hای کاسب میوه لره باخ
ای کاسیب
=================
ای کاسیب میوه لره باخ اورگین قان اولسون
ایین آل یوخدی پولون دردیوه درمان اولسون
یا گئدیب عکسینی سال ائوده آپار وور دیوارا
قوی او عکسیله ائوین گون کیمی تابان اولسون
یوز دفعه اوپسه الیندن آنا ناس ایتمه نظر
قویما اول رحمسیزی داخل ایوان اولسون
لیمونون آلما خبرقیمتینی قوی قالسون
یئمه اول بی حیانی قوی سنه عدوان اولسون
اوکه موزدور داداشیم صحبتین اصلا ایلمه
غیر تین واردی یئمه قوی گیلا سوزان اولسون
کدونون منفعتی پسته و موزدا ن چوخدی
چغندر آل یئه اوچ اوینا اگر امکان اولسون
یالواریب آغلییاسان سایمویاجچاخ نارنگی
دئیه جاخ قوی منه باخسون گوزی گریان اولسون
آلما -سایما -سن اونی قوی چویوسون دکاندا
شندی وارین خیارینا - اونی قربان اولسون
ویتامین آختاروسان یر کوکو نین ایچ سویونی
آمرود و البو خارا نین دیلی لرزان اولسون
بادمِ هندی یئمه خوی توخومی چیتدا گیلان
فلبیوون درد و غمی سعی ایله پنهان اولسون
سنه تعارف ایلسه- پسته بادام هر یاندا
آجیل آلما گه بوایل خوار اوشیطان اولسون
نفسین ئولدور اولارین گتمه سراقینه بیرآ ن
گردکان پسته بادام قوی باخوب حیران اولسون
فند قیله- میلاغی- میل ایلمه ئو لسنده
شلغمی میل ایله تا عشقیوه برهان اولسون
گل بو فرصت طلب انسانلاری خوارایله گیلن
بهالیق کیم ائدیب ایجاد ایوی ویران اولسون
پر تقال بمی گر میل ائده یوخسول هازمان
یخیلوب توپراقا او گل کیمی خندان اولسون
داش کلمده کاسیبا ژست دوتوری هریاندا
اودا ایستیر کاسیبین حالی پریشان اولسون
آجّا انصاف گنه وار بوندا نقد ناز ایلسه
ائو ین آباد بادمجان سنین هر آن اولسون
شلغمیلن سنی من صاحب غیر ت تانیدیم
سیزه قربان گوروم سیب او لبنان اولسون
تورپیله یئر کوکونی هردن آلیردوخ اوشاقا
یوخسولا ایستور اودا خنجر برّان اولسون
آلمانین انصافی وار یو خسولا هردن باخوری
ایستوری ایلده بیر آی یو خسولا مهمان اولسون
اودا زار آلما یئرن فوری دوشر تیز ا سهالا
داواسین تاپماز اونون حتی که لقمان اولسون
دکترین معاینه سی هئچ- سن داواسین ایله حساب
اونیدا گر تاپا بولسن سنه اَحسان اولسون
آلبالو – اریک الچه گیلاسین کس سوزونی
توت قوروسون خبر آل قیمتی اعلان اولسون
باخ نارین ظاهرینه گور نه دل آرا گویونور
باطنا ایستمور ی یوز تومن ارزان اولسون
کنترل کیمدور ائدن قیمتینی میوه لرین
نه فقط میوه- هامی اجناس ایران اولسون
بیرمثال واردی چکر هامی قدیمدن بوسوزی
آخر شعریده قوی عرض ائدوم اعلان اولسون
پالان ساخلار حماری -دولتی همیشه یالان
بونی قبول ائدر هر کیمسه که نادان اولسون
بو یالانیله پالانلار بیزی سالدی بوحالا یالان
شاداولا ایستییروخ روح شهیدان اولسون
دانیشوم من او تویوخدان یاکه اتدن بوله سن
نه قدر ظلم بیزه ایستوری دونان اولسون
تویوغون قیچلاری سینسین اوچوب هاردا دایانوب
