شهید عزاسیندا
گرک سهیم اولا ملت شهید عزاسیندا
ائدر ملائکه شرکت شهید عزاسیندا
==================
شهید شاهدسیمای ذات یکتادی
شهید جلوه خورشید عالم آرادی
ملکدن حتّی مقامی بیوکدی بالادی
شهیدجمله ارواحه حکم فرمادی
تاپاللاروحیلر عزت شهید عزاسیندا
---------------
شهید نمره آلار بیست امتحا نیندان
خدا یولوندا چکرال عزیزجانیندان
یازار شهادته تفسیرپاک قانیندان
ائدر ملائکه تقدیس آرما نیندان
تاپاللا فیض شهادت شهید عزاسیندا
شهید جانینی قربان وئرندی قرآنه
وطن یولوندا باتار لاله تک قیزل قانه
شهیدلرین قانی دور پشتوانه ایرانه
وظیفه دور بو عزالرده شرکت انسانه
وئرون عزالره زینت شهید عزاسیندا
شهید لری که آلوب حی تعالادان پاداش
اولار وئریبدیله باش ساخلییا بو ملت باش
شهیدا عزاسینا گل غفلت ایلمه قارداش
بولارا کیم توکه بیر قطره گوزلریندن یاش
آلار برات فضیلت شهیدعزاسیندا
گل ایلمه سنی تاری بو نعمتی کفران
وظیفه دور سنه –اول خدمتی ایله جبران
شهید اولوب منه نه -ایتمه اول کلامی بیان
نظاره ایلییوری اوزلری بو بزمه الان
گل اگلش ایلمه صحبت شهید عزاسیندا
بورا گلنلره الله اوزی عوض وئره جاخ
اولاندا حشر اونون سودونی یقین گو ره جاخ
اولار که گلمدی واحسرتا اوگون دئیه جاخ
دوباره خالق حقدن او عدده ایستیه جاخ
دئیریت گلوب ائداخ همت شهید عزاسیندا
بشر بو بش گونی عمرینده ناخلف اولما
نه اختلاس ایله نه مردمون قانین سویما
نه احتکار ایله ارزاقی انبارا وورما
اوزوندن لطف ایله بدعت بودینه سن قویما
گل ایله صدقیله خد مت شهیدعزا سیندا
نه اختلاس ایله نه احتکار بولاردان اوتان
بو لار گئدن یولی گئت اولما پیرو شیطان
قبو ل ایله سون اعمالین حضرت منان
شهیدلرین قانی ایلوبدور ایرانی رضوان
صداقتین ایله اثبات شهید عزا سیندا
شهیدلری سئون راه شهیدیدن چیخماز
دوشنده فرصت اله دینی قارداشین سیخماز
اولاندا کشوری تحریم ملتین یخماز
شهیدی ایستین حی تعالادان قو خماز ؟
اولار مریضه طبابت شهیدعزاسیندا
بویاد واره لره هر اوکس اولار بانی
بونی قبول ایله سون شاد ائدور شهیدانی
شهیدلرین قانی دور ساخلادی بو ایرانی
سیزی دعا ایلسه گر شهیدلر اعوانی
خداده ایلر عنایت شهید عزا سیندا
یارالی قلبلره گلماقونله قوی مرهم
منافقین ایله گل نقش شومینی برهم
سئو رسن بوللاراولا اورداسنله گرباهم
بولارشفاعت ائدر امته نه تک – درهم
آلارسان حّتی که جنّت شهیدعزاسیندا
منیم عرایضیمی حاضرین الان اشیدی
وبیرده صبط الییربو یئرین الان مسجیدی
بیله خیال ایلمه بوگئچن زمان قئییدی
بویادگاری فدا اوللارا که وار شهیدی
تاپوبلا عشقیله شهر ت شهیدعزا سیندا
سوزومی قورتایورام با اجازه شهدا
امام امتیله روحلاری گوروم شاد اولا
گرک شهیدلر آدی بو جهاندا زنده قالا
امام عصریدن الهامینی بو طبعیم آلا
ائده بو طرزیله نیّت شهید عزا سیندا
اون آلتی اولدی مخمس بو شعر تعدادی
اوچون کریمی دئیوب وار مقام استادی
آتاسی شاعر و روحانییدی خوش یادی
سلام حضورینه اولسون ایشیم یوخ هار دادی
وئریبله طبعینه قدرت شهیدا عزاسیندا
----------
