در شان شلمچه و اعزام راهیان نور در ایام عید نوروز به شلمچه
در شان شلمچه
==========
ظاهرا آغوشته خون شهیدانسان شلمچه
باطنا سن رتبه ده فردوس رضوانسان شلمچه
پایگاه عاشقان و عارفان و جاهدان
در حقیقت کر بلای ملک ایرانسان شلمچه
---------
گئچمه سیدی اوردا جانیندان اگر رزمنده لر
بیر فقط الله بولر ایرانه اولموشدی نه لر
شر حینه من عاجزم آیدین یازام اشعاریده
عاقل انسانلار بونی درک ایلیوب حتما بولر
---------
سنده جان وئردی بیرعدده کر بلایه گتمدی
قانه باتدی دشمن قر آنه تعظیم ایتمدی
جان وئرنده هربیری گلدی حسین بالینینه
بو غلط دور کیم دئسه اوللار مرامه یتمدی
----------
سیل کیمی جاری اولوب ملت سنین خاکه ن الان
علتین قوی عرض ائدیم بولسون هامی پیر و جوان
باعثی خون شهیداندور آخوب تپراقیوه
تپراقین ایلوب مطهر اول شهیدان زمان
-----------
عد ه ای عاشق گلر اوردا ائلین تحویل ائدر
عشق و پیمانین او یئرده چوخلاری تکمیل ائدر
آیری بیر لذت وئرر اوردا اوخونسا هر دعا
غیر از عاشق کیم بو اوضانی بولوب تمثیل ائدر
----------
گلدی تبریزدنده چوخلاری اورا مهمان اولا
بو گرامی گونلری اول خاک پاکو نده قالا
قانلی تپراقین اوپه خون شهیدان عشقینه
کر بلا – مکه - براتین اوردا اللاهدان آلا
---------
سنده پاک قانللار آخوب ایرانی رضوان ایلدی
او آخان قانلاردور احیای قر آن ایلدی
گرچه چوخ گوزلر الان یو للاراحسر تلن باخار
فخر ائدر او للار عزیزین دینه قربان ایلدی
------------
چو خ اوغولار قانه باتدی مقصده گر یتمدی
چوخ آنالار قالدی حسرت اوغولونا طوی اتمدی
چوخلاری شمع یاندیریب داماد حناسی یا خمادی
نو عروسین قویدی حسرت حجله گاهه گتمدی
----------
وئر ماروخ عالملره تپراقیوون بیر زره سین
سنده گور سه دی شهیدلر دشمنه اوز اورزه سین
بیز زیارت ایلروق هرایل شلمچه تپراقین
سوتموشوخ چون تپراقان بیز دشمن دین پوزه سین
----------
تپراقین ایرانیلار فرض ایلسه خاک شفا
رتبه ده اما اولانماز خاک پاک کربلا
سن شهیدلر قانیله تاپموسان شان شرف
خون عبا س و حسین وئر موش او تپراقه صفا
----------
اولسا یوز میلیون شهید چاتماز مقام اصغره
حتّی روح الله اوزی ایتدی توسل اکبره
آلدی الهامین اویئردن رهبر اسلامیان
ایرانی الحق یتوردی او مقام برتره
----------
ایندیکی یوخدور یئرینده رهبر بیدار وار
یوخدی چمران باکری مینلر گنه سر دار وار
صحنه ده تک قویماروق بورهبری الله بولور
چو نکه بیزده غیرت عباس وار ایثار وار
------------
یادگارین دا سلامی وار او قانلی تپراقا
چو خ تلاشلار ایتدی امکان اولمادی چون گلماقا
التماس ایتدی بیر عده زائران حقیدن
گلدیلر اول خاک پاک با صفاوی اوپماقا
