اکبر ادی دفتره پیرایه دی = از خاکی و یادگاری
در شان علی اکبر (ع)
=============
اکبر آدی دفتره پیرایه دی
نقل دهن مردم دنیایه دی
بوآدی سعی ایله وضوسیز دئمه
مصحف عز و شرفه آیه دی
کیم بو آدین حفظ ائلسه حرمتین
حشریده زهرائیله همسایه دی
ذکر ائله بلکه گله آغزون دادا
-طعنه سی چون شهد مصفایه دی
یردن اوجالمیش بو آدین جلوه سی
نور ولا طاق ثریایه دی
سرو رواندی بو آدین صاحبی
استنادیم قامت رعنایه دی
شاخه طوبائیده حیران ایدوب
سرولرین باشلارینا سایه دی
نزد خداده بو آدین صاحبی
صاحب اوزی رتبه ی والایه دی
بهر شعور و ادب و غیرته
لعل بداخشان و گرانمایه دی
قامت رعناسی ستون کعبیه
قاشلاری محراب مصلایه دی
سهلیدی آی بلکه گونون طلعتی
چهره نورانی سینه سایه دی
یوسف اگر حشره کیمی دلستان
قبریده دل داغلی زلیخایه دی
یوسف مصری اوزی مین عشقیله
مشتری اکبرده کی سیما یه دی
هرنه گوزل واردی بو عالم آرا
غبطه سی اول حسن دل آرایه دی
عشقی بو گون شیعه لره اعتبار
مهریده محشر گونی سرمایه دی
نور بصردی آقامیز حیدره
میوه دل حضرت زهرایه دی
کیم قد و بالاسینه باخدی دیدی
- اوخشاری چوخ سید بطهایه دی
خلقاً وخلقا عمل و منطقاً
بنذری بو دهریده طاهایه دی
قلب پریشان حسینه سرور
نور و ضیا دیده ی لیلایه دی
روز جزا شیعه لرین حاجتی
بیر فقط اکبرده کی امضایه دی
خاکی عاصی هامیدان روسیاه
بیر فقط امیدی بومولایه دی
آل علینون قاپوسیندا فقط
صبح و مسا همتی انشایه دی
=========
شعرهای پایین از یادگاری میبا شد))
یادگارا خاکی شعری وئردی دم
عقباسینا بولدی که سر مایه دی
کیم گئده اکبر یولونی دنیادا
سلطه سی بو عالم فیها یه دی
اکبر آدین کیم دیدی اولدی شهید
قانی شرف جنت -العلایه دی
آی بونا یازمام نئیه وار علتی
غبطه سی خورشیدیله هم آیه دی
میلادی اولدی نئیه روز جوان
ارزش لطفی ایکی دنیایه دی
هاممی جوانلار بونی دیلدن سئور
بو گوزل الگو هامی پارسایه دی
هانسی جواندان گئدیب ایتسن سئوال
سویلر اونا لعیا اوزی دایه دی
شان و شرف گتدی بو آد بیزلره
نور وئرن دیده اعمایه دی
بو آدا قربان اولا هر زادیمیز
دیللریمز بسته بو والایه دی
کیم بونی سئو سه سئوری اللاهی
اعتقادیم – بلی بو فتوایه دی
بد بینی دشمندی بونو ن اللاها
زاتی اونو ن وصل چون ا عدایه دی
آییله گون بوندان آلار نورینی
نور سالان عرش معلایه دی
آی نئجه من عرض الییوم اکبره
غبطه سی ماهین بو دل آرایه دی
گون دئمرم گون غروب ایلر باتار
نوریضیا جنت الا علایه دی
گل دئمرم گل سارالار تیز سولار
چون بوگولون نسبتی زهرایه دی
گوزلری بیر حلقه دی بسم اللاها
سینه سیده سینه سینایه دی
قاشلاریدا مدیدی بسم اللاها
عمه لری عاشق او سیمایه دی
انکاری مرتدیدی بسم اللاها
مدرکیم انوردی بو معنایه دی
سوز یازورام وزنی آز قیمت آغیر
سوز دئمه دء درّ گرانمایه دی
فاطمییه هم بابا دور هم نوه
فدیه جانیم بو گل زیبا یه دی
یادینه دوشسردی کیمین مصطفی
بنزری سویلردی او مو لایه دی
من نئجه تعریف الییوم اکبری
تعلیمی مربو ط او سقایه دی
عرض ایلدی قارداشینا سیدی
باشیمه لطفون آقاجان سایه دی
جنگ فنونین بوناقوی اورگئدیم
بو بالا فاتح هامی دعوایه دی
سویلدی اکبر سنه قربان اولا
بو بالا نوکر سنهء آقا یه دی
یادگارام من شعرا چا کری
چون اولارین درسی منه پایه دی
اوزگه شعرین آدیما ثبت ایتمرم
بو عملین خصلتی اعدایه دی
الی یه چاتدی بو شعرین تعدادی
چشم امیدیم حق یکتایه دی
خاکی یازوب یرم ایکی بیتین بونو ن
شعرلریم - بحر - او دریایه دی
اهل تملق اولا گر شعر یازان
صورتی قبول ایله مین لا یه دی
===============
