثر  بی ترک ایله مرم

 

اوگلونجه اوتوروب بو قاپودا آغلییارام

اوزومی مثل دخیل لر قاپویا باغلییارام

گورمه سم من آقامون گر آیا بنظر یوزونی

قالارام بوردا ئولونجه سینه می داغلییارام

 

مطلبی وقتی بولوب حضرت عباس آناسی

گوردی مجلسده دور عباسین اوقانلی لواسی

وئردی عبداللاها گلدی هامی آغلار قاپویا

دئدی عباس اوزی یوخدور بودور الان بالاسی

 

منی عفو الییون عرض ایتدی دوشوب غملی یولا

کربلا زائری اولدوم سیزده قسمت اولا

اوزونی گورمه دیم قبرین گئدیرم بوس الییم

بوسنیخ قلب گئدیر  کامینی علقمدن آلا

 

یادگاری  بولوسن مهدی چوخ ایستر آناسین

محفلین بانی سی دور شخصا اوزی بول بها سین

مطلبه وئرمه ادامه سوزوی اتمامه یتور

تازه لندیرمه سنی فاطمه مهدی یاراسین

 

 

درمورد اختلاس گر ها وامدن شمر بهخوب شاعر جهت شکایت که چر مرا به نامردان شبیه نوشته ای

درمورد اختلاس و احتکار

وآمدن شمر به خواب شاعر  از بابت گلایه چرامرابه

اختلاس گر هه نسبن داده ای من از شما شاکی هستم

============

یابن زهرا گل اوزون دادیمزه بحراندا

چات بو بحرانیده فر یادیمیزه ایراندا

شهداقانلارینی عد ه ای پامال ائدوری

تفرقه ایرانا بو للاردی سالوب هر یاندا

------------

کروانادان بولارین ملته چوخدور خطری

کر ونا رفع اولاجاخ  قالمویاجاخدر ضرری

بو للارین ایرانی ویران ائلسین وار نظری

سن اوزون ایله دعا آمینی زهرا سوئله سین

بو شرفسیز لرین دوتسون  کرونا کاش یخه سین

 

شهدا وئر مه دی قان عدد ه ایده قان سویسون

شهدا وئردیله  قان ملت ایران دورسون

بو خطا کارلرین بوینونی الله بویسون

بولار هر جو ر با شا  ییور ایلییور حیله سینی

عده ای واردی بوایراندا ساتور کلیه سینی

 

رهبرینده ایلیور قلبینی بیر عدد ه یارا

سن اولان یئرده دئسون مشگلونی رهبر هارا

یابن زهرا  سن اوزون دردیمیزه اله چارا

سن اوزون ایله ادب بو للارین اغفالارینی

چووروب ملتین ازدم بولار احوالارینی

 

کرا نا دوزدی بیزیم اقتصادی ایتدی فلج

میلیادر اولدی اولار که یولونی  گتدیله کج

حتی الله دئینه باخمادیلار ایتدیله لج

ارزاق هئچ –حتی بولار ماسکیدا  انبار ایلدی  

گوردی چوخلاری ولی اولارا بیرسوز دئمه دی

 

مظلومون آهی اولاری بلی رسوا ائده جاخ

قبر ه اوللارد ا  بلی بیر  کفنیله گئد ه جاخ

باوریم یوخدی بو عصیانیدن الله گئچه جاخ

قود صفت دور اولار  اما  گو یوراوز ایشلرینی

گله نی تا ائده  نابود ایتیدور دیشلرینی   

 

هرکسین هر نه الیندن گلور  ایرانه ائدور

شیطانا تابع اولوب راه اوشیطانی گئدیر

او للارین ظلمی بوگون گورگیله ایراندا نئدیر

عده ای یئر تاپا بولمور بوگون ایراندا یاتا

عد ه ای آلدییر ی  ات اتینه حتّی آتا

-------------

ناخلفلر چاپوری  ایندی بو  ایرانیمیزی 

اختلاس ایلین اشخاص ایچور قانمیزی

احتکار ایلین اشخاص  آ لور  جانیمزی

اختلاس ایلیینین یو خ شرف و وجدانی

احتکار ایلیین شیطانه ساتوب ایمانی

----------

شهداوئر دی قانین دنیا گلستان اولسون

اختلاسیله بو ایران نئییه ویران اولسوت

بعضی کئفده یا شاسین بعضی ده کر یان اولسون                                                                                                                                                                                                                                                                                          

یوخ عدالتدن اثر مطلبی چو خلار بولوری

ایرانین  حالینا خار جده او لانلار گو لوری

------------

هر کیمین هر نه الیندن گلوری ایلور آقا

باهالیق ملت ایرانی سالو ب آیری حالا  

کیم چاپوب ایرانی وار نیّتی خارجده قالا

نجه تاراج اولور اولسون دیوری  یوخودور ایشیم

کیمه محتاج اولور اولسون دیوری یوخدور ایشیم

-----------

دالاریندا بولارین کیمدی خدایا دایانوب

بو لارین حیله سینه عد ه ای واردور اینانوب

اللریندن ولی بو ملت ایرا ن او سانوب

بولارین قدرتی وار ایرانی ویران ا ئله سین

مصلحت دور بولارا کیمسه ای بیرسوز دئمه سین

----------

اختلاس ایلین آزادیدی هر یانیده دی

حتی اعوانلاری اوتریسیده آلمانیده ی

آفتافا او غرولار ی گوشه زندانید ه دی

قلمین قدرتی یوخ شعره یازا سوزلرینی

بیر نفر پو فلو یه بو لمز اولارین گوزلرینی

------------

اختلاس ایلین افراد بولورسن نئدری

شمر ملعونون اولار راهینی الان گئدیری

ملتین قلبینی بو للاردی الان قان ائدیری

بولار هر جور سئوور ایراندا چاپورآ تلارینی  

یوخدی بیر کیمسه بو لارین دئیه دوز آدلارینی

----------

شمر گلدی یو خوما سویلدی بیر آججا اوتان

منی بو للارا مثال وورماسنی روح آتان

او لماز عالمده بو لارتک وطنی کفر ه ساتان

اختلاس ایلیوب مظلو ملارین حقین یئمه دیم

آنیمی داغلییب بیر کیمسیه بهتان دئمه دیم

----------

ری یه خاطر من حسینین باشینی ذبح ایلدیم

ولی مستضعفینین حقینی اصلا یئمه دیم

ور مادوم ارزاقی انباره یالاندا ن دئمه دیم

من سیزین خادیمیزم آند ایچیرم اوز جانیزا

ایتمرم زره خیانت  سیزه هم  اموالیزا

----------

دانیشوب سوز ولی پس آ لمادیم آخر سوزومی

ایتمدیم من ایکی یوزلی بو جهاندا اوزومی

اما آ غلاتدیم هامی شیعه لرین من گوزونی

گنه با این همه لعنت ائدرم من بو لارا

بولار ایمانلارینی ساتدیلا  اما دولارا

-------------

اختلاس گر لره تای یو خدی بو دنیاده کثیف

اولماروخ ابن زیاد من بولارا حتّی حریف

گور ریائیله نئجه اوزلرین ایلو بله شریف

بولارین باخ ایشینه رحمت اوخی حر ملییه

بو للارین نسلینی الله گوروم قطع الییه

-----------

یادگاری منه یاز  ایتمیشم  آ زاد سنی

بو لارا چکمه مثال  سن شر فین امّا منی

بولارین ظلمودی بو وضعه سالوب جا معه نی

سنی تاری منی بو للاردا ن ایله شعریده دور  

بولارین گوزلرینی ایله سین الله اوزی کور

-----------

 

