شعر در مورد اختلاس و احتکار و حاجیان ریا کار و گریز به امان نامه
شعر در مورد اختلاس و احتکار و در باره حاجی
ها که زود زود به میروند و پولهای آنا ن را سعود ی
میکند راکت بمب به سر یمنی ها و.....میریزد
===========
ویرمه میش خمسی گئدوب کعبه طواف ایلیوروک
کیمدی سامان وئره بو بی سر و سامانیمیزه
.
یدّی داش رمَیِ جمرده آتیروخ شیطانه
یعنی چپ باخمیا شیطان بیزیم ایمانیمیزه
.
حاجی داشلارین اولاتعدادی گر یوز میلیون
دگه میندن بیری گر دشمن قرآنیمیزه
.
پاک اولار جامعه بُخل و حسد و غیبتدن
جمله پایان وئریلر غیبت و بهتا نیمیزه
فسادین ریشه سی قطع اوندا اولار ایراندان
چپ باخانمازداخی بیرکیمسه ای نسوانیمیزه
اختلاس ایلین میلیادیلار ایرانیده وار
گلموری رحملری- زره- یتیمانیمزه
احتکار ایلین انباره ووران ارزاقی
بهالیق گونده سالان کشور ایرانیمیزه
اوندا یوخ غیرت وجدان و شرف آثاری
نئچه یوز دفعه گئده کعبه سبحانیمیزه
نه بودنیا نه اودنیا اونا اولماز ثمری
آند اولابیت خدایه شه مردانیمیزه
اول صفده نمازین دوروری بن ملجم
اوخلارین اماوورور پیکر عریانیمیزه
بیر نفر کاش اونا -آندیرا بو مسئله نی
وورما آتش داداشیم خرمن و بستانیمزه
داشلارین ساخلا بیرین وور گولا سن اوزباشیوا
تفرقه سالما اقلا- بیزیم استا نیمیزه
قارنین از بسکه دویوب گوزلرین آج دور بو لوروخ
گوز چتیندور دویا آند اولسون او منانیمیزه
چاپتدوقون پوللاری ایرانیده خرج ایله گیلن
سودی تا خرج اولا ایرانیده درمانیمیزه
آلمان و اوتریش آمریکیا حمل ایتمه پو لون
ایتمه امداد بیزیم اوردا کی عدوانیمیزه
چاپوسان بوردا سن اوردا سووورور اعوانین
رحم انصاف ایله مور طفل دبستانیمیزه
ایله ائو واردی توروخ ات یوزونه حسرتدی
سالموسان بیر نظری او گل خندانیمیزه
راستانی سن وئروسن خارجه ده ایتلریوه
باخموسان آج دولانان کودک نالا نیمیزه
یمنین وضعینه بیر دقت ایله سن اوردان
اوزلری سویلوری باخ خانه ویرانیمیزه
گونده یوزلر تن اوشاق اوردا آجوندان ئولوری
عمرده سن وئروسن پوللاری شیطانیمیزه
پوللارین موشگ ائدیب یاغدیری باشلارینا
حتی توهین ده ائدور سن کیمی نادانیمیزه
آنّیوی داغلیو سان مردمی آلاتماق اوچون
ووروسان تیرلرین طفل لب عطشانیمیزه
گئدسین حر مله نین خطینی هاممی بولوری
زهرلی اوخ ووروسان اصغر نالانیمیزه
ایله قیز وار دی چاتوب سنی الان اللی بشه
ازدواج ایله مییوب باخ بیزیم افغانیمیزه
اونا تای واردی چوخ اوغلان گودورعمری قوتولا
آرزوسین آپارا - دیلد ه - گور ستانیمیزه
بولارین باعثینه مین دفعه کاش لعنت اولا
ایتموری رحم بیزیم دیده گریانیمیزه
ازدواج وامی ئولو مدنده چتیندور آلسان
آیلار ایللر دوزه سن نوبت امکانیمیزه
کارمندی تاپاسان رسمی گرک ضامن اولا
کارمندین آدی لرزه سالور ارکانیمیزه
نئچه میلیارد آلو بلار اولارین ضامنی وار؟
ای خدا رحم ایله سن حال پریشانیمیزه
ظلم عرشه دایانوبدور بیزیم ایراندا الان
اذن وئر تیز تر اوزون حجت یزدانیمیزه
یادگاری قلمی بیرگون اولار چوبه دار
آسولار داردان اولار فدیه مدیرانیمزه
عدده ای فاتحه بیر عدده ای لعنت سو لویر