ایسته مور انسین اشاقه اونی سوزان اولسون
قبری اولسون دویی -آ غ لواش اولسون کفنی
یومورتاسی یخیلوب توپراقاریزان اولسون
ائدور اون مین تومن اعلان کیلوسون تلویزیون
هامی سویلور که یئریز دائمی رضوان اولسون
گئدوری آلماقا او ن یدی مین قیمت دئیلور
عار اومسئوله اونون سوزلری هذیان اولسون
داوار و مال اتینین- صحبتینی گل اِ لمه
قوی عراق اهلی یئسین اوللاری شادان اولسون
نقدر گونده حشم خاک عراقه گئچوری
ولی ایرانلی اوزی محتاج حیوان اولسون
هر کس هر جور چاپا یااینکه کسه آزادی
گوزونی پوفلوین اولماز اونون هر یان اولسون
چوبانسیز گلییه ایرانیمیزین اوخشاری وار
قویمو یا دولتیمیز - گلّه سی ویلان اولسون
گله ویلان اولا قودلار دوتار اوندابودورار
گله نی ساخلیا لازمدی که چوپان اولسون
میو ه نی جمله حکیملر یازوری بیماره
دئیور آل یئه قوروموش جسمیوه قو ی جان اولسون
گر دئسن خشکیاتیم وار دئیه جاخ آمروت یئه
تا او زحمتلی ایشین تیز سنین آسان ولسون
قیمتیندن خبری یوخدی یازور نسخه دئیور
او مریضده سووری تابع فرمان اولسون
ای حکیم باشی بیله میوه نی سن که دئیوسن
او کسه دی بو سوزی صاحب میلیان اولسون
آیدا بیر دفعه آلانمور دون ات حتّی ائوینه
سن دئیورسن که غذان جوجه برّان اولسون
او کلو واشربونون آیه سی قر آندا که وار
کا سیبا مربوط اولاندور نه که اعیان اولسون
آنا ناس میل ایلسه یو خسولا چوخدور ضرری
قارپزی میل ایله سین قلبی چراغان اولسون
میوه جات شب شره یوخ اشکای اصلا یئمه سین
نئچه شی وار ولی بوللارگرک ارزان اولسون
سیب زمینی و حبوبات سوغان لازم دور
بولار واجبدی که هر ائوده فراوان اولسون
ایستوری قاوزانا جیران داغینا ایندی پیاز
سیب زمینله بونی خاکیله یکسان اولسون
ایلخچی بستان آبادیله سرابدا اکیلور
مرزلردن گچوری گور هارا مهمان اولسون
زحمتی دایه چکور لذتی داماد آپارور
من یالاندان دئمورم بوسوزی بهتان اولسون
اختلاس احتکار هر کیملر ائدر ایراندا
اولارین ایستروخ حقدن یئری نیران اولسون
نه دی بو ملت مستضعفین الله گناهی
کل نعماتیدن محروم نئیه انسان اولسون
یوخ سوزوم عده ای وار هر نه باشارسا الییور
دادگاهدا گرک هر تک کی دیوان اولسون
هانسی مسئول اورگی یانماسا اوز ملتینه
بار الها اونی رسوای بودورا ن اولسون
صبرائدور رهبریمیز علتی واردور بولورم
قویموری ملتیمیز وارد میدان اولسون
صندلیندن چکوب سالسون یئر مزدور لاری
اوللارین حقّی دور اوز قانینه غلطان اولسون
بو شهیدلر قانی والله دوتا جاخدور اولاری
آیا نصافدی هدر خون شهیدان اولسون
یازموشام بو شعر ی من طنز دگل یابن احسن
قلبیمون سوزلری دور ایستدیم عنوان اولسون
ملت ایرانین ایثار ینه سن شاهدسن
جانیوه فدیه سنین ملت ایران اولسون
((یادگار ی ))دم آلوب آذرینین شعریندن
قالسا شاد – ئولسه اونا رحمت منّان اولسو ن