 

درمورد اختلاس و احتکار در ایران و وضع ملت ایران د این گرانی

 اختلاس – احتکار

 

تمامه وعده لر ایرندا پوچ اولدی شعار اولدی

ووران ارزاقی انباره  بیر عده نابکار اولدی

 

فلج ایلو بدور ایران اهلینی بو اختلاس گر لر

سایا گلمز نقدر ی اختلاس و  احتکار اولدی

 

کیمه انسان دئسون دردین خدا یا ایله سین در مان 
بیزیم مسئو لاریمیزدان بیر عده کفره یار  اولدی  

عو ض اینکه اولار  مشگلری آسان ایتسو نلر

تمام ددلرین در مانلاری آهیله زار اولدی   

مجالسلرده بحث اختلاس احتکار چو خدی   
مسائل شر عیمیز تنها بیرزیم  بحث دولار اولدی

 

حسینه آ غلیانلار ایندی اوز احوالینه  آغلور

دئیور ای کاش گورک بیر گو ن بیزه قسمت بوار اولدی

                    
چو خ انسان وار خجالتدور الان اوز اهل عیالیندن                    

                  بالا بیکارآتا بیکار آنا لار اشگبار اولدی

 

ات آ لسو ن آیدا بیر دفعه ایوینه یو خدور امکانی

ولی بیر عده نین کلب کثیفی گو شت خوار اولدی

 

نئچه برجی اولان وارکشورایرانیده الان

دگل معلوم هاردان  صاحب بیر ایله وار  اولدی

 

اماما قبریدن دور باخ که مظلو ملار ایاقلاندی

بیر عده ایرانی چاپدی فر نگه الفرار اولدی

حرامی زادلر الان گزور خارجده بی غم دور 
ولی بیر عد ه نین ایراندا  قلبی  زخمدار اولدی 

چاپان چاپدی تاپان تاپدی بو بیت المالدان ایراندا

بیر عده خر سواران گلدی آخر میز سوار اولدی 

  
شهید لر وئر دیلر قان عده ای  ایراندا قان سویدی    
او قانی که اولار سویدی اولارا زهر مار اولدی

 

اولاری ایلییر رسوا او قانلار ایکی دنیاده    
اودنیاده گو رللر یئرلری نیراندا نار اولدی

 

جوانلار قالدی بیکار حتی معتاد اولدی چو خلاری

خلاصه  تاپدی هر هاردا اونی چکدی خماراولدی

 

جوان وار اللی سنینده هله ده آلمو یو ب آرواد

اونا تای قیزدا چوخ واردی غم و درده دچار اولدی

=============

حسینی ایستینلر احتکار و  اختلاس ایتمز

 بو ایشی عده ای الان گو رور هیچ نا سپاس ایتمز

بو بیت المالی بیچماقا اوزونی تیز داس ایتمز

اوزی ایراندا اولادین او آ مر یکایه پاس  ایتمز 
اولار که اختلاس ایلر نه وجدان و شر ف واردی 
یقین بول او للارین قلبینده آیری  بیر هدف واردی

 

او لارین بلی منظوری بو دور ایرانیدن قا چسون

گجه گو ندوز  چکر نقشه او قا چما قینا یو ل آچسون
مثال مار و عقرب او للار ایستور ملتی سا شون

عدالت ایستور ی دو تسون اولاری داریدان آشسون                   
نه قدر مال و امواللاری وار دو لت دو توب آلسون                   

     . بو لار دور قویمویوباارآبرو  ایرانیده قالسون            .

 

شهدا وئر مه دی قان عد ه ای ایراندا قان سو یسون

بهالیق ایجاد ایلوب امت مستضعفی یورسون
خدا یا امداد ایله بو للارین کاش گو زلری دو یسون

بو لارین بو ینو نی  مهدی گلو ب شمشیر یله وورسون
گچورم مطلبین اوستن هله ده صبر لازمدی            

     بو لاردان چو خلاری  وار خارجه گیتماقا عازمدی

 

حسینون شیعه سی راه  سبیل اللاهیدن چیخماز

بهالیق ایجاد ایلوب منجنیق تک ملتی  سیخما ز                      
بو فانی دنیادا دینار ه خاطر دین ائو ین یخماز

ابو الفضلی سئو ن شیعه داخی شیطانیدن قو خماز   
وئیر انی اوحامینین شعارین زره با ک ایتمز 
دو شه گر قو للاری تندن یزیدین سمتینه گتمز

 

یزیدین سمتینه گتسو ن بی عده وار یزید اولدی

یزیدی روسفید ایتدی اوزی اوندان  پلید اولدی

هله درک ایلمز هر ایکی دنیا نوامید اولدی

اولار دین ساتدی دیناره شهدا رو سفید اولدی

بونی یاز یادگاری شعریده لعنت اولاریندی

بوگون کیم حقی کتمان ایاسه لعنت بو لاریندی

 

 

 

 

در فضیلت قرآن و اشاره به شهدای کربلا و مدافعان حرم

((قرآن ))

=======================

قرآندی  بودنیاده بیزه راه سعادت

قرآندی ائدن دوز یولا انسانی هدایت

قرآنیله عترتدی پیامبردن امانت

وجدانی اولان ایتمز امانتده خیانت

--------------------

اسلامین اساس نامه سی قرآنید ی قرآن

الهام آلا برنامه سی قرآنیدی قرآن

امراضه شفاخانه سی قرآنیدی قرآن

قرآنیله ایلر بشر هر درده طبابت

--------------------

قرآن اوخویان صادق و عاقل گرک اولسون

قرآن اوخویان دوز ایشه عامل گرک اولسون

قرآن اوخویان قرآ نا قابل گرک اولسون

قرآن دئینه ایلسون عالمده اطاعت

 

قرآن اوخویان ئولسه ده قرآنینی آتماز

قرآن اوخویان کافره ایمانینی ساتماز

قرآن اوخویان مال حرام مالینه قاتماز

قرآن اوخویانلاردا اولار چوخلی کرامت

 

ماهیت قرآنی بیر عدّه هله قانمور

قرآ ن اوخویور حق یولونی لیک تاپانمور

 اغفالیدی غفلتده یاتوردوبلا اویانمور

بوغفلتی با شیندان آتا یو خدی شهامت

 

بعضی سیده مقهومی بو نوعیله قاناللار

هر هاردان اولا بیر تازا قرآن آلاللار

بیر کیمسه ئو لن وقتیده قرآن او خو یاللار

اون ایلده قالا تاخچه ده ایتمزله تلاوت

 

بیر روپوش اعلا دوزه دله او کتابه

عمرینده نئچه دفعه بو قرآن گلی کاره

ایستکلی قیزین هر زمان ایستر وئره یاره

قرآن دوتاللار باشینا تا اولا خوشبخت

 

ساخلاللا بولن بولموین حتّی  بو کتابی

سو یلله  هر ائوده اولا بو وار دی ثوابی

ایتمز له مسلمانلار اقلا  بو حسابی

هئچ انجیل و تورا ته ده  اولموب بو جسارت

 

قر آنی ریاکار اوخویا فایده وئر مز

قرآنی ربا خوار اوخویا فایده وئر مز

قرآنی زنا کار اوخویا فایده وئر مز

قرآن اوزی محشرده ائدر حتّی شکایت

 

