حضرت معصو مه دندی = از شاعر شایان و یادگاری
کربلایی رحیم شایان ومحمد یادگاری
----------
عزت و شان و وقاریم حضرت معصومه دندی
شوکتیم یا اعتباریم، حضرت معصومه دندی
خلق ایچینده اشتهاریم حضرت معصومه دندی
دیلده کی شعریم ،شعاریم حضرت معصومه دندئ
پس منیم دار و نداریم حضرت معصومه دندی
تا قدم قویدی جهانه یثربی ایتدی منور
خلق و خلقی عین زهرا زینب موسی بن جعفر
شانی والا جاهی اعلا پاره قلب پیمبر
حضرت موسی الرضایه خواهر و دلدار و دلبر
بیله سویلردی قراریم حضرت معصومه دندی
.
دفتر شعر ولانون، شاه بیت بی نظیری
خاندان مرتضانون قمدا ارزنده سفیری
عصمة الله مجسّم رحمة اللهین بشیری
افتخاریلن ملایک قبرین ایلر گردگیری
وئرمیش هر نه کردگاریم حضرت معصومه دندی
نورینی تحسین ائده للر مهر و مه تابنده لیقده
وار نه قدر آیات عظمی درگهینده بنده لیقده
خیل زواری دایانمیش لطفیدن شرمنده لیقده
شخص سوم بانواندا، رتبه ده ارزنده لیقده
اهل بیته اشک و زاریم، حضرت معصومه دندی
.
کیم اونی ایتسه زیارت ایله بیر گورموش بتولی
احمده چون پاره تندی، شادمان ایتمیش رسولی
علمی الله جانبیندن، مات ائدیب فهم و عقولی
چون یوخویدی کفوی اصلا، اولمادی بیر کس قبولی
شیعه لیقده اقتداریم حضرت معصومه دندی
=========
گلدی یثربدن گوره قارداشینی بو ماه تابان
اولمادی قسمت گوره قارداشینی قمدا وئریب جان
ناگران قالموش گوزه قربان اولا بو کون و امکان
قوی صراحتلن یازوم هجران بونی سالدی ایاقدان
اشگ چشم انتظاریم حضرت معصو مه دی
عازمیدی نامه سی الده رضا دیدارینه
اللری اوز سینه سینده جان وئریب جانانینه
بو سفر باعث اولوبدور عمرینون پایانینه
افتخار ایتدی امامی بو دینین قر بانینه
سویلویردی افتخاریم حضرت معصومه دی
فاطمه آدیدی معصومه لقب وئرموش رضا
بوردا بیر اسرار واردور ایستورم افشا اولا
بوسوزی حتی بویورموش حضر ت خیر النسا
قبریمی امکانی یو خدور بیر نفر گورسون لذا
عاشقان قمدا مزاریم حضرت معصو مه دی
ایستورم اشعاریده آگه ائدم منده سنی
کیم اونی ایتسه زیارت ایلوری حتما منی
ریشه کن ایتسین خدا وهابینی اهر یمنی
اوللارین ظلموندن الان یوخ یمنیده ایمنی
قلبده امیدواریم حضرت معصو مه دندی
دورت مخمس شعربالا اهل او ل اورمییه دندی
اوّل اشعاردا یازدیم شعرهمان شایان ِدندی
احترامین ساخلارام چون قارداشیمدی هم وطندی
اویازان اشعار یلر فکر ایلرم گلدی چمندی
باغبان گلعذاریم حضر ت معصو مه دندی
آدینا قربان اولادوقوز نوه م اوغلوم عیلیم
.اوچ قیزیم بیرده اوزوم قربان اونا شان جلالیم
گر منی نوکر قبول ایتسه اولار راحت خیالیم
لطفی شامل اولدی دم تاپدی منیم بو شعرده حالیم
سو یلرم دار و نه داریم حضرت معصو مه دی
بوللارین لطفی منه ایرانیده ازبس عطادی
گر یازام شاعر بولارا شعریده والله خطادی
یادگا ری نوکریز دور- شعریده یازاسام بجادی
شعریمه ارزش وئرن معصومه دی بیرده رضادی
دیلده کی شعریم ،شعاریم حضرت معصومه دندئ
