وصیت فاطمه به علی
اولوبدی بزم فراق هر ایکی دل آرایه
بیله وصییت ائدردی خانم اومولایه
اونون وصیتی قلب امامی داغلاردی
همان وصییته مولا اوزیده آغلاردی
اگر چه وقت آزیدی چوخلی سوز لر ایتدی بیان
نئچه سینی اولارین شعرده ایلورم عنوان
گجه زمانی منی غسل ایله اوزن ایوده
منیم بوسوزلریمی قو یما سن قالایئرده
ایلکه غسل ایلدین سن گجه مزاره آپار
اوزون نمازیمی قیل قاز گیلان بوزاره مزار
دئیو بله اوغلان اوشاقی یتیم اولار آتادان
اولار یتیمه بلی قیز عیالیده آنادان
آنا یئرینی اوغول بوش گویر کناره چیخار
نجه اولار قالا ائوده باشی کسیک قیزلار
منیم وصایامامولا اوزون وفالیق ایله
منیم بودوت بالاما سن اوزون آنالیق ایله
کیم اولسا همسرین لطفی بولارا شامل اولا
آنالیق ایلیه زحمتلرینه قائل اولا
حسینیمو ن بولوسن یوخ عطشلیقه توانی
باشینین اوسته سو قویسون اونون یاتان زمانی
بولورسن ئولسم حسن قلب عالمی داغلار
او کوچه یادینه دو شدو قجه قلبدن آغلار
مبادا زینبیله کلثومی گوزو ندن آتا
اولارین قو یمویا تا زفلری غباره باتا
منیم بو آیریلقیمدا اولار غمه باتا جاخ
من اولما سام بالالار بولمورم نئجه یاتا جاخ
جوان عیالی ئولن اولماسا بونی بو لمز
یتیم اوشاقلارین عالمده هیچ یوزی گلمز
آنانین آیرلیقی قیز لارا چو خ ایلر اثر
غروب اولاندا سولار گل کیمی اولار پرپر
آنایئرینه باخار دالدادا گئدیب آغلار
گور نده بو ش یئرینی قلب زارینی داغلار
منیم بو عرضیمی قبو ل ایله حسین جانی
اوزونده کر ببلایه گل ای وفا کانی
کسنده شمر باشین قان آ خار بیابانه
اوزمده گلم حسین- جان وئرنده افغانه
بوزفلریمی او قا نیله ایلرم الوان
بهشتیدن گلرم مطبخه اوزوم مهمان
سالارام شور نوا اوردا غملی منزلینه
گلرم شام غریبانه خولینین ائو ینه
ولی ازلده ابو الفضلی ایلرم من یاد
دئیورم ام بنینه ایوین اولا آباد
ادامه وئرمه شعره یادگاری ال ساخلا
حسین نه امر ائده عباس ائدر بلی اجرا
اولار که ایستور وری شیعه نسلینی قیرسون
کمر لریندن اولارین آقام اوزی وورسون
اولار که ایستوری ایراندا تخم کین اکسین
اولارین حضرت عباس ریشه سین کسین
اولار که اختلاس و احتکار ائدیر هر آن
اولار دور ایستوری ایرانی ایلسون ویران
اولاری کاش اولا رسوا هامی بوگون تانیا
اولارا اولمویا میدان بوایرانی تا لییا
اولار دی دشمن قرآن دین نه آمریکا
گرک دئیاخ ئولوم اولسون همیشه اوللارا
