یو خسول گرک غم یئسین
یو خسولون عمری نه قدر اولسا گرکدورغم یئسین
نعمت و ناز جهانی پو للولار باهم یئسین
وارلی نین اولادی بال قیماق یئه یر شام و سحر
یو خسولون اولادیده تاپسا اگر شلغم یئسین
هر فقیرین قسمتی تورش پر تقال زار آلمادی
لیک دولتلی داداشلار پر تقال بم یئسین
بش اوشاق بیرده اوزوم قویدوخ بیر از یاغ شورباسی
ساخلا ال آی قیز بیر آزدا قوی گلیب اکرم یئسین
کارگر هر دورده مجبور اولوبدور ایشله سین
اغنیاء عادت ائدیبدور هم قازانسین هم یئسین
هم کلو –هم- واشربو –لا تسرفو عنوانینه
وارلیلار باخماز کاسیب ایتسین قناعت کم یئسین
بیلمیرم مستضعفین اوز حقینی آلماق اوچون
قدّ ی مسکتبر قبا قیندا نه قدر خم یئسین
تاپدی آزادلیق وطن آچدر چیچک لر لاله لر
بیرده مشگول بو چمن گورسون دومانلیق چم یئسین
رسمدور دولتلی اصلا یو خسولا وئر مز قیزین
بیر کاسب اوغلان نه قدری صبر ائدیب چم – خم یئسین
موشگو ل امر اولدی قیز اوغلان ازدواجی واقعا
بیر آغیر مهر یه دن برنامه سی برهم یئسین
هر او کس که فو یماییر بو ازدواج آسان اولا
گوند مین لعنت گرک چون زاده ملجم یئسین
دین حقه ایسته سه هر کیمسنه ضربت وورا
دست قدرتدن گرک بیر ضر بت محکم یئسین
قائمی استاده خدمت ایتمه ین تاپماز کمال
شاعر کامل اودور استاد الیندن دم یئسین
==========