زهرا بیویو ب حامی قراندی ابولفضل - کان سخوتدی ابوالفضل - عبرت
حامی قرآندی ابوالفضل
=================
زهرا بیوروب حامی قرآندی ابوالفضل
مثل حسنینیمدی منه جاندی ابوالقضل
وور دا منینه چنگ توسل ایله افغان
سردار حسین ددلره درماندی ابو الفضل
فانیدی بو دنیا بوناچوخ ایلمه باور
یوخدان یارادوب عالمی بو خالق داور
محشرده یتر دادیوه عباس دلاور
اخلا صیله گل سنده بودربار حسینه
آغلار گوزیله یالوار علمدار حسینه
ای غفلتیله دنیانی تسخیر الیینلر
اللاهی دانوب مظلو ما ای زور دئینلر
عقباسینی دنیایه گوره باده وئر نلر
بیرگون اولی غفلت یو خو سوندان اویا نارسان
محشر گونی آواره قالاندا اینانارسان
ای اختلاس ایلوب نئچه میلیاردی او تانالار
وجدانینی ایمانینی دیناره ساتانلار
ای ممکتین وضعینی ایراندا قا تانلار
پیس گونلره اللاهه قسم سیز قالا جاقسیز
آند اولسون ابوا لفضله ده رسوا اولا جاقسیز
ال چکمه سه هر کیمسه ریادن یوزی گو لمز
ایله یخیلار توپرا قا حتّی اوزی بو لمز
چون گو زلرینی پرده دوتوب فکر ائدرئولمز
ملت اولوب آگاه اولارین شوم روشیندن
مینلر کپی ده حتّی چیخادوبلا فیشیندن
دویسا اولارین قارینی ولی گوزلری دویماز
اغفال ایلیوب نفسلری دوز یو لا قویماز
ایمانی اولان ملتین اموالینی سو یماز
وار گور نه علامت اولارین سجده گهینده
باخ گور دایانوبلارنمازین هانسی صفینده
ایراندا بهالیق نجه گور ایلوری طغیان
باعثدی اولار قویموری ارزاق اولا ارزان
بیرعده چکور کیف ولی بیر عده ای گریان
بیرعده آلور کلبینه راستا وئرور هر آن
بیر عده توروخ قیچینی آلماقا یوخ امکان
ای مومن قللابی که تسبیهین الینده
چوخ گوز لویوسن ذکریوی زیر وزبرینده
بو اعمالیوین اودلاناجاقسان خطرینده
ارزاق عمومینی سن انباروورورسان
اللاهیله قبول ایله سن جنگه دویورسان
صبر ایت آییلارسان اجلون باشه گلنده
غساله لباسین چیخادوب غسل وئرنده
باشه دوشه جاقسان ملکلموتی گورنده
سر مایه وه آلانما خیال ایتمه سنوندی
اونداگوره جاقسان بیر اوزون بیر کفنوندی
چوخ فخر ایلمه جاه جلالیله مقامه
چوخ تابع نفس اولما قولاق وئر بو کلامه
بیر گون دوشه جاقسان بولورم قوش کیمی دامه
بیر وقت آریلوب هوشه گلرسن قفسونده
اولماز داخاتاثیر قفسینده - نفسینده
قبرینده کمک اومویاجاخ غیر از عملدن
امداد - سنه یتمییاجاخ آیری بیر الدن
فکر ایله گیلن چاره یولی تاپ سن ازلدن
نه رشوه نه ده واسطه اوردا اولار امکان
تنها عملوندو ر سنه امداد ائدر هر آن
فکر ایلمه اعوانین ائدللر سنه امداد
ایتمه اولارین خاطرینه دینوی بر باد
هر کس سنی ارشاد السه ایلمه ایراد
قبرینده یاتارسان اولار آسوده خیالون
ائودن گوره جاقسان که گئدور اوندا عیالون
نه قارداشو ن امداد ائده جاقدور نه ده باجی
باخماز لار گئدیب مکییه حّتی اولوب حاجی
آغزیندا شیرین سو اولاجاق اول زمان آجی
گل هیئته بیهوده گولوب اما دئیینمه
صدیق ایله سین تا عملون اوردا ائمه
نو حدان بو سئوالی ایلدی بیر نفر هو شیار
دنیانی نئجه گوردون ایله بیزلره اظهار
وئردی بوجوابی اونا پیغمبر اخیار
دوزدور منه چوخ عمر وئریب حضرت باری
گوندن ایله بول که یئریدیم کولگویه ساری
مین ایل اولا عمرون گنه آخر ئوله جاقسان
هر نیله موسن قبرین ائوینده بوله جاقسان
سن دادگاها دفترین الده گله جاقسان
