ولادت مهدی موعود امام عصر
ولادت امام زمان عج
==========
یتیشدی نیمه شعبان طبع روحه توان گلدی
ائله بول مرده جسمه روح گلدی تازه جان گلدی
اولوب دل قلبدن خوشحال دئدی یارب ائوین آباد
عنایت ایلدین بو طبعه عشق جاودان گلدی
شکسته پر لریم گوردوم اولوب اوچماقا آماده
اوچور طبعیم منیم گوردوم هواده یئرده دریاده
دو شه ندیم سجدیه شکر ایلدیم خللاقه روئیاده
اویاندیم خوابیدن گوردوم بیابانلار چیچکنمیش
تمام خارزار و شور زارلار حتی گلنمیش
دونوب داغلار باخدیم گوردوم اولموش لاله وسنبل
وورور قه قه گوز ل کهلیک اوخور آوازیله بلبل
چمن گل باغ گل دشت و دمن اولموش سراسر گل
طبیعت رنگینی ایلوب عوض دنیا چراغاندی
دوتوبدور عطر دنیانی هامی شاد خراماندی
سوروشدم بیر نفردن من نولوبدور نیمه شعبان
جوابی گلدی بولموزسن مگر ای بی خبرانسان
گلوب دور صبح دمده عالمه بیر حجت منان
قدم دنیایه قویموش سامرا شهرینده اول مولود
اودور غیث زمین غوث زمان هم مهدی موعود
اودور یار ضعیفان حافظ دین حامی قرآن
اودور اللاهه حجت یئر یوزونده قاطی برهان
حسن العسگریلن نرجسه لطف ایلیوب سبحان
شجاعتده مثال مرتضی دور حیدر و صفدر
جمالی گون یوزی آی دور رسو ل اللهه چوخ بنزر
یئری وادور گلوب لعیا اولا بو طفل اوچون دایه
تمام عرش و فرش اهلی گلوب یکسر تمنایه
قدومی تا وئره زینت اونون عرش معللایه
مقامه باخ حسین تک ایلیوبدور گوگلره معراج
بونو ن اولماز جهاندا ریزه خواری شاهلارا محتاج
بونون حسرت چکر گورسون جمالین یوسف کنعان
جلال شانینیه مو سائیله عیسی قالار حیران
بونون حبی قوتاری حضرت ابراهیمی اوددان
بونون آدین چاغوردی آصف ابن برخیا اوندا
سبادن تخت بلقیسی قویوب بزم سلیماندا
او گونکه امر خالقلن ظهور یلر بودل آرا
نماز وحدتی بیت خدده ایلیر بر پا
ازلده اقتدا ایلر امامه حضرت عیسی
گلر چوخ چوخ نبی اوردا امامه گل نثار ایلر
رسول الله علی المرتضا چوخ افتخار ایلر
توسل ایلییر ایوب و یونس حضرت یحیی
ذکریا و الیاس نو حیله هم حضرت عیسی
هزاران دردمندین دردینه ایلر دوا حتی
بونی الله سئور ساخلوب ذخیره دینه قر آنه
وجودی افتخاردور شیعیانه اهل ایرانه
اماما سن آنان زهرا ظهورینده ایله تعجیل
احبانی سئوندور مکتب کفری ایله تعطیل
مسلمانلارا ظلمون قویما بی دینلر ائده تحمیل
بو گون مظلوم قالوب گریان اولوب ظالملره میدان
نئچه یوزلر نفر گونده اولاللار قانینه غلطان
مسلمانلارین امیدی جهاندا مهدی جان سن سن
رضا اولما مسلمانلار نابود ایله سین دشمن
ظهور ایلوب علینین ذلفقارین دشمنه چکسه ن
دا اوندا غاصب اسرائیل جهاندا عهدینه یتمز
اوزونه قدس الا اقصانی اوبی دین پا یتخت ایتمز
دا اوندا کافر جانی حدود شر عیدن گئچمز
دا اونداد اعش بی دین مسلمان قانینی ایچمز
دا اوندا اوچ ابر قدرت مسلمانلارا دون بیچمز
عدالت بر قرار حتما اولار دنیاد هریاندا
سیزین بو شاعریز مشهور اولار حتما بو ایراندا
بوگون ایراندا- دنیاده سنین چوخ انتظارین وار
بسیجین ارتشین خط سیندیران چوخ پاسدارین وار
وطنده یئرمی میلیون تن مسلح جانثارین وار
اماما کوفیان تک اولمار ایران اهلی شرمنده
امام و مقتدا سن سن – سنی بیز سسلروق گونده
اوتانما یادگاری دردیوی ایت شعریده اعلان
دواسیز ددلره ایلر دوا بو حجت یزدان
بونون جدی نماز اوسته ائدیب انگشترین احسان
توسل ایلییر هر کیمسه صدقیله دئیر مهدی
برات کربلا-شام و – بقی حتمار وئرر مهدی
