بامادور
بامادور
((نه گلوب باشیوا یوخ دور خبرین ای بامادور
((اویناما ایلمه چوخ اورتادا نای نای بامادور
((اوزمان که اوجوزاولدون سنی دهقان داشیوب
((کئردیدن گونده توکردی چوله تای تای بامادور
او گونون یادیوه سال چولده قویوندا یئمدی
یای چخوب قیشدا اولوبسان بیز اوچون آی بامادور
ای باتار گونده چیخار سن گل اوزوندن چیخما
اوندا توپراق توکرم اوستوه مین لای بامادور
بنابین زعفرا نی سن کیمی رست دوتموری هئچ
آرباطانیله ائدیب یامچی سنی های بامادور
او تویوخلار زیلی دور گور سنی مست ایتدی نجه
دوستدا دشنده دئیور باخ نجه – اوینای بامادور
قوی زما نی گله -ای ای- ایله یا کیشنه گیلن
چوخ قالو یازه هله ایلمه فوّای بامادور
قیش چیخاجاخ قالاجاخ یوز قرالوخ سن کوموره
بیرگونی سویلویاجاقسان که ددم وای بامادور
وجدانی هر کسین اولسا سنی قویماز ائوینه
کیلون اون سگیزه چخدی سنین ایوای بامادور
دوشه جاقسان سنی تختدن بولورم مثل سوغان
تعقیب ایلور سنه چاتمور موزولان نای بامادور
((پولا خاطر سنی دهقان بوکوری آغ کفنه
((گوندئییر پوللولارا وا رلی لارا پای بامادور
((ایله که قیر وئروسن گوزله خیار قاو زاناجاخ
((ائده جاخ خلق آراسیندا سنیده زای بامادور
سعی ایله قویما خیار قاوزانا طغیان ایلییه
ایستوسن دورمویا یئردن سوئله لای لای بامادور
((باها لاندین نئیه ایندی بیزه قاش گوز آتوسان
((حسابا سالموسان اصلا بیزی سن ای بامادور
پیس رئیسلر مثلی کار کاسیبا باخمورسان
بیله گتمز دولانار بیرده گلر یای بامادور
((عجله ایلمه واردور هله پیس گونلریمیز
((چیخما یولدان گوزلیم بیز لریده سای بامادور
((دوزدی بنزین گجه قاوزاندی که سن یاتموشودون
((قویما ریش خنده خیال ایتمه بیزی گای بامادور
((اوینویوب ایندی یر آلمالاری یولدان ایلمه
((یوخودان دورسالا وئرمزله سنه های بامادور
شعل غمین داش کلمین دردی گلردی جانیوا
آپاراردی سنی دریالره سیل -چای -بامادور
یئمدی یاردا سنی دهقا نین حتی اولا غی
ایندی میل ایلور عربلرسنی \پای پای بامادور
((عقلین اولسون دولارا سکیّیه ساتما اوزووی
((سنه آینده ده ملت وئر ه جاخ رای بامادور
اوز اوزندن نئیه چیخدین هله رای ییغماموسان
پیس حمارلار کیمی گل ایلمه ای ای بامادور
هله میدان سنین دور بو یازیخ ملتی چاپ
کیم دئیردی سنه آتلار کیمی کیشنای بامادور
((ایله ایش گورمه که مجلس چکه استیضاحه
((ایش اورا چکسه سنه اوندا اولار وای بامادور
قورخورام رای قوتولجاخ بیزی گوزدن آتاسان
ائدسن یو خسولا خاطر قولاغین کای بامادور
رای یه خاطر گل اقلا بیزه ناز ایلمه چوخ
رای یغ گیت گیله اوترشیده ایچ چای بامادر
((با خ کدو قارداشیوا بیرده بادمجان باجیوا
((ایلیوللربیزه حرمت نه که بای بای بامادور
((بیر یومورتا منیم روزیمدی بیر ده که سن
((اولماساز سیز داخی شاعر چکر آخ وای بامادور
((التماس ایلوری الان خیار باخمو یورام
((سنی آتسام اولارام منده سنه تای بامادور
کبابیله سنی گیت میل ایله سین بیگانه
خلق آراسیندا اوتان چکمه گیلن جای بامادور
سنی اغفال اولانلار ائدیب اغفال بوگون
گنه یای گلسه اولارسان اوگونه تای بامادور
((چوخلار ائللر بویی حسرتدی اته یا تو یوغا
((بیله گتسه ن گوجی چاتماز سنه ده دای بامادور
((ای نجفلو بو ریاستلره بیل باغلاما چوخ
((گنه دهقان دئییاجاخ بیرگجه نای نای بامادور
یادگاری دی سنین شعریوی استقبال ائدن
اونودا جانه گتوردی - اولا - رسوای بامادور
اوتوزدورت بیته یتوبدور بوشعرین تعدادی
اون اوچون یازدی نجفلو اولا ساغ- وای- بامادور