قرآن اوخویار اردون  عمان عر بستان

وار چوخ عربی دولت اولوب قاری قرآن

قرآن اوز ی لعنت ایلییر اوللارا هرآن

قرآنیدن آیا نئیه ایتمزلرحمایت

 

الله ائوینی امن ایلیوب شاهه گدایه

بو بارده وار حتّی که قرآنیده آیه

شاهدیله هاممی بوسوزه ایلوم اشاره

کیم الله ایوینده ائلدی قتل و جنایت

 

خادم قویا ن آدین حرم امن خدایه

شیطانین اولوب نوکری با خ اوندا جفایه

ایلوب یمنی لشگری تبدیل عزایه

مسلم قانی تپراقه آخور ایلوری عشرت

 

دوتمورسان الیمدن ایاقیمدان داخی چکمه

امدادایلمورسن ائلمه نقشه ده چکمه

کفاره گئدیب حامی اولوب تخم کین اکمه

او قتل و جنایتده گلوب ایتمه شراکت

 

قدسون گوزی یو للاردا قالوب ایلوری فریاد

ایلور یمنی آل سعود بیر دفعه برباد

قرآن اوخویانلار نئیه بس ایتموری امداد

قرآنی اوخور کا فریله ایلوری بیعت

 

قرآن اوخی قرآن دئینه او لگیلا قانعی

قرآنه خیانت ائدنه اولگیلا مانعی

کیملر اولوری کنگره قرانا بانی

محشرده ائدر قرآن اوزی لطف و عنایت

 

مین جلد یازا تفسیر اگر رشدی نادان

 مینلر فهد امثالی اولا قاری قرآن

واللاهی ثمر وئرمز عمل ایستیر ایمان

قرآن الییر آیه به آیه ئوزی لعنت

 

وحدت ایلسه دنیادا  گر امت اسلام

فیل فوری  چیخار قد سدان اول غاصب دوران

گونده نئچه یوزلر نفر اولماز فانا غلطان

داعش ایلیمز داخی هیچگونه جسارت

 

واردور نه قدرایندی بو اعرابیده قاری

دین قارداشینا ایتموری اوللار نئیه یاری

چوخ یئرده- یمنده اولوری قان یئره جاری

وجدانیله ایتمز نیه بیر عده قضاوت

 

قرآن اوخویانلاردی الان ایلوری طغیان

قرآن اوخویانلاریمنی ایلوری ویران

قرآن اوخویانلاردی اولوب دشمن قرآن

یوخ آل سعودا گوروروک زرده غیرت

 

زهرا قاپوسون یاندیران اشخاص کیمیدی؟

مو لاقولونی باغلیان اشخاص کیمیدی؟

زینب اورگیین داغلیان اشخاص کیمیدی ؟

اغفالید ی  بیرعده نئیه ایلمز  عبرت

 

قرآن اوخوماقون بلی که فایداسی چوخدی

گر اختلاس ایلوب اوخوسان فایداسی یوخدی

کیم احتکار ایتسه  اوخوسا کلمه سی اوخدی

قرآنه اونون تیری لری ایلور اصا بت

 

انصاف ایله ای دینی اولان بی طرف اولما

قرآن دئینه ایله عمل بی هدف اولما

اسلامی آتوب دینی ساتوب ناخلف اولما

مظلومی ازیب ایلمه ظالمدن حمایت

 

میلیاردا یاخون واردی بودنیاده مسلمان

اسرائیل الینده نئیه عاجز دیله الان

آماده باش اعلان الییر عالمه ایران

الله قوشونی ال بیر اولوب باغلیا وحدت

 

حق جبهه ده گورسندیله قرآن اوخویانلار

قرآنه گوره جاری اولوب جبهه ده قانلار

جان وئر دی اون اوچ سنیده چوخ تازه جوانلار

باخ گور نقدر واردی بسیجیده شجاعت

 

تانک آتدا یاتوب تپراقا گل جسمی قاریشدی

تانکیه نئچه سر نشین اود دوتدی الشدی

قرآن یولوندا اوبالا گور نه چالیشدی

قرآن دئینه باخدی اودریای صداقت

 

رهبر دئدی رهبردی ییزه بو گل پر پر

نارنجکی بیلده ائلدی حمله اوسرور

تانک آلتینا گتدی دئدی اللاهیدی اکبر

قرآن اوخویاندا گرک اولسون بو شهامت

 

تاریخه باخوب قاری قرآنلاری آختار

گور کیملر اولوب دنیادا قرآنه  فدا کار

لب تشنه حسین یتمیش ایکی یاریله انصار

دنیایه وئر بدیله اولار درس فصاحت

 

عاشقلره آیاتی شیرینتردی عسلدن

اثبا ت اولار هرایش بلی دنیاده عملدن

ایستردی حسین قرآن و دینی ته دیلدن

قرآنی دئریتدی اوزی گر تاپدی شهادت

 

یارب بحق خون شهیدان فدا کار

حز ب اللاهه وئر قدرت اوزون خالق دادار

امریکانی اسرائیلی ایت درده گر فتار

اسلام قو شونون ایله سن هر یئرده سلامت

 

چوخلاری شهید اولدی مدافعان حرمدن

سردارا آلوب قدرتی  قوللاری قلمدن

سوریه نی آزاد ایلدی  بیر دفعه غمدن

داعشلری اوردان چیخادوب معدن غیرت

 

قطع اولدی الی دوشدی یئره مثل علمدار

بارماقدا اوزوک قانین ایچینده اوزی سردار

اولدی نئچه تن بونلا  شهید ء- ره دادار

الله بوایشین باعثینه سن ایله لعنت

 

کیم ایستوری رونق وئره قرآن مبینه

کیم ایستور خدمت ائده اسلامیله دینه

کیم ایستوری شیعه اولا مولاسی حسینه

لازمدی گرک ایتسو ن اولاردان تبعیت

 

سن یادگار ایله جانیوی   قرآنا قربان

قرآن سیزه گتدی شرف عزت شایان

قرآن دئینه ایتدی عمل ملت ایران

لبیک دئیوب ایتدیله رهبردن اطاعتت

 

 

یئل یاتار طوفانیاتار یاتماز ابوالفضل پرچمی= گریز به 78شهید و 4 آزاده یکانات

یئل یاتار طوفان یاتار یاتماز ابو الفضل پرچمی

دیده دوران یاتار یاتماز ابوالفضل  پر چمی

===========

پرچمی که اسدی ، دشت نینواده یاتمادی

گئچدی گوزدن؛پرچمین عباس گوزدن  آتمادی

شمر امانامه گتوردی  حتی دینین ساتمادی

حقیدن ایتدی حمایت   حقه ناحق قاتمادی

بولدو لر طغیا ن یاتار یاتماز ابوالفضل پرچمی

یئل یاتار طوفان یاتار یاتماز ابو الفضل پرچمی

دیده دوران یاتار یاتماز ابوالفضل  پر چمی

--------

یاز قلم غملر   یاتار یاتماز ابوالفضل پرچمی

حتی  عالملریاتار یاتماز ابوالفضل پرچمی

ئوزگه پرچملر یاتار یاتماز ابوالفضل پرچمی

بلی  چوخ دملر یاتا یاتماز ابو الفضل پرچمی

پرچم سفیان یاتار یاتماز ابو الفضل پرچمی

یئل یاتار طوفان یاتار یاتمازابوالفضل پرچمی

دیده دوران یاتار یاتمازابوالفضل پر چمی

----------.

