امداد ایله حق پر چمینه
ای حسین عاشقی امداد ائله حق پرچمینه
دینووی ساتما ساتانلار کیمی زر درهمینه
مرتضی مثلی شریک اول فقرانین غمینه
کربلا مکتبی چون مکتب حریتدی
اولین درس حسین ابن علی غیرتدی🌹
دئمه مختومه اولوب کرب و بلا جریانی
نقدر واردی هله ظلم و ستم بنیانی
کربلا نهضتینون اولمیاجاق پایانی
بیز اگر یاتسوق حسینون علمی یاتمالیدی
خون پاک شهدای علوی باتمالیدی🌷🌷
آغلاماق دوزدی نمودار شرافتدی بیزه
یوخ سوزوم گوز یاشی غیرتدن علامتدی ببزه
دوزدی ترویج عزاداری رسالتدی بیزه
ولی حقین ایوی ویرانه دی معمار ایستر
کربلا لشکری مردان فداکار ایستر🌷🌷🌷
سوروشوبسان هئچ ئوزوندن بو سوزی پنهانی
اولسا تکرار اگر کرب و بلا جریانی
لشکر ظلم احاطه ائلسه میدانی
قالاجاقسان چکه سن زهرلی پیکان یارادان
یا قاچانلار کیمی سنده چیخاجاقسان آرادان🌷
یاخچی فرصتدی بو سوداده محک وور ئوزووه
قویما پرده چکه رویایی مطالب گوزووه
ویرمه احساسووه فرصت قاریشا حق سوزووه
باشلاری نیزه ده گورسیدون اگر نیلردون
زینبه قمچی دگنده نه کمک ایلردون
کوفه لیلر کیمی سنده گوزوی یا شلاردین
دیگوروم سنده اوباشلاراوگون داشلاردون
ظلمی وی سنده علی اولادینا باشلاردان
اختلاسیله سویاردین اولارین قانلارینی
احتکاریله آلاردین اولارین جانلارینی
ائوین آباد اولا غفاری سوزون واراثری
گرچه بیر عده یه اولماربو شعارین ثمری
اولارین کور اولوب بسکه بوگون دیده لری
اولدی تکرارهمان کرببلا واقعه سی
هره نین بوجوره اولدی بوزمان معامله سی
بعضی ایشلردن بوایرانیده چوخلار گوردی
یوخ ایشیم عدهای باخدی بونی حتی گوردی
بیر نظر سالدی تنوره که گوروبدور گوردی
دئی به به نه گوزل ایندی چورک یاپمالیدی
بازار آماده لشوبدور نه دولار تاپمالیدی
انقلاب چوخلارینین قلبینی ایتدی یاره
بیری مین اوسته چیخوب جسمی اولوب صد پاره
بیریده مینلیگی جمع ایتدی ووروب انباره
آنینی داغلادی مردم اونا باور ایله سین
نه باشارسا وطنه حتی اوبی عار ائله سین
رهبری که اونا پیغمبریمز فخر ایلدی
رهبری که اونا ملت هامی لبیک سوئلدی
گوردولر کاخ ستمکارلاری یخدی اله دی
نئیه وجدانیمیزی دینیمیزی گوزدن آتاخ
نئیه اول خدمت ارزنده نی یاددان چیخاداخ
دئدی بوزهردی ایچدیم بونی عاقل قاندی
او قانانلار اونون احوالینه آغلو ب یاندی
آتدی بیر عدده وجدانینی اما داندی
او دئین خطیه گئدسیدی اگر دولتیمیز
راحت اسوده یاشاردی بوزمان ملتیمیز
ایندی که یوخدی خمینی ولی خامنه ای وار
گلون اللاهه گوره بیزلر اولاخ رهبره یار
چوخ تلاش ایلوری بو ملتی ایتسون بیدار
باخما بیرعدهای مسئولارا اوز فکرین ائدر
چاپار ایرانی ولی اعوانی خارجده گزر
شیطانا عده ای ایراندا بلی سویللّر
اختلاس احتکارحتّی که اولار ایللّر
باشلاری اوسته اولار اللاهیدا گور مز لر
بیری قان سوردی بوایراندا بیری قان وئردی
بو قبیح اعمالی ایرانیده چوخلارگوردی
قاوزانور گویلره یئر لردن الان آه نوا
اورگ ایستور بو مصیباتی گوره هم دایانا
هامی یئرکر ببلای هامی گون عاشورا
باخ سعودی نئجه تیشه ووروری ریشه میزه
عمره لازم دگل قبول ایله سن ایندی بیزه
دئموری شاه شهیدان بیزه خاموش اوتویون
آنیزی داغلایون بومردمه پاپوش توخویون
نه فقط ایوده -گئدین نیزده قرآن اوخویون
((قاریشوب حقّیله باطل آیران لازمدی))
((آغلاماق وقتی گچوب مر د بیان لازمدی))
یادگاری اوپ او غفارینن همّیشه گوزون
ایله استقبال ا ونون سن هامی اشعارداسوزون
شعرانین بلی تعریف ایله هر یئرده دوزون
حقّی کیم یازماسا شاعر سوئلمه سن آدینا
چاتماسون حی تعالی اولارین امدادینا
