شان علی اکبر از خاکی و یادگاری اکبر ادی دفتره پیرایه دی
شان حضرت علی اکبر و روز جوان ولادت او
اکبر آدی دفتره پیرایه دی
نقل دهن مردم دنیایه دی
بو آدی سعی ایله وضوسیز دئمه
مصحف عز و شرفه آیه دی
کیم بو آدین حفظ ائلسه حرمتین
حشریده زهرائیله همسایه دی
ذکر ائله بلکه گله آغزون دادا
طعنه سی چون شهد مصفایه دی
یردن اوجالمیش بوآدین جلوه سی
نور ولا طاق ثریایه دی
سرو رواندی بو آدین صاحبی
استنادیم قامت رعنایه دی
شاخه طوبائیده حیران ایدوب
سرولرین باشلارینا سایه دی
نزد خداده بو آدین صاحبی
صاحب اوزی رتبه ی والایه دی
بهر شعور و ادب و غیرته
لعل بداخشان و گرانمایه دی
قامت رعناسی ستون کعبیه
قاشلاری محراب مصلایه دی
سهلیدی آی بلکه گونون طلعتی
چهره نورانی سینه سایه دی
یوسف اگر حشره کیمی دلستان
قبریده دل داغلی زلیخایه دی
یوسف مصری اوزی مین عشقیله
مشتری اکبرده کی سیما یه دی
هرنه گوزل واردی بو عالم آرا
غبطه سی اول حسن دل آرایه دی
عشقی بو گون شیعه لره اعتبار
مهریده محشر گونی سرمایه دی
نور بصردی آقامیز حیدره
میوه دل حضرت زهرایه دی
کیم قد و بالاسینه باخدی دیدی
اوخشاری چوخ سید بطهایه دی
خلقاً وخلقا عمل و منطقاً
بنذری بو دهریده طاهایه دی
شر عدودن بونی حفظ ایت خدا
نور و ضیا دیدهء لیلایه دی
روز جزا شیعه لرین حاجتی
بیر فقط اکبرده کی امضایه دی
==========
بنزری چوخ وار باباسی خاتمه
عشقی هامی دیللره پیرایه دی
کیم گئده اکبر یولونی دنیادا
سلطه سی بلی که بو دنیایه دی
اکبر آدی دیلده کیم اولدی شهید
عزت و شانی بلی عقبایه دی
من دئمورم گیت شوروش عباسیدن
عشق اونون بو مه سیمایه دی
آی بونا یازمام نئیه وار علتی
غبطه سی خورشیدیله هم آیه دی
کیم یوزینه باخسا بونون حذّائدر
صو رتینین بنزری طاهایه دی
میلادی اولدی نئیه روز جوان
رکن دور اوللارا - علی پایه دی
هانسی جواندان گئدیب ایتسن سئوال
فدیه دئیر جان بو دل آرایه دی
شان و شرف گتدی بو آد بیزلره
نور وئرن دیده اعمایه دی
آییله گون بوندان آلار نورینی
نوری بونون عرش معلایه دی
کیم بو آدا عاشق اولوب قلبدن
عشقی اونون حضر ت مو لا یه دی
فاطمییه هم بابا دور هم نوه
روح روان بوبالا لیلا یه دی
کرببلا شاهی آتاسی حسین
عمه لری مر یمه هم پایه دی
جنگ فنونی وئریب عباس اونا
جنگیده تقلیدی او سقا یه دی
بکری سالا ن وقته علی تپراقا
گوردی مسلط هامی دعوایه دی
چونکه حسینین بوبیوک اوغلیدی
حتی شبیهء گل زیبا یه دی
یادینه دوشسردی کیمین مصطفی
اکبره سو یلردی او مه پا یه دی
شبه پیا مبر له بو مشهور اولوب
عترته بو لعل گرانمایه دی
جنت الاعلاده ده یوخ تالیسی
زینت اولان گنبد مینایه دی
باخ بو جوانلاراریوا هیئتئد ه سن
الطفاتون باشلارینا سا یه دی
روز جواندور بولارا عیدی وئر
چاره لری بیرجه تمنا یه دی
اون بیر شعباندی سنین میلادین
تبریکیمیز حضر ت زهرایه دی
روز جوان اولدی سنین میلادین
فخر الییر لعیا گوره دایه دی
بیز سنی وئروق قسم اول اصغره
مبتلا چوخلاری کر ونایه دی
ایسته خدا حل ائده مشگلری
چشم امید سن شه والایه دی
هرنه یازا خاکییله یادگار
قطره مثال سوزلری دریایه دی