صاحب پرچم حسینه عشقین اعلان ایلیوب

تا اسوردی پرچمی؛میداندا طوفان ایلیوب

بو علی نین اوغلودی چوخ درده درمان ایلیوب

بو خذف شعر ی  ابوالفضل لعل و مر جان ایلیوب

عالم امکان یاتار یاتماز ابوالفضل پرچمی

یئل یاتار طوفان یاتار یاتماز ابوالفضل پرچمی

دیده دوران یاتار یاتماز ابوالفضل  پر چمی

-------------

بو اوپر چمدور حسین وئردی  بونی قارداشینا

افتخاریله اونی آلدی ابوالفضل دوشینا

پرچمین آتدان دوشنده باسدی اوز آغوشینا

بیر عمودی ووردولار آتدان دوشنده باشینا

کاخ دژخیمان یاتار یاتماز ابو الفضل پرچمی

یئل یاتار طوفان یاتار یاتماز ابوالفضل پرچمی

دیده دوران یاتار یاتماز ابوالفضل  پر چمی

-----------

پرچمی وئر موب الیندن صبرائدیب مولا گله

بیرده رخسارین گور ه  عباس نام آور ئوله

اهل دنیا بوسوزی آینده د ه حتما بوله

 سر دارا گوّله دگنده شاد اولا  باید گوله

زهر لی پیکان یاتار یاتماز ابو الفضل پرچمی

یئل یاتار طوفان یاتار یاتماز ابوالفضل پرچمی

دیده دوران یاتار یاتماز ابوالفضل  پر چمی

 

مات حیران قویدی اول پرچم یزید کافری

لا نه  زنبور اولموشدی اوپرچم ظاهری

اما بیر آججا وسطده واریدی سالم یئری

سویلویبلر اول خبیثه مطلبی تا آخری

آل بو سفیان یاتار یاتما ز ابو الفضل پرچمی

یئل یاتار طوفان یاتار یاتماز ابوالفضل پرچمی

دیده دوران یاتار یاتماز ابوالفضل  پر چمی

----------------

سویلدی علت نه دور بو آججا یئر سالم قالوب

بویئرین سالملیگی  عقل و هوشی مندن  آلوب

صاحب بو پرچمی کیملر دئیون آتدان  سالوب

من ایشدیم اوخ دگوب  مشگه سویون حتی جالوب

پرچم شاهان یاتار یاتماز ابولفضل پرچمی

یئل یاتار طوفان یاتار یاتماز ابوالفضل پرچمی

دیده دوران یاتار یاتماز ابوالفضل  پر چمی

 ---------

باشینی قلخان ایچینده گتدیلر گورسو ن یزید

باخد ی اول باشه تعجبله دئدی شوم پلید

بو کمین باشی اولور سویلوبدولر الان اشید

ماردی بو ئولدوروبدور یوخ بونون تایی رشید

مرحب دوران یاتار یاتماز ابو الفضل پر چمی

یئل یاتار طوفان یاتار یاتماز ابوالفضل پرچمی

دیده دوران یاتار یاتماز ابوالفضل  پر چمی

 

هیچ شهید باشین عمود کین ایله سیندیرمادی

هیچ باشین دردی او باش تک زینبی یاندیرمادی

کوفه  دن شامه کیمی هیچکس جدایه وورمادی

ووردولار نیزه باشیندا یاره لی باش  دورمادی

زاده مرجان یاتار یاتماز ابو الفضل پر چمی

یئل یاتار طوفان یاتار یاتماز ابوالفضل پرچمی

دیده دوران یاتار یاتماز ابوالفضل  پر چمی

 

مطلبی بولجک یزید  دوردی صور اوتدی یئره

مرحبا احسن دئدی عباس تک نام آوره

سویلدی اجرین کرگدور خالق منان وئره

جنگلرده بوایشی فرماندهان باید گوره

رشتی تک حیوان یاتار یاتماز اوبوالفضل پر چمی

یئل یاتار طوفان یاتار یاتماز ابوالفضل پرچمی

دیده دوران یاتار یاتماز ابوالفضل  پر چمی

---------------

باخ وفایه پرچمین وئرمیب الیندن بر ملا

بیله بیر انسانلارین آدی گرک سالم قالا

ساخلادی اوز سینه سینده قارداشی تحویل آلا

یازمارام دشمن نه قد رعباسه  وورموشدی  یارا

کفره پشتیبان  یاتار یاتماز ابوالفضل پرچمی

یئل یاتار طوفان یاتار یاتماز ابوالفضل پرچمی

دیده دوران یاتار یاتماز ابوالفضل  پر چمی

------------

آدینا جانلار فدا غیرت بونون آدیندا وار

پر چمی وئرمز الیندن چون بونون زاتیندا وار

هم عموسی جعفر طیار ین اخلا قیندا وار

هم باباسی حیدر کرار کر داریندا وار

بوذر  و سلمان یاتار  یاتماز ابوالفضل پر چمی

یئل یاتار طوفان یاتار یاتماز ابوالفضل پرچمی

دیده دوران یاتار یاتماز ابوالفضل  پر چمی

------------

حضرت اعلان ایلدی عزو شرف  نهضت وئرر

هر نه قدر ی قان چو خ آخسا اسلاما  قدرت وئرر

سر سپاه  آدیله دنیا دولته قیمت وئرر

پر چمین الدن همیشه مردبی غیرت وئرر

او بیوک شیطان یاتار یاتماز ابو الفضل پر چمی

یئل یاتار طوفان یاتار یاتماز ابو الفضل پرچمی

دیده دوران یاتار یاتماز ابوالفضل  پر چمی

-------------

چوخ سلیمانی قولین مثل ابوالفضل سالدیلار

جنگیده عباسیدن الهامین اوللار  آلدیلار

باخ ابوالفضل نوکرینه هامیلار مات قالدیلار

ناجوانمردانه دشمن دیللر ی یاندیردیلار

کرمان و تهران یاتار یاتماز ابو الفضل پر چمی

یئل یاتار طوفان یاتار یاتماز ابو الفضل پرچمی

دیده دوران یاتار یاتماز ابوالفضل  پر چمی

-

دقت ایله سن می نابین سن الله مستینه

قولاری دوشجک هجوم ایتدی قاچانلار اوستونه

مین سلیمانی اولا قربان اونون بیر دستینه

لعنت الله گلسون دشمنان پستینه

باکری  چمران  یاتار یاتماز ابو الفضل پر چمی

یئل یاتار طوفان یاتار یاتماز ابو الفضل پرچمی

دیده دوران یاتار یاتماز ابوالفضل  پر چمی

------------

بو یکاناتدا وئریب  فدیه دینه هشتاد نفر

اوللارین قانلاری گتدی ئو لکیه فتح و ظفر

آدلارین قوی  عرض ائدیم شعریمده سنده  قیل نظر

سوزلریم بیرعده یه بوردا ائدر حتما اثر

باش کسن انسان یاتار یاتماز ابوالفضل پر چمی

یئل یاتار طوفان یاتار یاتماز ابو الفضل پرچمی

دیده دوران یاتار یاتماز ابوالفضل  پر چمی

----------

گرزعلی  شورلدینله میزعلی و میر جعفر

میر لطفیله بوبش تن اولدی مفقودالارثر

اوچ عراقی محبوب ابراهیم حسین باهنر

بوللارین اجرین خدا وند حشریده حتما وئرر

ا حمد و قربان یاتار یاتماز ابوالفضل پرچمی

یئل یاتار طوفان یاتار یاتماز ابو الفضل پرچمی

دیده دوران یاتار یاتماز ابوالفضل  پر چمی

---------

میر حسین ومیر عزیز میر اژدیله میر هادی

باخ کریم زالی رحیم زالی مقامی هاردادی

وار ایکی فدیه غنی زاده گرک گلسو ن آدی

ایکی غفاری قانین وئردی مرامین آتمادی

حکمعلی رحمان یاتار یاتماز ابوالفضل پرچمی

یئل یاتار طوفان یاتار یاتماز ابو الفضل پرچمی

دیده دوران یاتار یاتماز ابوالفضل  پر چمی

 