ایوای که صول الده اولا نامه اعمال
ایوای که شیطان عملون ایلییه پامال
غفلت یوخو سوندا ن گوزون آچ گور نه خبر وار
بیربیر کوچوری غافله مثل اینکه خطر وار
یول قو خولودور توشه گو تور طول سفر وار
خو ف ایلمزهر کس گو توره راهینه توشه
بد بخت اوکسدور گجه گوندوز گئده هوشه
آلانما گیلان سیم وزره دینیوی ساتما
یاددان ئولومی غافل اولوب سنده چیخاتما
سعی ایله حسین عشقینی قلبیندن آزاتما
هر کیمسه حسین عشقینه دل با غلاسا خوشدی
هر کیمسه عزاسیندا اونون آغلاسا خوشدی
اللاهه گوره گل عزیزیم آغلا حسینه
اللاهه توکّل ایله بیل اغلا حسینه
اللاهه گوره گل جگرین داغلا حسینه
خالص عملون اولسا حسین یار اولار اوردا
بوش اولسا الین قبرین ائوی تار اولار اوردا
زهرا بالاسی شخص ریا کاری بئینمز
زهرا بالاسی شخص ربا کاری بئینمز
زهرا بالاسی سخص ستمکاری بئینمز
هر کیمسه ده تقوا اولا مولاسی حسین دور
گر اولما سا تقواسی ایشه بلی چتین دور
قبرین ائوی بیر یئردی عملدور سنه مانوس
مومن عملون اولسا اولار قبریوه فانوس
گر ایسیو سن ایتمیه الله سنی مایوس
دوت دامان عباس و حسینیله حسندن
تا قورولاسان قبریده آلام محندن
هر کیمسه حیایندا حسینه دوتا ماتتم
یا د ایلیه عباسی توکه اشگ دمادم
اوّل گجه قبرینده حسین دور اونا همدم
فرمایش ائدر ای منه دنیاده عزادار
من قویمارام اولسونلا عزا دار لریم خوار
گلدی بولوسن شام غریبانینه کیملر
هم گلدی آتاسی اورا هم جدی پیامبر
بیر ده آناسی فاطمه سویلردی مکرر
ایوای سو یانیندائولن عطشان بالام ایوای
گل پیکر قو دالیده خندان بالام ایوای
اوغلون آنا هیچ وقت پریشان گوره بومز
حتّی باشینی قانیله الوان گوره بولمز
عالم ایله بیر شام غریان گوره بولمز
اما نئجه گوردی اوباشی حضرت زهرا
سعی ایلدی اولسون گنه هم صحبت زهرا
اوّلده کولی سیلدی خانم غملی یوزوندن
سوندان آلوب آغوشه اوپوب قانلی گوزوندن
آغلوب بو سئوالی ایلدی اوردا اوزوندن
جر مون نئیدی یربیله ظلمی ایلیوبلر
پیغمبر اسلام نوه سیدون دئمیوبلر
هم سارا و هم آسیه هم حاجر و حوا
منلن نئچه مینلرگلوب اوغوم بورا حورا
وئر اذن طواف ایلیه بو مطبخی لعیا
مر یمله گلوب حتّی خدیجه آنام الان
خوش گلدون ایله فاطمه اولسون سنه قربان
هرقدری دانیشدیردی جواب اولمادی اصلا
بیرچاره یولی تاپدی خلاصه اودل آرا
وئردی باجیسی زینبه آند حضرت زهرا
سویلوب دئمورم سن منی بو یئرده یاد ایله
دیندیر بو قو ناقلاریم سن باری شاد ایله
زینب اآدی گلجک اوزمان گوزلرین آشدی
مبهوت قالوبلار دئدیلر بو نئجه ایشدی
عارف اولان انسان یقین مطلبی ششدی
هم اولدی مشخص با جینن حر مت و حدّی
زینب آدی قارداشینی تیز صحبته گتدی
سو یلوبدی منی عفو ایلون باوفا نسوان
خوشگلموسوز بو مطبخه الان منه مهمان
خجلت چکور م سیز هارا مطبخ هارا الان
هر تک تکی گلدی دیله سو یلوب شه خوبان
بو مطبخی بیز فرض ائدروک جنت رضوان
چوخلاری گلو ب بوردا دورو بلار هدفیله
او پسونله اوقانلی یوزون بورداادبیله
عیسی ده گلر حتّی اوشاه نجفیله
قودالیدیده واردی الان نئچه قوناقون
ایستور اوپه اول نازلی رقیه ال ایاقون
بیرده گلوب اول قتلگهه ن بجدل بی دین
بیرده کسه او اللریوی شوم بد آئین
سن ایله دعا فاطمه ده سویله سین آمین
من یادگارا لطف ایله سه ز راهمی آزمام
افراطیله تفریط سوزوینی سیزلره یازمام
