وجدانی ساتار = درمور انسانهای نمک ناشناس و اختلاس -شان حضرت علی و گریز به حضرت فاطمه
نادر صمدی اردبیلی و محمد یادگاری
.
بعضی بیر منصبِ بی ارزشه ایمانی ساتار
حقی پامال ائلیر قدرته وجدانی ساتار
رائینی حتی ساتار یر نئچه یوزمین تومنه
رای دئمه سویله او امضانی ساتار .سن اونا
سعی ائدر دهریده بیر منصب والا قازانا
هدفه چاتماقا یوز مین دفعه قرآنی ساتار
میزه قربان الییرهم ده ده سین هم نه نه سین
او ریاستدن اوتور یوسف کنعانی ساتار
رای ییغان گر کیشی اولسا بو سوزی ایله قبول
نئچه یوز رائیه گوره حتی ذلیخانی ساتار
تشنۀ قدرت اولانّان گوزلیم فاصله دوت
زرو زوریله گوررسن هامی اعوانی ساتار
مجلسه وقتیکه گتدی سنی والله تانیماز
دشمن دینه گویر سن سنی پنهانی ساتار
ایکی عامل زرو تزویر یخوب دینون ائوین
گر بولار باهم اولا نیرانا رضوانی ساتار
. بیری پول دور بیری روحانی نما عالمده
خاطر سیم وزره شاه شهیدانی ساتار
دی گوروم قدرتین آیا نقدر لذتی وار
چاتماقا قدرته حتی چوخی تقوانی ساتار
شریحین شرح حالین هاممی بولور عالمده
در نابه او خبیث سرور بطحانی ساتار
کیم دئیور کسدی حسینون باشینی نصرانی
هاردا نصرانی اولان دیر و کلیسانی ساتار
گجه نی صبحه کیمی ایلدی خدمت راهب
خولید ه کوللرین اوسته قویا مهمانی ساتار
هر بلا آل علی چکدی مسلمان ائلدی
درج تاریخ بودور هر کسه اذعانی ساتار
.ساربان بجدلیله گلدی گجه قتلگهه
اوغرودا اولماسا ایمان بلی یورقانی ساتار
بیحیا بارماقینی کسدیحسینون اوگجه
بیر اوزکدن اوتوره یار دل آرانی ساتار
چوخی اسلامون آدیلان یخوب اسلامون ائوین
لعنت او مسلمه - کفّاره مسلمانی ساتار
اختلاس گرلری گور شمره گئدیب رحمت اوخی
بوللارین غیرتی یوخ دشمنه ایرانی ساتار
.چاپدی بیت المالی اوللار داشیدی خارجیه
اوزون آلمانیده اعوانلاری مجانی ساتار
ایت وفاکانیدی بوللاردا وفا یوخدی بلی
دئمه بیت المالی بوللاردی یتیمانی ساتار
ایت ائدر حفظ امانت سوری دوشمز خطره
هچ دگول صاحب شهرت سر سودانی ساتار
قاداسی دوشسون ایتین بوللارین ایکاش جانینا
بوللارین غیرتی یوخ قودلارا شعبانی ساتار
او وفاپیشیه ایته باخ بیر یوزون صاحبیدی
عهدیده صادق اولار وحشت صحرانی ساتار
گلله دن ایلر حفاظت نه قدر ساغدی جانی
خائن اولسا صاحابی قوردا بو حیوانی ساتار
نه اولار گرگیله همدست نه ده سازش ائدر
نه قوزی قوردا وئرر او- نه ده چوپانی ساتار
ایتدنده بوگون اسگیکدی .اختلاس الین
بو ریا ستدن اوتو رهبر دورانی ساتار
اختلاس گرلریله سن بیر ایتین فرقینه باخ
او چاپار ایرانی بو حفظ ائدر دونانی ساتار
دوز چورک حتی که بولمز ایله اشخاص لعین
نمکی میل الییر حتی نمکدانی ساتار
احتکار ایلیین ارزاقی ووران انباره
ملتین ارزاقینی دشمنه ارزانی ساتار
ایته بیر تکّه چورک آتسان ایاقوندن ئوپر
دورووه هی دولانار عشقینی پنهانی ساتار
اختلاس ایلیینین قارنی دویار گوز دویماز
پیس گونه ملتی سالسون دین و ایمانی ساتار
ولی انسان تانورام یوخدی او ایتجه وفاسی
ئوزگیه مین تومنه دوستونی بیر آنی ساتار
سهلدور دوست که قارداشینادا رحم ایله مز
قارداشین آج یاتیداردشمنه بو غدانی ساتار
ای آدین شیعه قویان شیعه لیقون قدرینی بیل