رستمی و هاشمی و نعمتی اسفتدیار

میر ابو طالب میر عبداله ادیبلر جانثار

حیدری و حمزه لو صادق حصاری باوقار

رضوی و میر ر حیم -سیدلر  والا تبار

 صدام نادان  یاتار یاتماز ابوللفضل پرچمی

یئل یاتار طوفان یاتار یاتماز ابو الفضل پرچمی

دیده دوران یاتار یاتماز ابوالفضل  پر چمی

------

جعفری –بیرده علیزاده  -مردان رشید

آفتاب  -جنگی مظفر -عاشقان رو سفید

ایکی مظلومی-حسین پیری اولان حقه مرید

وئردی یکان  کهریز  الله دینینه قیخ بیر شهید

ایران و لبنان یاتار یاتماز ابو الفضل پرچمی

یئل یاتار طوفان یاتار یاتماز ابو الفضل پرچمی

دیده دوران یاتار یاتماز ابوالفضل  پر چمی

-----------

بو شهیدلر وئرمه دی فرصت اویئرده دشمنه

یکان علیادن یرم اوچ تن شهید  سو یلوم سنه

 آلتی تن نوری شهید بوشعرده دم وئردی منه

نبی لو شیخلو  آخوندی چاتدلار خوش ایمنه

عشق بی پایان یاتار یاتماز ابوالفضل پرچمی

یئل یاتار طوفان یاتار یاتماز ابو الفضل پرچمی

دیده دوران یاتار یاتماز ابوالفضل  پر چمی

 

حسین زادیله علیزاده نظری روحی شاد

جوادی - علیا یی- حقی  دنده  اولسون بوردا یاد

مصطفی زاده -حسن جا نجانینین پاک روحی  شاد

اوزلری گتدی  ولی قالدی  اولاردان یاخشی آد

لشگر شیطان یاتار یاتماز ابو الفضل پرچمی

یئل یاتار طوفان یاتار یاتماز ابو الفضل پرچمی

دیده دوران یاتار یاتماز ابوالفضل  پر چمی

 

عابدینیلر  علی  عیوض مثالان وهب

مصطفی زاده خضرلو اوزلری  چوخ با ادب

برگشادی  ومظاهر زاهدان لیل شب

بوللارین هر تک تکی دئر دنیادا والا نسب

فرقه دونان یاتار یاتماز ابولفضل پرچمی

یئل یاتار طوفان یاتار یاتماز ابو الفضل پرچمی

دیده دوران یاتار یاتماز ابوالفضل  پر چمی

 

آفرین احسن سنه اولسون همیشه چایکسن

آلتی  رزمنده شهید قادر حسن زاده حسن

ایکی شیخ بگلو علی میرزالومرد خط شکن

قبو ل ایتسون بو گوزل قربانلاریزی ذو المنن

آهیله افغان یاتار یاتماز ابو الفضل پرچمی

یئل یاتار طوفان یاتار یاتماز ابو الفضل پرچمی

دیده دوران یاتار یاتماز ابوالفضل  پر چمی

 

یعقوب- ابراهیم - مغلواهلینه گتدی شرف

علی اقا اهل سیدلواگتمدی کفره طرف 

دورت شهید گتدی  یکان سعدیدین الحق  جان بکف

جبهه ده جنگ ایتدیلر ایتموبله بیخود وخ تلف

دنیادا هذیان یاتار یاتماز ابوالفضل پرچمی

یئل یاتار طوفان یاتار یاتماز ابو الفضل پرچمی

دیده دوران یاتار یاتماز ابوالفضل  پر چمی

 

آدلاری عباس خدایاری و شهرود  و برجلو

دوردومیجیده  حسن درگاهی اهل سعدلو

دورد عزیز آزاده د  نده  ایلییو م  من گفتگو

قالدیلار زندانیلرده گتدیلر چوخ آبرو

بندیده شیران یاتار یاتمازابوالفضل پرچمی

یئل یاتار طوفان یاتار یاتماز ابو الفضل پرچمی

دیده دوران یاتار یاتماز ابوالفضل  پر چمی

 

بوللارین هردوردی اولدی سربلندو  سر فراز

همتی- موسایی - اهل معر فت  اهل نماز

قاسم بگلودن  - کریمی دن یازام یوخدور نیاز

شهدائیله بولار الحق اولوبلار هم طراز

پایه  زندان یاتار یاتماز ابو الفضل پرچمی

یئل یاتار طوفان یاتار یاتماز ابو الفضل پرچمی

دیده دوران یاتار یاتماز ابوالفضل  پر چمی

===========

یادگاری یاز شهیدلردن سنی مولا علی

ایلیور کفران نعمت یازمویان شاعر بلی

طبعینی کور ایلر  الله لال اولار حتما دیلی

ظاهرا زنده   ولاکن  باطنا  اولموش   ئو لی

درد بی درمان  یاتار یاتماز ابو الفضل پرچمی

یئل یاتار طوفان یاتار یاتماز ابو الفضل پرچمی

دیده دوران یاتار یاتماز ابوالفضل  پر چمی

 

باده بوللاردان آلوب کیم ایچسه دائم مست اولار

بوللارین راهین گئدر  بو للاریله همدست اولار

اوللارین عشقینه قلبی دائما پیوست اولار

یازمویانلار بوللارین شانین همیشه سست اولار

ولماز حق کتما ن یاتار یاتماز ابو الفضل پرچمی

افراط تفریط مجلس ترحیم ها و ------- دئمرم

هر کسین اولماسا ایمانی مسلمان دئمرم 
بی تفاوت اولان انسا نلارا انسان دئمرم

 

من حسین نوکرییم سعی ائدرم دوز دانیشام 
دینی دنیایه سا تانلار کیمی هذیان دئمرم

 

حقی کتمان ایله مم جیفه دنیایه گوره 
حقی اعلان ائدرم باطلی بیر آن دئمرم

 

بیزی عفریت هواو هوس اغفال ایلیوب 
شاهدیم واردی بو عنوانیمه بهتان دئمرم

 

شر قیدن غربه کمیین اولسا اگر سیطر ه سی 
او لسا فرمانبر نفسی او نا سلطان دئمرم

 

علم و بینیشدی کی ایمانی وجوده گتویر
حر فه ای  مومنه من من صاحب  ایمان دئمرم

 

دینی قارداشینا کیم مکر ایلیه عالمده  
ماده رو باه دئیرم من اونا اصلان دمرم

 

تا زما نیکه گوزوه حیله گر انسان گو یو نور  
گو زه گو رسنمو ین اهریمنه شیطان دئمرم

 

 قره کو ینکده اگر گیسه ربا خواره دئیون 

من سنه نو کر سلطان شهیدان دئمرم 

 

نه قره کو ینکی گی اگنیو ه نه ساخلا عزا

 بو خطر دن هذر ایت اولما سا خسران دئمرم 

 

سینه وور سان قره گیر سن نه قدر دوتسان عزا

گر ربا میل ایله سن تابع فر مان دئمر م

 

