رمز عشق

رمزعشق

 

عاشق اودی جاندان گیچه جانانینه خاطر))

باش فکرینی باشدان آتا پیمانینه خاطر))

عاشق اودی هر درد و بلایه اولا صابر))

بو یولدا قصور ائتمیه ئوز جانینیه خاطر))

 عاشق اودی سنگرده قیلا عشق نمازین))

قانه بویانا دینیله قرآنینه خاطر))

===========

عاشقدی سلیمانئیله بلی شهیدلر

هر تک تکی جاندان گیچوب ایرانینه خاطر

سردار سلیمانییه رحمت ائده الله

نابود ایلدی داعشی  طغیانینه خاطر

احسن اونا زینب دئدی  سوریه ده  حتی

تجلیل ایلدی اوندان  او میدانینه  خاطر

زینب بونی معناده سلیمانیه سویلر

خدمتلری که ایلوب او  قرآنینه خاطر

بوینومدا دئیر حقی وار جبران ائدرم من

محشرده بونون خدمت شایانینه خاطر

چوخلاری او یئرده منه خاطر شهید اولدی

جان وئر مه دیلر  خالقین رضوانینه خاطر

رغبت ائله مز جنت الاعلایه شهیدیلر

جان وئر دی اولار تک تکی منانینه خاطر

قر آنیله دین اولماسا  رضوان نئیه لازم

رضوانی وئرللر شهیده قانینه خاطر

رضوانیدن اعلادی شهیدلر قانی والله

الله یارادوب اول یئری مهمانینه خاطر

کیم جنته خاطر دئسه بوللار گئدیب ئولدی

غافلدی شهیدلردن او  هذیانینه خاطر

چوخلار آدین عاشق قویوب  البته یاراشماز

عاشق اودی جان بذل ائده جانینه خاطر

اصلی کرمی بعضی یازور شعریده عاشق

بی ارزش اولور یازدیقی عنوانینه خاطر

مجنون اولا -لیلی اولا= یا شیرین و فرهاد

هانسی بویانوب قانینه فرقانینه خاطر

چوخ چوخ قالوری میثمه منصور یتیشون

دار دان آشیلوب اول  شه مردانینه خاطر

عاشق یازا هر کیمسه زلیخایه غلطدور

 عاشق اولا بولمز  بلی  زندانینه خاطر

عاشق بونا یازما بونا یاز بلکه خریدار

عشقی ایلدی خوار او طغیانینه خاطر

اون بش ایلی زندانیده یوسف نئیه قالدی

بلی دئمدی چون  قوی عدوانینه خاطر

سوریدی اونون عشقی  اوعاشق اولا بولمز

رسوا گر ک اولسون اونی بهتانینه خاطر

کیم فاسقه عاشق یازا واللهی چتیندور

دوزخده یانار یازدیقی  دیوانینه خاطر

من ایستورم عباس دخیلی اولام الان

 یازدقلاریمو ن ثابت و  برهانینه خاطر

جناته نئیه باخماد ی قارداشی بیوردی

باخماز بلی جناته او سلطانینه خاطر

جنات جمالیندی  دئدی سیدی  مولا

باخمادی بهشته شه دورانینه خاطر

 سندن چووروب یوز باخام هیهات بهشته

سودا ایله مم عشقیمی رضوانینه خاطر

مولا نه وصیت ایلدی آخر عمری

جانلار اولا قربان او نا فرمانینه خاطر

سن سرور عالم بو حسینیم سنه سرور

تک قویما اونی دشمنین اعلانینه خاطر

قارداشون حسینه وئرورم من سنی نوکر

بو مطلبیمی حفظ ایله پایانینه خاطر

او قوللارین اسباب شفاعت ائدر اوردا

فخر ایلر آنان حشرده قربانینه خاطر

زهرا بیورار ام البنینیه ائوین آباد

دورد اوغلوی وئردین دینین ارکانینه خاطر

رزاقیدن الهامینی بو یادگار آلدی

پاسداریدی جانباز اولوب  ایمانینه  خطر