زهر سو یلله قاتو ب- شعرلری اییا نیمیزه
او یاتانلاری بونون شعرلری بیدار ایلدی
سالدولار لرزه بیزیم بنیه لی ارکانیمیزه
نه قالوب عرزه میز ایرانیده نه خارجه ده
گله لعنت بیله بیر - شاعر عر فانیمیزه
یاخشیدان پیسدن حقوقیم هله واردور آلورام
او کفایت ائدور ی - آبیمیزه - نانیمیزه
ولی چوخلاری چتین امر معاش ایلییوری
رحم ایله یارب اوزون دیده گریا نیمیزه
کلیه سین بعضی ساتور تاکه جهازیه آلا
گرک امداد اولا بو وضع پریشانیمیزه
فیش حقوقلاری گیچن گونلری چوخلار اوخودی
نئچه یوز میلیون آلانلار وورور اود جانیمیزه
مشگلات چوخدی ولی ایسته مورم شرح وئرم
یا ابولفضل کمگ ایت رهبر جانانیمیزه
دردینی چاهه دئیور چوخ گجه لر ماهه دئیور
گوروری ضربه ووران چوخدی بو ایرانیمیزه
دئمه ضربه دئگلین خائن ماهردی اولار
دشمن اصلی دیلر خون شهیدانیمیزه
شهدا لر قانی رسوا ائده جاقدور اولاری
حتی یانمازلا اولار بودل سوزانیمیزه
هازمان گلله دوشه بی حیا قوردون الینه
نه یانار گلله میزه نه ده کی چوپانیمیزه
گئبرن وقته بو قودلار قوزولار راحت اولار
سوسویوبدی بو خبیثان بیزیم قانیمیزه
دئیاجاخ بوللارین نیرانداکی همکاریلری
خوش گلو بسوز یانا سیز غصه لی نیرانیمیزه
=========
ذلته باخ اولارا لعنت اوخور ملتیمیز
افتخا ر لا ر ایلییور اما سلیمانیمیزه
داعشین پوزه سینی تپراقا سردار دی ووران
آفرین سویلدی رهبرده بو اصلا نیمیزه
شیطانی داشلادی حق جبهه ده سردار رشید
ووردولار موشگی بغدادیده قربانیمیزه
دئدی معناده خانم فاطمه اوز دخترینه
احترام ایله بالا یاره لی مهمانیمیزه
قبریزی امنده ساخلوبدی مدافعان حرم
سنده رحمت سویله زینب او همدانیمیزه
حججی باشی حسین باشی کیمی ذبح اولدی
نسگلی چوخدور اونون آند اولا وجدانیمیزه
شیطانا دوز داش آتان حاجیه جانیم قربان
او کی عزّت یارادوب دینیله قرآنیمیزه
.
شیطانی داشلاماقی ئورگشک عباس آقادان
گلمیوب گلمز اونون بنزری دورانیمیزه
.
شمر شیطاندان امان نامه آلوب عباسه
وار امیدیم دئدی تسلیم اولا فرمانیمیزه
.
گلدی بو نیّتیلن کرب وبلایه او دنی
ایندی باخ یاور سالار شهیدانیمیزه
.
شمریدن آلدی امان نامه نی کرّار اوغلی
جیردی ، بو لکّه یاپیشماز دئدی دامانیمیزه
دئدی انصافیدی زهرا بالاسین ترک الییم
حامی و یار اولا م دشمن دونانیمیزه
.
من بونون نوکرییم سو یله مر م قارداشیام
قاضیِ عادل اولا کاش بو دیوانیمیزه
آل سفیانین اولام شاهی منه ارزیشی یوخ
دئیه زهرا آتا باخ نوکرو دربانیمیزه
شب قتلینده بیوردی بیز اوچون مولامیز
گور نه تاپشوردی منه بیرده کی یارانیمیزه
دئدی نوکر وئرورم من سنی قارداشان اوغول
اوردا هک ایلدیم بو کلمه نی دیو انیمیزه
دئدیم حتی منی قاواسا گنه ترک ایله مرم
آند اولا حضرت پیغمبره قر آنیمیزه
قاداسین جانیمه اوچ قارداشیمیله آلارام
قویمارام زره ای نقصان یته پیمانیمیزه
قاپی آچماز یوزومه آند اولا زهرایه آنام
دورد اوغول فدیه دئیوبدور گل رضوانیمیزه
یا ابو الفضل اجازونله شعر ی ختم ائدورم
وئر صله یادگارا- بیرده کی احسانیمیزه
آلدیم احسانیدن الهام بوللاری یازدیم من
سن دئنن قارداشان ایسته بوللاری یانیمیزه