ای علی شیعه لر ی یو خسولا انفاق الییون

گو رمه سم خر دا او شاقلاری پر یشان دئمرم 

 

 

هر بیر احسانی او را اغنیا دعوت اولونا 

  او نما یشدی اونا سفره احسان دئمرم

 

 اول همسایه سورا دعوت ایله آ یر یلارین

 گلور اعیان اورا گلسه یتیمان دئمرم  

 

بیو ه زن یا که یتیم یو خدی محله نده مگر

  گر چاغورسان اولار ی من سنه نادان دئمرم 

 

 نئچه سوز واردی گرک شعر یده ایراد الییم

قیمتی درک سخندی سوزی ارزان دئمرم

 

تفریط افراطیلر الان چو خالوب جا معه ده 

گو ر مه سم گوز لریمیله  اونی بیر آ ن دئمرم  

 

 ایستور م مجلس تر حیملرین عنوان ایلییم

سوزومی ایتمه سه تصدیق سخندان دئمرم

 

بیرنفر وارلی ویا دوره لی فوت ایتسه با خون 

اولماسا مجلس تر حیمده طو فان دئمرم 

 

نئچه یوز پارچا بنر نصب اولونا ردیواره

 نئچه یوز گل گلوری مسجده هاردان دئمرم

 

گل گلورقیمتی میلیوندان حساب ایت  یوخاری 

خانه صبریمی گر ایتمه سه ویران دئمرم

 

   ایله گللر که اونون  عمر فقط بیر گوندی

  وادی رحمته جان  اولما سا خندان دئمرم

 

  ایاق آتدا اولاجاخ اوردا خزان مطلبه باخ

 قبرلر اوسته اولار تاپما سا اسکان دئمرم  

 

 

ایشلرینلر  نجه اوللاری  یغار من دئمورم 

 اورانین مسئولی گر ایتمه سه اعلان دئمرم

 

  ایله مسجد تانورام یوخدی مفاتحدن اثر 

 بو نیازی ا ئده  کیم رفع اونا  نادان دئمرم

 

 نه اولار گل یئرینه مسجده قرآن آ پاراخ 

بو ایشین اولما سا گر سودی فراوان دئمرم 

 

 مین بنر گل عزیزیم بیر  گنا هی پاک ایله مز

 بو عمل اولما سا گر بد عت ایران دئمرم

 

 ئو له نین اعوانینی بیز نئیه مد یون الییاخ

 بو ایشه جبران اولار اولما سا امکان دئمرم  

 

 هانسی مر جع بو ایشه فتوا وئریب  سویله بو لوم 

 یو خدی بیر فتوا وئرن کلمه یالاندان دئمرم 

 

 سوز بلی چوخدی  هزار حیف که وخ یو خدی یازام

حق سوزون یازمو یانا شاعر دوران دئمرم

 

گلدی قرآن که مسلمان اوخویا عامل اولا

گوز ه گو رسنمه سه نقصان عزیزان دئمرم 

 

هانسی قاری عملی اولمویا قر آن او خویا 

کعبه دن گلسه سسی قاری قرقان  دئمرم

 

بی نماز قارینی دعوت ایلمه مجلسیوه 

او قرائت الیین قر آ نا قر آ ن دئمرم 

 

 بیله فکر ایتمه بهشته آپا راجاخ ئو له نی 

ضرری خیریدن چوخ اولماسا آ سان دئمرم

 

  ایله بول فوت ائده نین قبرینه اودگو ندیریسن

 تقواسی اولماسا داود خوش الحان دئمر م

 

او خشاداجاج باشینی شاه باشینا

گورموشم بو گوزیمله بولون هذیان دئمرم

 

کیشی اولسادئیاجاخ نوکر شاه شهدا

قویماسا گر ئوله نین چیگنینه پالن دئمرم

 

ارواد اولسا دئیاجاخ فا طمییه نسبتی وار

عرشه خوانلار اوخویار بونی  قاسدان دئمرم

 

گر حجابی یوخدی قلبی ولی سالمیدی

گر قیامتده بونا اولماسا رضوان دئمرم

 

نیلسه ایله سین انسان ولی قلبی دوز اولا

بیله انسانلار یوخ حشریده نیران دئمرم

 

او فروع الدینه  باخما ولی قلبین دوز ایله

وئرمه سه گر سنه ویلا حق منان دئمرم

 

آنیوی داغلگیلان  سوورسن نه خلاف ایله گیلن

او خلافلار ی یووالار  سنه قربان دئمرم

 

میز که  تاتدی الیوه پنبیله باشلاری کس

هر خلاف ایلوسن ایله سوزی عریان دئمرم

 

شک ائدن اولمویاجاخدور سنین او ایشلریوه

گله نی وئر گیله قود لاریسین  حیوان دئمرم

 

   هر او چو پانی ساتا دالدادا قوردا قویونی

  آ یر یون ایل سویو سوندن اونا چو پان دئمرم

 

سن قبو ل ایله یو خ اوندا شرف و غیرت دین

سجده ده جان وئره جانانه مسلمان دئمرم

 

هر بیر ایرانلی ساتا اجنبی یه قاردا شینی

  اونا خائن دئییرم ملت ایران دئمرم 

 

 شهدانین قانی جو ش ایلور الان سنگرده 

رخصتیم اولما سا بیر کلمه اولاردان دئمرم

 

  بیری مین اوستونه چیخدی بیری مینلیک ییغدی

 پو لا تعظیم ایدنه بنده منان دئمرم

 

   حیله شر عیله بیر عدده گنه قان سویوری

 دور مویو بدورگوزی بو کلمه نی پنهان دئمرم

 

 اختلاس ایلین هر شخصی اولا ایراندا

  اودی دشمن بیزه من شیطانا عدوان دئمرم

 

 یادگاری دور آدیم هاممی تانور تبریزده

شعر غفارینی اوز آدیما عنوان دئمرم 

 

چو خلاری وعده وئیر مشگولون آ سان ائدرم

 قدر تیمدن  عمله گلمه سه چا خان دئمرم

 

 بو شلاما دردین اگر اولسا حسینون قاپوسون

   اولما سا اوردا اگر دردیوه درمان دئمر م

 

بیرسوزوم واردئیه بولسم هامویا ایلر اثر

  نیلییوم روحیمی ایجیتمه سه وجدان دئمرم

 

  والدینین قو جالان وقته بیری آ تسا اگر

   آدینا هر نه دئیورسن دی من انسان دئمر م

 

  سالمندانه نقد یئر دوز لوب ایراندا  

آدامی اولمویا اوردا ائده اسکان د ئمرم

 

 اما بیر کیمسه نین اولسا ایوی اهل عیالی

  اوردا قاسا اونو ن اعوانینه اعوان دئمر م  

 

رحمه با خ اهل عیاله اوز آتا سین -آنا سین

  آ پارور اول یئره گوز او لماسا گریان دئمرم

 

 والدینین عزیزیم و ارد زندان ایلمه

  سنه ده وار ایله گوندن ولی الان دئمرم

 

 بیزه واجب ائدیب الله اولارین حر متینی

   دو ز قو لاق وئر بوسوزه بیرده تازاشدان دئمرم 

 

   آ نا لارین ایاقی آ تدادی  جنت بونی بول

 انبیادندی بوسوز  بی سر و سامان دئمرم

 

آ نانین قدرین حسین یا خشی بولوب مطلبه باخ

  اولما سا الده اگر عر ضیمه بر هان دئمرم

 