اهل ایماندا مگر رسم مسلمانی ساتار
.یوخدی دینین ولی آزاده یاشا دنیاده
بو حسینین سوزی دور جان اولا قربانی ساتار
شیعه ی شیر خدا حیدر پاکیزه سرشت
ساخلیار بیرق دین وعده عدوانی ساتار
جمله انصاره بویوردی بوسوزی ختم رسل
آلار ایمانی علی حب بو دنیانی ساتار
بو علی کی دئیورم رهبر والادی سیزه
حقی راضی ائلیر وعده ی عدوانی ساتار
اودی کی آلموشیدی درسین علیدن بالاسی
قارداشین بیر توکونه گور دوله مین جانی ساتار
علم حضرته عباسه یزید مات قالدی
دئدی عقبانی دوتارلذت دنیانی ساتار
بیر کسیکه قولونی اوپدی علی فخر ایلدی
ایله انسان مگر دشمنه ایمانی ساتار ؟
عصر تاسوعا جیرار شمرون اماننامه سینی
بو علی اوغلی مگر حب محبانی ساتار ؟
آخر شعریدی زهرا اتگیندن یاپو شاخ
مین دفعه اولادنا زهرا شه مردانی ساتار ؟
بوسوزی چوخ بویوبدوراو رسو ل مدنی
بو علی بوذرو مقدادیله سلمانی ساتار؟
بو علی قدرته خاطر بیلورم جنگ ائلمز
دئمیون شیرخدا عهدیله پیمانی ساتار
بیر زره حیدره وئردیم او زره فاطمه دی
حبذالله بو زره حیدره رجعانی ساتار
نیلیور جامه ی رزمی وار اونون فاطمه سی
او جهتدن زرهین عشقه اولان بانی ساتار
او یامان گونده حمایت ائلیر حیدردن
یارینه یار وفا قلب شکیبانی ساتار
ای قلم یاز ما نه لر گلدی علینون باشینا
ثانیده قدرت اوچون دوزخه رضوانی ساتار
در ودیوار آراسیندا او قویوب فاطمه نی
بئله فکر ائتدی خانم حضرت مولانی ساتار
فاطمه حفظ ولایت ائلیوب سنگرده
گوردولروجدان و ایمانینی اول ثانی ساتار
پشت درده دایانوب فاطمه فخرالنجبا
گوردولر حفظ اولا حیدر دل سوزانی ساتار
بالانی فدیه ائدر او آتانین مقدمینه
عشقینی ثابت ائده عالم امکانی ساتار
بو صداقتده خانم مام جهان دو غمو یاجاخ
لعنت اول جغدیه گلسین گل زهرانی ساتار
سوزی بی پرده یازوم سوز آلان آلسون قوتاریم
صحنه نقاشی اولا عارفه جریانی ساتار
بین دیوارو درو فاطمه کم فاصله وار
ایکی بی جان آرا جان دوجهان جانی ساتار
عالم معنادا سسلندی خدیجه نه نه سی
گورورسن غیرت وجدانینی بو ثانی ساتار
بو علینین کمگی یوخدی قیزیم فاطمه جان
کیم علینی آتا- قبو ل ایله طاهانی ساتار
سینه ی فاطمه میخ دریلن ایتدی جدال
اوتلی مسماره خانم سینه ی سینانی ساتار
نه لر اولدی قلمین قدرتی یوخ شرح وئره
گوردولر بی وفا لار عصمت کبرانی ساتار .
فاطمه سینه سینی ایلدی مسماره هدف
سینیه میخ جفا گور نجه طغیانی ساتار
.در و دیوار اولوب محسینین قتلگهی
گوردولر فاطمه عشقه گل خندانی ساتار
سینه ی فاطمه نی مسکن ائدوب تامسمار
سینه قانه بلشوب باب حقه قانی ساتار
فاطمه غش ایلدی محسینیده سقط اولدی
اللاهین دینینه خاطر او خانم جانی ساتا ر
دگدی اوّل او قاپی پیکر صاحب شرفه
غش ائدیب دوشدی یئر اوسته دل نالانی ساتار
فضه نی سسلدی گل داده اماندور ئولورم
حی تعالا یه خانم غملی بو عنوانی ساتار
قاپی زهرایه دگوب فاطمه ده دیواره
گوردولر اوتدا یانور فاطمه افغانی ساتار
دل دئدی دلبری سسله ولی شرم ایتدی خانم
عاقل انسانلارا انور بیله عنوانی ساتار
یادگاری دئمه دی فاطمه مولایه سوزون
فضییه اما خانم غملی قضایانی ساتار
سومدی یاری گله یارینی قان ایچره گوره
چاغیروب فضه سینه اول غم افزانی ساتا ر