   چا غورا بو لمدی زهرای بتولی ایوینه

 اونی دعوت ایلدی کوفه ده خولی ایوینه 

 

تخت نور اوسته گلوب دخترسلطان انام 

قاپی آ غزیندا کسیک با شه ازل وئر دی سلام

 

  زائر کعبه کیمی داخل اولو بدور حرمه  

قو یدی دیواره یوزون آغلادی آرا م آرام دئدی

 

دئدی  سس وئر نه نه وه ای با شیمو ن تاجی او غول

 عاشقو ن خسته گلو بدور ایلمه سلب دوام

 

  خبر آ لدیم یئر یوی باد صبادن بو گجه   

بورانی وئر دی نشانه منه ای پاک روان

 

  یو لدا هر گل واریدی عطرین آ لوب ایر له موشم

 با غبانم گوزی یا شلی گو لو می آ ختارورام 

 

 نقدر ناز ایله سن ایله قوجاقیمدا اوغول

 منتظرقو یما منی اللی ائلین آ یر یسیام

 

آند وئر م سنی من باشی بلالی با جیوا

 سسیمه سس وئر حسین قلبی یارالی آ نا وام

 

 خانمون آ غلاماقی عرشه گتوردی حر کت

 آز قالوبدور پوزولا طنطنعه نظم نظام  

 

رد اولوب اوز اوزونه گوردیله سرپو ش تنور

  لمعه لمعه گو یه او ج ایلدی لمعات امام

 

 آچیلوب یاره لی لبلر ایله بول گل آچیلوب

 آ نا سین ایتدی مخا طب او شهنشاه عظام 

 

دئدی بسدور آنا جان آ غلاما یاندیر ما منی

  نئیه گلدین بورا ای دخر سلطان انام

 

 او غلوون گوزلری قربان او گلن یو للاریوا 

 یو رو لو بسان گورورم یوخدی آ نا  حال قیام

 

 بو قدر زحمته واللاهی دگلدیوم راضی

   سن هارا مطبخ خولی  ها را ای مام گرام

 

 با شیمی آ ل الیوون اوسته دولاندیر با شیوا

  نئجه شمعین دولانار با شینه پر وانه مدام  

 

حضر ین سوزلری گتدی هیجان زهرایه  

قطره قطره گوزونون یاشی آخوب سیمایه 

 

  دئدی ای درده سالان قدی کمان زهرانی

 آغلیان گوزلریم اولسون  گوزوون قربانی

 

دی گوروم آغلامویاگوز نئیه لازمدی حسین 

 آ غلیان گوزلر ه الله وئر جاخ رضوانی 

 

ولی خوشدور نه نه گوز یاشی توکه اوغلی سیله 

  حیف اولا بو عملین یو خدی بیزه امکانی

 

   پیکر ونده اگر اولسیدی بو ایش اولمازیدی

  قوی دئیوم لر زیه سالسون بو سوزو م دنیانی

 

================

 

افراط تفریط در مجالس ترحیم ها ......ئولن ئولدی قالانین وای حالینا

 

.ئولن ئولدی قالانین ایندی داداش وای حالینا

ئوله نین بیرنفری یانمویاجاخ احوالینا

قارداش باجیلارین حیله گله جاخ اموالینا

باجیلار دا دئیاجاخ تف ده ده وون ساقالینا

اوزی گتدی  بیزی سالدی ولی چوخ درد سره

نجه رحمت اوخویاق بیز بیله دلسو ز پدره

 

حاج علی ئولدی  ولی واریدی نئچه د  کانی

اونون ئو لماقینا شاد اولدی اورکدن قالانی

دئمه دی بیرکسه حتی که ئولو نجه یالانی

معزانین بئلینه قو یمادی بیرده پالانی

قیز گلین داماد اوغول هی صلوات یوللو یاجاخ

قره کوینک قاپی آغزیندا او لاردا   دویاجاخ

 

مش قلونون ئولومی ایتدی بیزی خانه خراب

نه نماز و نه اوروج ایتمدی عمرینده ثواب

نجه اوردا وئراجاخ انکیر و  منکیره جواب

یئری وار دور یازا شاعر بونا بیر جلد کتاب

قلبی بو مرحومون داشداندا بلی  برکیدی

ربانی فکر ایلیردی که بالاین شهدیدی

 

ساغلیقیندا نه اوروج دوتدی نه ده فیلدی نماز

نه بیر ایل نه اوتوزایل گر یازام قیخ بش اولار آز

کیم دوتوب قیلدیراجاخدور اولاری یوخدی نیاز

بونا لازم دگی قرآن  بونا چال دنبر و ساز

بیربو کلمه بونا بسدور یازیلا شعرینده

یومادی حتی خیارو پیازین عمرینده

 

نجه فوته گئدن اعمالی قالانلار ائده جاخ

ئو له نیله اونون  اعماللاری قبره گئده جاخ

بیربیله مشگو لیله سویله معزا نئده جاخ

ربالی پول گوتویه جاخ بونا احسان ائده  جاخ

ئولی یاددان چخاجاخ احسانین فکرینه قال  

بو باهالیفدا گل اوللاری اوزون چوکّویه سال

 

هله قبرین پولی اوللاری بیوک  درده سالار

ایکی ساعت مسجدین قیمتی قلبی یارالار

تنها الله بولر اول خرجی بولار هادان آلار

اللری سینه لر ین اوسته اولار هی چابالار

مفته دور کتده قبیر شهریده طغیان ایلیر

درجه یک اگر آلسان ائوی ویران الییر 

 

سن توجه ایله ایرانمیزین بدعتینه

معزانیندابو مورده باخاق همتینه

نیلسین بوباهالیق باعث اولوب علتینه 

یرمی درصدد ه قویوب عرش اوخویان قیمتینه

ئولن ئولدی قالان اما دوشه جاخ پیچ خمه

ورثه لر چکه جاخ بیر بیرینین اوسته قمه

 

ویلادان حتی گران دور قبیرین هر متری

بوپولی یوخسول و  بیچاره هایاندان گتوری

معزالر بونا خاطر  ئوزون حتی اتیری

باعثی کیمدی بو مشگللری الله یئتوری

قلبیمی قان ایلیور یازدیقیم عنوان گنه ده

((هله وار بیر بولنه مین دانا نادان گنه ده))

 

نه اولار قبر ی بو دولت  ائده  مفته هامویا

لادئمز کیمسه اجل گلسه او وقته هامویا

قبرلرده اولا بیرنوع وطنده هامویا

فرق دا ئولمویا هیچ وقت ئولنده هامویا

یازمویالار نئجه آیه قبیر  داشلارینا

باخ حجابسیزلارینین سن یو لونان  شاشلارینا

 

عرشه خوان هی دیاجاخدور بو حسین فامیلیدی

خانم اولسا دئیاجاخ که حجابی کاملیدی

دوزدی قیلمازدی نماز اما بهشت شاملیدی

بو یالانلار اوآلان پو للارینین عاملیدی

گئده جاخدور بودئیر حتمی خدا  جنتینه

نگران اولمایون اوردا یتاجاخ نئیتینه

 

عرشه خوان اوخشاداجاخدور باشینی شاه  باشینا

قارداش اوندا ووراجاخ طعنه نی اوز قارداشینا

قاتا جاخدور باجی دا زهمار ی قارداش آشینا

آیه ای یازدیراجاخلار  قبیرین باش داشینا

کچلین زلفعلی- کورین اولار عین الله آدی

حشریده معلوم اولار بو ئو لنه  یئر هارادی

 

مسجد ین ساعتی میلیوندان آشار آزدی گنه

آلاجاخ خرماسینین کیلوسون اون مین   تومنه

ایله گللر گله جاخ مسجده تازه ئولنه

بوسوزوم تاثیر ائدر مطلبیمی درک ادنه

نئیه بیر عد ه ای اغفالیده دور باک ایلمز

مین بنر گل عزیزیم بیر گناهی پاک ایلمز

 

گوللری که گله جاخ مسجده اولماز حسابی

سو یلو یللر ئولنه  وار بولارین چوخ ثوابی

نه ثواب بلکه ئولن کیمسیه واردور عذابی

ایله مسجد وارالان یوخدور اونون بیر کتابی

نه اولار بیر نئچه قرآن و مفاتح آلالار

اوخونان وقته اقلا بونی  یاده سالالار

 

گل بنربدعتینی بیز گلون  باشلاردان آتاخ

عوض گل یا  بنر مسجده قرآن آپا راخ

شاعرینده نه اولارعرضینه بیر دفعه باخاخ

معزانی نئیه بیز مدیون ائدیب بوشلی سالاخ

بوسوزون معناسی یونگول دگی چوخ سنگیندی

اوگلی که گتورللر  عمری بیرگوندی

 

وادی رحمته گیت گور نئجه طوفان سالاجاخ

ایشلینلر توانین الدن او گللر آلاجاخ

بیله فکرایتمه ئولن کسله او گللر قالاجاخ

نه قدر گل آپارورسوز ایاق آتداسولاجاخ

من دئمورم سو پورنلرنه دئیاجاخ ئولنه

بوسوزی من یازورام بوردا فقط سوز بولنه

 

ئولن ئولدی قالانی گل عزیزیم ئولدورمه

ائله بیر ایش گوروب دشمنلری  گل گولدورمه

سرّوی گل گیله بیگانه لره بولدورمه  

ئولوی گل اوز الونله داداشیم سو یدورمه

ایستمو ر اوسنین احسانیوی قوی راحت اولا

ایستمور او سنین احسا نین اونا منت اولا

 

او گئدن گئدی قئیتمز قالانین فکرینه قال

خیر و احسانیله  هر دن اونی یر یادیوه سال

گیت معزانین ائوینده دادا شیم گوگلونی آل

پخته اول زندگیده قا لما گیلان دائمی کال

 چوخلاری اللشور الان بیزی اغفال ائله سین

سن ولی همتیله جهدایله یاندیر ده ده سین

 

بارالها بیز ه بیر عقل شعور ایله عطا

بو خرافاتی بیرعده نه اولار باشدان آتا

ایله بیرشی دگی انسان اونی بازاردا ساتا

بیله مشگلری انسان نئجه هضم ایلوب اوتا

کاش بیر قانون اولا ایندی بیزیم ایراندا

ئوله نین اعوانینا امداد اولا هر یاندا

 

ئولنه خاطر او سقّل سبیلی  ایتمه دراز

شهرداری گله عرض ایلییه واروندی جواز

سبیل و سقّلی وئلله اونا قیل گونده نماز

سن اوزون بی نماز اولسان  بو ایشه یوخدی نیاز

ولی افراطیله تفریط گلون ایله مو یاخ

اوزوموزدن مسئله شرعه گئدیب جورله مویاخ

 

یادگاری گه یالاندان اوزووی یور ما گیلان

خلق نیلورسنه نه بدعتی سیندیر ماگیلان

یوخاری باشدا اوتور  احسانی یئه دور ماگیلان

سنه چوخ سوز دئیه جاخلارولی سن سایماگیلان

ملتین خیرینی سن سو یلمه گیت اوز ایشیوه

تویوغون فیله سینی سعی ایله سن چک دیشیوه

 

یازما یارما باشیوی خلق سنه دشمن اولا

سنه نه خلق سئور پیرو اهریمن اولا

بیر قمه باشه وورور  عدن اونا مسکن اولا

یاز گیلان کیم قمه وورسا اونا صد  احسن اولا

نه گنا هلار ایلیوب بیر قمه ایله یوواجاخ

سن دئسنده ووراجاخ سن دئمه سنده ووراجاخ

 

 

 

خدا حافظ اولان سردار دلها

 

خداحافظی از سرداردلها

 

خداحافظ اولان سردار دلها

نئجه سونسون  بو غمده نار دلها

سن اولدون رستگار ای جان جانان

داقالدی  محشره دیدرا  دلها

 

سنه آغلار شهد الر آناسی

چخوبدور یاددان حتی اوز بالاسی

دئیر کتدون سئوال ایله بالامدان

ساغالوب گور اونون  ترکش یاراسی

 

خداحافظ سنیدن مالک ازدر

فراقوندا قان آغلار ایندی رهبر

مثالین آز گلر بیرده جهانه

اگر چه وار یئرینده چوخ دلاور  

 

خدا حافظ اولان قرآنه قربان

سنه مدیوندی چوخلاری نه ایران

خصوصا شامیده زهرای ثانی

گلوب تشیعیوه باچشم گریان

 

مشرف سن سن الان بزم یاره

اولوبسان مثل عباس پاره پاره

ایله بول یوم عاشورادی الان

گلوبدور صحنییه ملت دوباره

 

خداحافظ دئیر ملت قان آغلار

عذاره سیل اشگین هاممی باغلار

دئیه للر سن قالاردین بیز ئو لر دوخ

سینه سین هجر او توندا هاممی داغلار

 

قیلوب تهرانیده رهبر نمازین

ایله دو تموشدی بغض اوردا بو غازین

نه حاله قالدی بیر اللاهی بولدی

ائدنده بدرقه اوز پیشتازین

 

خداحافظ خدا حافظ دل آرا

علینی ای قویان میداندا تنها

 اگرچه سنگرینده واردی چوخلار

سلیمانی اولاللار اوللار آیا؟

 

اطاعت ایلدین  سن رهبریندن

حفاظت ایلدین دین سنگر یندن

نشان ذولقاری وئر دی رهبر

اییلدین اویدون اویدا ا للریندن

 

مقاومت جبهه سینده با شهامت

حضورینله او جبهه تاپدی قدرت

سنی یاد ایلیللر دائم اوللار

ایلدون جان و دیلدن اوردا خدمت

 

عراق - سوریه - لبنان و فلسطین

ادا ایتدی او لاردا بلی دئینین

مسلمانلار سنه آغلار اورکدن

یازنمام من نه قدری وار محبین

 

مدافعان حرمله یولداش اولدون

شهید چوخ وار  ولاکین سن باش اولدون

نه افراط و نه تفریط ایلرم من

حسین ِ عصریوه سن قارداش اولدون

 

قالا جاخ زنده هممیشه مرامین

آتاجاخ گون به گون دوز احترامین

اوخدمتلر که الحق ایلیو بسن

اودور که ذکر اولار هریئرده نامین

 

قان آغلا ر ((یادگار ی)) غملرینده

اشار ه ایلیوبدور شعر لرینده

او قطع اولموش الَن هر وخ باخندا

گو یر  انگشتیده انگشترینده

 

وار اول انگشترین بیر ماجراسی

دوشر یاده حسینون کر بلاسی

کسوب انگشتینی انگشتر اوسته

حیا ایتموب گورو ب آغلورآناسی

 

او بجدلده یو خیدی دین و وجدان

اونون مثلی بو ایراندا وار الان

اولار انگشتی و ئلله باش کسه للر

او اختلاس گرا نه  لعن هرآن